Hebreos 9:11 - Kaqchiquel Bible

¹¹ Jak'a ri Cristo kan xpe-wi y xok nimalej sacerdote richin ri k'ak'a' jikibel-tzij ri nuya' utzil chiqe. Ri rachoch ri Dios ri nisamej-wi ri Cristo más nim y más jebel. Roma ri jay ri' man banon ta koma winaqi' y re' nik'ulun chi tzij chi xa man aj-ruwach'ulew ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Pero ri Cristo okuneq más nimalej ruqꞌij Sacerdote ri ndiyoꞌon más utzulej teq favores ri kꞌo qaqꞌaꞌ chake, y wokami ndisamej chupan ri qetzij rachoch ri Dios chikaj, ri más kꞌo ruqꞌij y reqalen. Ri achoch riꞌ ma wineq ta ebꞌanayon, y riꞌ ndubꞌij tzij chi ma aj rochꞌulew ta achoch.

Kaqchikel Santa Maria de Jesus

¹¹ Pero vacame ya xalka ri Cristo ri Namalaj Sacerdote y jajaꞌ xtiyoꞌn nojiel ri utzulaj tak kax chika. Ri rachuoch ri Dios pacheꞌ nisamaj-ve ri Cristo más nem y más jaꞌal, ruma man bꞌanun ta cuma vinak, o sea man richin ta ri roch-ulief.

Kaqchikel Central Guatemala

¹¹ Ri Cristo can xpe-vi y xoc Nimalej Sacerdote richin ri c'ac'a' trato ri nuya' utzil chike. Ri rachoch ri Dios ri nisamej-vi ri Cristo más nim y más jebel. Roma ri jay ri' man banon ta coma vinek y re' nic'ulun chi tzij chi xa man aj-ruvach'ulef ta.

Re C'ac'a Testamento pa Kach'abal

¹¹ Re Cristo can xpa-yan y xoc jun Namalaj Sacerdote chin re c'ac'a trato re xban kaq'uin re ruc'amom-pa utzil chaka. Re rachoch re Dios re anche' xoc-va re Jesucristo más nem y más jabal. Roma re jay re' man vinak-ta je'banayon richin, mare' k'alaj che man vova-ta chach re ruch'ulef c'o-va.

Kaqchikel Western Solola

¹¹ Yac'a re wacami ya chic ri Cristo ri Nimalaj Sacerdote riche (rixin) ri c'ac'ac' trato ri c'amayon pe ri utzil ri tzujun (sujun) ojer ca. Y ri rachoch ri Dios ri nisamej wi ri Cristo wacami más nim y más jabel que chuwech ri rachoch ri Dios choch'ulef. Ruma ri jay ri' ma banon ta cuma winek y re' ntel chi tzij chi xa ma riche (rixin) ta re ruwach'ulef.

Hebreos 9:11 ပူးပေါင်းရင်းမြစ်များ

2 Corintios 5:1

Qetaman k'a chi ri qach'akul xa achi'el ok jun jay banon rik'in tzieq, re chuwech re ruwach'ulew, ja k'a toq xtiken re ch'akulaj re' kan xtiqak'ul chik jun qachoch rik'in ri Dios, ri kan ja rija' ri banayon, kan richin jantape' y ja ri chila' chikaj k'o-wi.

Hebreos 10:1

Ri pixa' ri xya'ox chire ri Moisés, xaxe ok rumujal ri utzil ri nuk'en-pe ri Cristo y man ja ta ri' ri qitzij. Roma ri' xa man jun bey xtikir xuben ch'ajch'oj chike ri ronojel juna' xekisuj chikopi' chire ri Dios.

Marcos 14:58

Roj kan xqak'axaj toq rija' xubij chi rija' xtuwulaj ri rachoch ri Dios ri xa banon koma achi'a', y pan oxi' q'ij xtuben-q'anej chik jun ri man achi'a' ta xkebanon, xecha'.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

Hebreos 2:17

Roma ri' xok wineq achi'el roj, richin chi xuben achi'el jun nimalej sacerdote ri nijoyowan qawech. Kan jantape' wi nuben ri samaj ri' rik'in ri Dios y roma ri' nikuyutej ri qamak roj winaqi'.

Hechos 7:48

Jak'a chuqa' man kan ta nik'atzin chi k'o ta jun jay ri nik'oje-wi ri nimalej Dios. Roma ri' k'o jun q'alajirisey ruch'abel ri Dios ojer kan ri rutz'iban kan:*f18*

2 Juan 1:7

E k'iy k'a q'olonela' yebiyaj chuwech re ruwach'ulew ri yebin chi ri Jesucristo toq xpe wawe' chuwech re ruwach'ulew, man xok ta wineq achi'el roj. Ri nibin keri' chirij ri Jesucristo, jari' k'a ri q'olonel ri netzelan richin ri Cristo.

Hebreos 3:1

Roma ri', rix loq'olej wach'alal ri ix oyon chuqa' junan qik'in roj roma ri Dios, kan ja ri Cristo Jesús titzu'. Ja rija' ri qaniman, y niqaq'alajirisaj chi rija' kan ja ri Dios ri xtaqon-pe richin, y ja chuqa' rija' ri qanimalej sacerdote.

San Juan 4:25

Y ri ixoq xubij chire ri Jesús: Yin wetaman k'a chi k'o na jun q'ij toq xtoqaqa chuwech re ruwach'ulew ri rey ri k'o chi nipe, ri nibix chuqa' Cristo chire. Y toq xtoqaqa rija', ronojel k'a xtuq'alajirisaj chiqawech, xcha'.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Wuj Richin Bix Chire ri Dios 40:7

Roma ri' xinbij: Jare' ink'o nu-Dios richin yatinsamajij, kan achi'el ri tz'ibatel chuwij chupan ri wuj.

Hebreos 7:1

Ri Melquisedec xok rey richin ri tinamit Salem, y chuqa' sacerdote richin ri nimalej Dios. Rija' xbe chuk'ulik ri qamama' Abraham y xrurtisaj toq tzolijineq-pe pa labal y ch'akowineq chik kan chikij ri e kaji' rey.

Wuj Richin ri Isaías 59:20

Chupan ri q'ij ri' ri kolonel xtipe k'a pa tinamit Sión, y konojel ri nuwinaq israelita xtikitzolij-ki' chikij. Ri Jehová kan keri' ri xusuj.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

Colosenses 2:11

Rix ri k'o ri Cristo pa taq iwánima, ri ix qupin richin jun retal, ri etal ri' man junan ta rik'in ri nikiben-qa ri winaqi' rik'in ri kiq'a'. Ri xuben ri Cristo chiwe ja ri xrelesaj ri itzel taq rayibel ri ek'o pa taq iwánima ri nibanon chiwe chi yixmakun.

San Mateo 11:3

richin nikik'utuj chire wi kan qitzij chi ja rija' ri k'o chi nipe o k'a nikoyobej chik na jun.

San Mateo 2:6

Kan xtipe k'a jun q'atoy-tzij pa Belén richin ri Judá. Stape' ri tinamit ri' maneq ok rejqalen chikiwech konojel ri tinamit richin Judá, jak'a kan kik'in rije' xtel-wi-pe re q'atoy-tzij re'. Y ja rija' k'a xtiyuqen kichin ri nuwinaq judío, nicha'.

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Wuj Richin ri Malaquías 3:1

Rix kan nikanoj ri Jehová ri k'iytisanel richin ronojel, y rija' nuya' rutzijol chi xtuteq-pe jun taqonel, richin nujeq ri bey chuwech. Y xeri' ri Jehová xtipe chupan ri rachoch. Ri rutaqonel richin ri jikibel-tzij ri iwoyoben rix peteneq chik pa bey.

Wuj Richin ri Jeremías 33:8

Kan xkench'ajch'ojirisaj rik'in ronojel kimak ri xkiben chinuwech; kan xtinkuy k'a ri kimak ri xkiben roma ri kiyakatajinenri'il chuwij.

2 Corintios 4:18

Roj kan man beneq ta k'a qánima chirij ri yeqatz'etela' pa ruwi' re ruwach'ulew; roj kan qatzuliben-apo ri man e tz'etel ta. Roma ri e tz'etel, xa ronojel e q'axel, jak'a ri xa man e tz'etel ta, kan e richin-wi jantape'.

Hebreos 12:27

Y toq nubij chi k'o chik jun q'ij, ri' kan niq'ax-wi k'a chi xkejalatej k'a el ronojel, roma xa e banon. Richin keri' xa kan xaxe xkeq'alajin kan ri man jun bey xkejalatej ta.

Hebreos 13:14

Chuwech re ruwach'ulew xa man richin ta jantape' qilon-qa jun qatinamit. Jak'a kan qachapon bey richin nibeqila' ri qatinamit ri peteneq chiqawech.