Hebreos 9:10 - Kaqchiquel Bible

¹⁰ Ri nabey jikibel-tzij, xaxe k'a xch'on chirij ri achike nikitej y nikiqum y ri jalajoj rubanikil ch'ajch'ojirisanik ri k'o chi nikiben. Ronojel ri xchilabex chike chi tikibana', xaxe numej ri ch'akulaj; y jari' ri ukusan-pe kan k'a toq xoqaqa ri q'ij toq k'o chi xjalatej ronojel ri'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Y ekꞌo chuqaꞌ leyes chupan ri nabꞌey pacto pa ruwiꞌ ri achike utz nditijeꞌ, ri achike utz ndikꞌuxeꞌ, y pa ruwiꞌ jalajaj teq chꞌajchꞌojrisanik ri ndikꞌatzin ngebꞌan chuwech ri Dios. Ri leyes riꞌ xkꞌojeꞌ keqalen xe hasta xuqaqa ri tiempo atoq ri Dios xuyaꞌ ri kꞌakꞌakꞌ pacto.

Kaqchikel Santa Maria de Jesus

¹⁰ Ruma chupan ri naꞌay pacto, joꞌc xchꞌoꞌ chirij ri chica niquitej, y ri chica niquikun, y cheꞌl chi ncaꞌiel sak. Jareꞌ ri xꞌeꞌx chica chi tiquibꞌanaꞌ, pero reꞌ joꞌc chirij ri cuerpo xchꞌo-ve; y jareꞌ ri bꞌanun-pa cꞌa antok xalka ri kꞌij chi xcꞌaxtaj nojiel reꞌ.

Kaqchikel Central Guatemala

¹⁰ Roma chupan ri nabey trato, xaxe c'a xch'on chirij ri achique niquitej, ri achique niquikun, ri jalajoj rubaniquil ch'ajch'ojirisanic ri c'o chi niquiben. Y ronojel ri que tak ri' ri xchilabex chique chi tiquibana', ri xaxe numej ri ch'aculaj; y jari' ri ucusan-pe can c'a tok xoka' c'a ri k'ij tok c'o chi xjalatej ronojel ri'.

Re C'ac'a Testamento pa Kach'abal

¹⁰ Roma chupan re nabey trato, xaxe xch'o chij re andex niquitaj, re andex niquikum, y re andex rubanic chin niquijosk'ij-qui'. Y ronojel re' xbex chique re kavinak xe'c'ue' ajuer can che tiquibana'. Y re' xtiq'uis rubanic c'aja tak re Cristo xte'ka vova' chach re ruch'ulef roma niban chic jun c'ac'a trato. Roma re nabey trato xa más chij re cuerpo xch'o-va.

Kaqchikel Western Solola

¹⁰ Y ronojel ri xbix chique xa más chrij ri ch'aculaj nich'o wi, achi'el tek nich'o chrij ri achique niquitij, ri achique niquikum y ri achique rubanic chi niquich'ajch'ojsaj qui'. Ronojel c'a ri' chilaben chique riche (rixin) chi niquiben, c'a ya tek xapon jun k'ij tek c'o chi xjalatej ronojel ri'.

Hebreos 9:10 ပူးပေါင်းရင်းမြစ်များ

Colosenses 2:16

Roma xik'ul ri kolotajik rik'in ri Cristo, man jun k'a tich'on itzel chiwij rix, roma ri nitej, ri niqum, ri man nichajij ta ri q'ij toq nalex ri ik', ri q'ij richin uxlanen y ri ch'aqa' chik nimaq'ij.

Efesios 2:15

Rik'in ri rukamik xuyoj ri qapixa', richin chi stape' ka'i' tinamit xa jun xuben chiqe. Y re wakami junan chik qawech y xa jun chik qabanon rik'in ri Cristo.

Hebreos 7:16

ri Jesucristo xok k'a sacerdote jak'a man achi'el ta nubij ri pixa'. Rija' xok sacerdote roma k'o ruk'aslen ri man jun bey xtik'is ta.

Ez 4:14

Y jak'a yin xinbij chire chi yin man jun bey nuchapon ta ri xa man ch'ajch'oj ta. Chuqa' man jun bey nutijon ruch'akul jun chikop ri choj xken, o ruch'akul jun chikop ri xwech' koma k'uxunela' taq chikopi', ni man jun bey nutijon ta ti'ij ri man e ch'ajch'oj ta.

Deut 23:11

Y k'a toq xtiqaq'ij na qa k'ari' natin, y k'ari' xtok-apo jun bey chik ri akuchi ixk'o-wi-qa.

Wuj Richin ri Chojmirisabelri'il 16:24

K'ari' natin ri akuchi kan cha'on-wi ri chiri' pa wachoch; y nukusaj-pe ri rutziaq richin ri jun chik rusamaj. Y xeri' nel-pe richin nusuj ri kamelabel ri niporox chijun, ri nusuj rija' chuwe yin. Y rija' nusuj chuqa' ri kamelabel ri xkik'en-pe ri winaqi' chuwe yin, ri niporox chijun. Kere' k'a xtuben chi nink'en chik kiwech rija' y ri winaqi'.

Hebreos 10:22

Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

Hebreos 9:1

Ri nabey jikibel-tzij ri xuya' chike ri qati't-qamama' nubij achike rubanik richin nikiya' ruq'ij ri Dios, y chuqa' xk'oje' jun rachoch ri Dios kik'in ri chuwach'ulew.

Hebreos 2:5

Ri Dios man rubin ta chi re ruwach'ulew chiqawech-apo, pa kiq'a' ta ángel nuya-wi richin nikiq'et tzij pa ruwi'.

Deut 21:6

Y konojel k'a ri achi'a' ri k'o kiq'ij, nikich'ej kiq'a' chirij ri ti wákix ri xkiq'ej ruqul chiri' kojol juyu',

Wuj Richin ri Chojmirisabelri'il 16:4

Ri nabey, ri k'o k'a chi nuben ri Aarón, ja ri natin, y k'ari' nukusaj ri rutziaq ri kan ch'aron richin pa nusamaj, ri e banon rik'in lino: Ri rupan rutziaq, ri nim raqen rutziaq, ri ximibel-rupan y ri kuchubel-rujolon retal ri rusamaj.

Ex 40:12

Xeri' xke'awoyoj ri Aarón y ri e ruk'ajol ri pan okibel chire ri wachoch, ri richin molojri'il y xke'ach'ajch'ojirisaj rik'in ya'.

Hebreos 13:9

Man tiya' q'ij chi ja ri tijonik man e qitzij ta ri ye'uk'uan iwichin. Más ta utz chi rix nikuquba' ik'u'x rik'in ri tijonik ri nich'on chirij ri rutzil ri Dios, y man rik'in ta ri tijonik ri nich'on chirij ri yetij y xa man jun utz ruk'amon-pe chike.

Hebreos 6:2

ri tijonik pa ruwi' ri qasan-ya', ri nik'atzin-wi toq ri e uk'uey kichin ri qach'alal nikiya' kiq'a' pa qawi' richin jun samaj, ri q'ij toq konojel ri kaminaqi' xkek'astej-el y ri ruk'ayewal richin jantape' ri xtuya' ri Dios pa kiwi' ri winaqi' ri man kiniman ta.

Efesios 1:10

Rija' ruch'obon-pe chi chupan re ruk'isibel taq q'ij xtuya' ronojel pa ruq'a' ri Cristo: Ronojel ri k'o chila' chikaj y ronojel ri k'o wawe' chuwech re ruwach'ulew xa jun xtikiben pa ruq'a'.

Gálatas 4:9

Jak'a re wakami, kan iwetaman chik ruwech ri Dios. O más utz ninbij chi ja ri Dios ri etamayon chik iwech rix. ¿Achike k'a roma toq rix niwajo' chik nisamajij ri jalajoj ruwech pixa' richin ri ruwach'ulew?

Marcos 7:4

Chuqa' toq yetzolin pe ri pa taq k'ayibel, wi man nikich'ajch'ojirisaj ta ki', kan man yewa' ta. Y k'o k'a ch'aqa' chik ri yekibanala' chuqa', achi'el ri kijosq'ixik ri qumbel taq ya', ri xára, ri ch'ich' taq leq y ri achike chuqa' rujosq'ixik nikiben chire ri kiwarabel.

Wuj Richin ri Chojmirisabelri'il 22:6

Ri sacerdote ri xtichapo jun chike ronojel re', kan xtok man ch'ajch'oj ta. K'o chi natin richin utz nutej ri sipanik ri', ri e jachon chuwe. K'a toq niqaq'ij-qa, k'ari' xtich'ajch'ojir, y k'ari' utz nutej ri sipanik ri e jachon chuwe, roma nuya'on q'ij chire richin chi jari' nutej.

Ex 29:4

Y xke'ak'uaj-apo ri Aarón y ri e ruk'ajol, ri chiri' pa okibel chire ri wachoch richin ri molojri'il y chiri' chuqa' tabana' chike richin tikich'ajch'ojirisaj-ki'.

Wuj Richin ri Q'axanri'il 6:3

kan k'o chi man xtuqum ta vino, ni man jun ri ch'amirisan, chuqa' ni ta ri ruya'al uva. Chuqa' man tutej uva, ni ri uva chaqirisan chik.

Hebreos 7:12

Jak'a toq xpe ri jun chik sacerdote, xjalatej k'a ri nubij chupan ri pixa', roma man junan ta rijatzul kik'in ri ch'aqa' sacerdote achi'el nuk'utuj ri pixa'.

Wuj Richin ri Chojmirisabelri'il 13:58

Y wi ta ri pus ri k'o chirij xabachike, xa xk'is ta el toq xch'aj, re' kan xtich'aj chik jun bey y kan xtich'ajch'ojir kan.