Hebreos 9:2 - Kaqchiquel Bible

² Y ri jay banon rik'in tzieq, kere' k'a rubanik: Chupan k'a ri nibix loq'olej chire k'o ri candelabro y k'o chuqa' ri mesa richin ri kaxlan-wey ri nisuj chire ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

² Romariꞌ kereꞌ xbꞌan chare: Ri achoch riꞌ xbꞌan rikꞌin kꞌul, y kꞌo chuqaꞌ jun pimilej kꞌul jachayon rupan ri achoch riꞌ. Chupan ri kꞌojlibꞌel kꞌo pe nabꞌey, xyoꞌox ri candelero, y xyoꞌox chuqaꞌ ri mesa apeꞌ ngeyoꞌox ri kaxlan teq wey ri ngesujeꞌ chuwech ri Dios. Ri nabꞌey kꞌojlibꞌel riꞌ, ndibꞌix loqꞌolej kꞌojlibꞌel chare.

Kaqchikel Santa Maria de Jesus

² Y ri rachuoch ri Dios quireꞌ xꞌan cha: Chupan ri naꞌay cuarto ri niꞌeꞌx Lugar Santo cha, xcꞌujieꞌ ri candelero y jun mesa, y choch ri mesa xaꞌcꞌujie-ve ri sagrada simíta.

Kaqchikel Central Guatemala

² Y ri jay ri' que c'a re' rubanic. Chupan c'a ri nabey parte chire ri rachoch ri Dios, c'o ri lámpara y c'o chuka' jun mesa. Y pa ruvi' ri mesa ri' ec'o-vi ri lok'olej tak caxlan-vey. Y re nabey parte chire ri rachoch ri Dios nibix c'a Santo'ilej chire.

Re C'ac'a Testamento pa Kach'abal

² Y re jay re' ja quire' rubanic: Chupan re nabey parte c'o jun candelero y jun mesa. Y chach re mesa re' jec'o-va re lok'olaj tak xcana-vay, y re nabey parte re' nibex Santo cha.

Kaqchikel Western Solola

² Y ri rachoch ri Dios ri', ca'i' c'a rupan xban chare. Chupan c'a ri nabey rupan jay chiri' c'o wi ri lámpara y c'o chuka' jun mesa. Y pa ruwi' ri mesa ri' yec'o wi ri lok'olaj tak caxlan wey. Y ri nabey rupan jay ri' nibix c'a Lok'olaj lugar chare.

Hebreos 9:2 ပူးပေါင်းရင်းမြစ်များ

Ex 40:4

Chuqa' xtaya-apo ri mesa y ronojel ri samajibel ri yek'atzin chire, ri candelabro y ri taq candil ri yetzije'.

Ex 26:35

Jak'a ri pa loq'olej chire ri wachoch, chuwech-apo ri tzieq tasbel, chiri' xtikiya-wi ri mesa richin ri kaxlan-wey, ri pa xaman chire ri wachoch y ri candelabro xtik'oje' pa xokon.

Ex 40:2

Chupan ri nabey q'ij chire ri nabey ik' chire ri juna', jari' toq xtapaba-q'anej ri wachoch richin molojri'il.

Ex 26:33

Rije' kan xtikitzeqeba' k'a ri tzieq tasbel ri', rik'in ri taq rutzeqebal y ri chirij-apo chiri' xtikiya-wi ri káxa ri q'alajirisabel richin ri tununri'il. Ri tzieq tasbel, jari' ri xtik'oje' chukojol ri loq'olej y ri janila loq'olej chire ri wachoch.

Ex 29:35

Kan kere' k'a tabana' kik'in ri Aarón y ri e ruk'ajol, kan achi'el ronojel ri xinbij yin chawe. Wuqu' k'a q'ij ri xtakusaj richin naya' ri ruchojmilal chike, richin ye'ok kan nu-sacerdote.

Ex 29:1

Ja ruchojmilal re' ninya' kan chawe, ri ruk'amon richin naben kik'in ri Aarón y ri e ruk'ajol, toq xtikichop ri kisamaj richin sacerdote: Rat, xtabek'ama' k'a pe chikikojol ri q'ataj wákix jun nima-alaj achij wákix y e ka'i' achija' karne'l, ri kan e tz'aqet.

Ex 25:23

Chuqa' xtaben chike ri awinaq chi tikibana' jun mesa rik'in ri che' rubini'an acacia. Wo'o' k'a q'a'aj ri raqen, ka'i' q'a'aj ri ruwech y oxi' q'a'aj ri rujotolen xtikiben chire.

Ex 25:30

Kan jantape' k'a xtiya'ox ri kaxlan-wey pa ruwi' ri mesa, chinuwech yin, richin jun sipanik.

Ex 25:31

Chuqa' xtikiben jun candelabro rik'in q'anapueq jebel ch'ajch'oj achi'el rubanik jun ti che' almendra,*f11* y re' xtikiben rutzil rik'in jun bajibel. Xtikiben ri ruch'okolibal, ri raqen, ri ruq'a', ri taq rusi'j y ronojel ri retz'aba'l rik'in k'a q'anapueq xtikiben-wi y kan ruch'akulan-ri' xtikiben chire.

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

San Mateo 5:15

Roma rix man jun bey k'a nitzij ta jun q'aq' richin nisaqirisan y nijupuba' ta kan jun bojo'y pa ruwi'. Ri q'aq' ri nitzij kan richin k'a nisaqirisan; roma ri' nikanoj jun k'ojelibel ri nitz'uyuba-wi, richin keri' kan yerusaqirisaj konojel ri ek'o pa jay.

San Mateo 12:4

Rija' xbe chukanoxik wey chiri' pa rachoch ri Dios, y kan ja ri kaxlan-wey ri sujun chuwech ri Dios ri xkitej. Y re' xa kan man ruk'amon ta chi xutej rija' ni ri e rachibil, xaxe ri sacerdote ri kan k'o kiq'a' chire richin nikitej.

Hebreos 9:25

Y xaxe k'a jun bey xuben keri' y kan ja ri rukik'el rija' ri xuya'. Rija' man nuben ta achi'el nuben ri nimalej sacerdote re wawe' chuwach'ulew, ri ronojel juna' nok apo chupan ri rachoch ri Dios ri akuchi janila loq'olej, y nusuj kik' ri xa man richin ta rija'.