Hebreos 9:12 - Kaqchiquel Bible

¹² Toq ri Cristo xok ri akuchi kan janila loq'olej, xaxe jun bey xok ri chiri'. Y rija' man xusuj ta na ri kikik'el tzuntzun, ni ta kichin alaji' taq wákix. Kan ja ri rukik'el rija' ri xusuj chire ri Dios richin xkuyutej ri qamak, y rik'in ri' xuya' ri kolotajik ri richin jantape' chiqe.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Ri Cristo xbꞌa e chikaj y xok chupan ri kꞌojlibꞌel más loqꞌolej chin ri rachoch ri Dios, ma chin ta ndusujlaꞌ kikikꞌel wakx y cabras, xa kin ja ri rukikꞌel rijaꞌ ri xbꞌiyin cho cruz ri xusuj chare ri Dios chin xojrulaqꞌ, y xe jumbꞌey keriꞌ xubꞌen chin xojrelesaj pa ruqꞌaꞌ ri tzꞌamayon qichin chin jumul.

Kaqchikel Santa Maria de Jesus

¹² Ri Cristo joꞌc jun bꞌay xuoc para siempre chupan ri Lugar Santísimo chila chicaj. Pero man xuyaꞌ ta quiquiqꞌuiel cabras, ni quiquiqꞌuiel alajiꞌ tak váquix choch ri Dios. Xa ja ri ruquiqꞌuiel jajaꞌ mismo ri xuyaꞌ choch ri Dios chi xꞌan perdonar ri ka-pecados y chi xojrucol richin nojiel tiempo.

Kaqchikel Central Guatemala

¹² Ri Cristo xbe'oc c'a chupan ri Santo'ilej Lugar chila' chicaj. Xaxe jun bey xoc chiri', y riq'uin ri' xuben. Y rija' man xusuj ta na ri quiquiq'uel cabras, ni ta quichin alaji' tak váquix chire ri Dios. Can ja ri ruquiq'uel rija' ri xusuj chire ri Dios richin xcuyutej ri kamac y riq'uin ri' xuya' ri colotajic ri richin jantape' chike.

Re C'ac'a Testamento pa Kach'abal

¹² Re Jesucristo can xe-va re jun bey xoc chupan re lugar rubini'an Santísimo re c'o chila' chicaj. Tak reja' xoc chupan re lugar re', man xusuj-ta quiq'uiq'uel achija' tak cabras, y ni xe-ta quiq'uiq'uel alaji' tak vacx, xa can ja reja' mismo re xusuj re ruq'uiq'uel cha re Dios chin che xcuyutaj re kamac, y riq'uin re' xuban chaka che jumul xojcolotaj chach re mac.

Kaqchikel Western Solola

¹² Ri Cristo xbe'oc c'a chupan ri nimalaj Lok'olaj lugar chila' chicaj. Y Riya' ma xutzuj (xusuj) ta quiquiq'uel q'uisic' (cabras), ni xa ta quiquiq'uel ri alaj tak wáquix chuwech ri Dios. Ri Cristo can ya wi ri ruquiq'uel Riya' ri xutzuj (xusuj) chuwech ri Dios y xa jun bey xuben queri' riche (rixin) chi xcuyutej ri kamac y riq'ui ri' xuya' ri colotajic chake riche (rixin) xtibe k'ij xtibe sek.

Hebreos 9:12 ပူးပေါင်းရင်းမြစ်များ

Dn 9:24

Ri Dios nubij chi 490 juna' nrajo' richin chi yekolotej ri awinaq israelita y ri atinamit Jerusalem, y richin nik'is ri rutojbalil ri yakatajinenri'il y ronojel mak. Chupan ri q'ij ri' xtikik'ul ri kuyubel-mak, y xtik'oje' k'a ri ruchojmilal jantape' achi'el ri e q'alajirisan y ri xk'utumej chawech. K'ari' xtijaqatej ri k'ak'a' rachoch ri loq'olej Dios.

Wuj Richin ri Chojmirisabelri'il 16:15

Y chirij re' ri Aarón xtukamisaj ri achij tzuntzun ri xkik'en-pe ri winaqi', richin nikuyutej kimak. Y xtuk'uaj-apo ri kik' chirij ri tzieq ri tasbel rupan ri wachoch. Y k'ari' xtuben achi'el xuben rik'in ri rukik'el ri wákix; xtuchikaj k'a chuwech-pe ri káxa y pa ruwi' ri tz'apebel.

Wuj Richin ri Chojmirisabelri'il 4:3

Wi ta ri nimakun ja ri nimalej sacerdote, ri mak ri' niqaqa pa ruwi' ri tinamit. Y roma ri' k'o chi nusuj jun nima-alaj achij wákix ri kan tz'aqet richin kuyubel-mak.

Wuj Richin ri Chojmirisabelri'il 8:2

Ke'ak'ama-pe ri Aarón y ri e ruk'ajol pa wachoch richin molojri'il. Y chuqa' tak'ama-pe ri kitziaq richin sacerdote; tak'ama-pe ri aceite richin cha'onri'il; y tak'ama-pe jun nima-alaj achij wákix richin jun kamelabel richin nikuyutej kimak. Tak'ama-pe chuqa' ri ka'i' achija' taq karne'l, y ri chakech ri ek'o kaxlan-wey chupan ri maneq ch'amilej-q'or kik'in; y ronojel re' nasuj toq jun nok pa samaj richin sacerdote.

Wuj Richin ri Chojmirisabelri'il 9:15

Y chirij k'a re', ri Aarón xberuk'ama-pe ri achij tzuntzun richin ri kamelabel richin nikuyutej rumak ri tinamit. Xuqupij k'a ri ruqul y k'ari' xusuj ri kamelabel ri', kan achi'el xuben rik'in ri nabey chikop.

Wuj Richin ri Zacarías 3:9

Yin Jehová xtinya' jun abej chawech rat Josué. Y chuwech k'a re abej re' ek'o wuqu' wachaj. Y ja yin ri xkitz'iban chuwech ri abej ri'. Xeri', pa jun q'ij xtinwelesaj ronojel ri mak pa ruwi' re jun ruwach'ulew re'.

Marcos 3:29

Jak'a ri yoq'bel richin ri Loq'olej Espíritu, kan man xkekuyutej ta, xa kan xtrejqalej rumak richin jantape', xcha'.

San Lucas 1:68

Kan nimalej ruq'ij ri ajaw Dios qichin roj ri oj judío, roma yojrunataj-pe roj ri oj rutinamit, y yojrukol.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

Efesios 1:7

Ri ruk'ajol xken qoma roj y xbiyin rukik'el richin xojrukol roj chuwech ri mak. Y roma ri' xukuy ri qamak. ¡Jebel k'a niq'alajin ri nimalej rutzil ri Dios

Colosenses 1:14

ri achoq ik'in niqil-wi kolotajik y kuyubel mak.

1 Tesalonicenses 1:10

Y chuqa' nikitzijola' chi iwoyoben ri q'ij toq ri Jesucristo, ri Ruk'ajol ri Dios, xtipe chik jun bey. Rija' xk'astej-pe chikikojol ri kaminaqi' roma ri ruchuq'a' ri Dios. Y chuqa' iwetaman chi ja rija' ri xqojkolon chuwech ri ruk'ayewal ri xtipe.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Hebreos 1:3

Rik'in ri Ruk'ajol niq'alajin ri ruq'ij-ruk'ojlen. Ri Ruk'ajol kan junan rik'in rija' y ja ri K'ajolaxel ri uk'uayon richin ronojel ri k'o; rik'in ri ruchuq'a' ri ruch'abel ruchapon-wi. Rija' xtikir xuyoj ri qamak, y k'ari' xbetz'uye' chila' chikaj pa rijkiq'a' ri nimalej Dios.

Hebreos 10:19

Qach'alal, ri Jesús kan xken y xbiyin rukik'el qoma roj, y roma ri' toq kuqul qak'u'x yojjel-apo ri akuchi janila loq'olej rik'in ri Dios.

Hebreos 10:4

Roma ri kikik'el ri achija' taq wákix y ri tzuntzun kan man yetikir ta nikelesaj ri kimak.

Hebreos 13:12

Y roma ri' ri Jesús xuk'uex k'a chirij-el ri tinamit richin chi xuben loq'olej chike ri winaqi' rik'in ri rukik'el.

Hebreos 5:9

Y toq xtz'aqet ri k'o chi xok rija', kan jari' xok qitzij kolonel ri kan nitikir nuya' kolotajik richin jantape' chike konojel ri yeniman rutzij.

Hebreos 7:27

Rija' man achi'el ta k'a ri nimalej taq sacerdote ri e riy-rumam kan ri Leví. Roma rije' ronojel q'ij k'o chi yekisuj chikopi' chire ri Dios roma ri kimak y roma chuqa' ri kimak ri kiwinaq. Jak'a ri Jesús man nik'atzin ta chi k'iy bey k'o ta ri nusuj chire ri Dios. Rija' xa jun bey ri k'o chi xken chuwech ri cruz.

Hebreos 9:13

Chupan ri nabey jikibel-tzij nubij, chi wi k'o jun wineq ri man ch'ajch'oj ta chuwech ri Dios, k'o chi nichikex pa ruwi' rija' ri rukik'el jun achij wákix o jun tzuntzun o ri chaj richin jun ti wákix richin nich'ajch'ojirisex.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Hebreos 9:15

Roma ri' ja ri Cristo ri xk'amon-pe ri k'ak'a' jikibel-tzij ri xuben ri Dios qik'in roj, ri oj oyon richin yojok rik'in rija' richin xtiqichinaj chila' chikaj, ri rubin chi xtuya' chiqe ri man k'isel ta. Ronojel re' nibanatej roma ri Cristo xken richin chi xojkolotej chupan ri mak ri nunataj ri ojer jikibel-tzij.

Hebreos 9:19

Roma toq ri Moisés rubin chik chike ri winaqi' ronojel ri nubij chupan ri pixa' chi k'o chi nikiben, xberuk'ama-pe kikik'el alaji' taq wákix y tzuntzun, xolon rik'in ya'. Y rik'in rusumal karne'l ri kaqarisan rik'in aq'om y juboraj q'ayis hisopo, xuchikaj pa ruwi' ri wuj ri ruk'uan ri pixa' y pa kiwi' konojel ri winaqi'.

Hebreos 9:28

keri' chuqa' ri Cristo, xaxe jun bey k'o chi xken richin xrejqalej ri qamak qonojel. Y xtapon k'a ri q'ij toq rija' xtipe chik jun bey, jak'a man roma ta chik ri qamak, xa kan richin yojrukol-el roj, ri qoyoben-apo rija'.

Hebreos 9:7

Jak'a ri chirij-apo ri tzieq tasbel rupan ri jay, kan xaxe ri nimalej sacerdote ri nok, y xaxe jun q'ij chupan jun juna', kan ruk'uan k'a apo kikik'el chikopi' richin nusuj chire ri Dios roma ri rumak rija' y ri kimak ri winaqi' ri man xkina' ta xkiben.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

Apocalipsis 5:9

Y ri achi'a' ri' k'o jun k'ak'a' bix nikibixaj chire ri Karne'l. Y ri bix ri' nubij: Rat kan ruk'amon-wi richin xabek'ama-pe ri wuj, kan ruk'amon-wi chi ja rat yatelesan ri e tz'apeben-wi kan; roma rat kan xakamisex, kan rik'in ri akik'el xojakol qonojel richin xojok richin ri Dios. Xojakol stape' oj richin jalajoj ijatzul, ch'abel, tinamit y ri ruwach'ulew.