Hebreos 8:8 - Kaqchiquel Bible

⁸ Jak'a roma man xban ta ronojel ri nubij, roma ri' ri Dios xeruch'olij y xubij:*f21* Yin Jehová ninbij chi kan xtapon k'a jun q'ij chi xtinbenbana' jun k'ak'a' jikibel-tzij kik'in konojel ri winaqi' israelita y ri e rijatzul ri Judá.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Pero atoq ri Dios xutzꞌet chi ri rutinamit ma chꞌajchꞌaj ta ri kikꞌaslen, chi chꞌolinik xubꞌij: Ngetuqaqa qꞌij, ndichajeꞌ ri Ajaw, Atoq nibꞌen jun kꞌakꞌakꞌ pacto kikꞌin ri aj Israel y ri aj Judá.

Kaqchikel Santa Maria de Jesus

⁸ Pero ruma ri kateꞌt-kamamaꞌ man xquiꞌan ta nojiel ri nuꞌej chupan ri naꞌay pacto, rumareꞌ man xka ta choch ri Dios; rumareꞌ jajaꞌ cof xchꞌoꞌ chica y xuꞌej: Xtalka jun kꞌij, xchaꞌ ri Ajaf, antok xtinꞌan jun cꞌacꞌacꞌ pacto quiqꞌuin ri aj-Israel y ri aj-Judá.

Kaqchikel Central Guatemala

⁸ Pero xa roma c'a ri kati't-kamama' man xquiben ta ronojel ri xubij chupan ri nabey trato, romari' tok ri Dios man xka' ta chuvech. Y rija' xubij c'a: Xtapon ri k'ij, xcha' ri Ajaf, tok xtinben jun c'ac'a' trato quiq'uin ri aj-Israel y ri aj-Judá.

Re C'ac'a Testamento pa Kach'abal

⁸ Pero xa roma re kavinak xe'c'ue' ajuer can man xquiban-ta ronojel re xubij chupan re nabey trato, mare' tak re Ajaf man xka-ta chach, y xubij: Xtapon re k'ij tak xtimban jun c'ac'a trato quiq'uin re aj-Israel y re aj-Judá.

Kaqchikel Western Solola

⁸ Pero xa ruma c'a chi ri Dios ma xka ta chuwech ri xquiben ri kati't kamama', ruma ma xquiben ta ronojel ri xubij chupan ri nabey trato, rumari' tek ri tz'ibatal ca nubij: Xtapon na jun k'ij, xcha' ri Ajaf, tek xtinben jun c'ac'ac' trato quiq'ui ri aj Israel y ri aj Judá.

Hebreos 8:8 ပူးပေါင်းရင်းမြစ်များ

Hebreos 12:24

Ojk'o apo rik'in ri Jesús ri nisamajin ri k'ak'a' jikibel-tzij y rik'in ri rukik'el ri xbiyin ri xuch'ajch'ojirisaj ri qánima, roma ri rukik'el rija' más rejqalen chuwech ri rukik'el ri Abel.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Hebreos 9:15

Roma ri' ja ri Cristo ri xk'amon-pe ri k'ak'a' jikibel-tzij ri xuben ri Dios qik'in roj, ri oj oyon richin yojok rik'in rija' richin xtiqichinaj chila' chikaj, ri rubin chi xtuya' chiqe ri man k'isel ta. Ronojel re' nibanatej roma ri Cristo xken richin chi xojkolotej chupan ri mak ri nunataj ri ojer jikibel-tzij.

2 Corintios 3:6

Ja rija' k'a ri xbanon chiqe richin niqasamajij ri jun k'ak'a' jikibel-tzij. Ri jikibel-tzij ri' man tz'iban ta chuwech tz'alem taq abej. Xa kan tz'iban k'a rik'in ri Espíritu. Roma ri jikibel-tzij ri tz'iban chuwech tz'alem taq abej man nuya' ta k'aslen. Jak'a ri tz'iban rik'in ri Espíritu, kan nuya-wi k'aslen.

1 Corintios 11:25

Y toq xek'achoj yan chire ri wa'in, ri Jesús xuchop k'a chuqa' ri qumbel ri k'o vino chupan, y xubij: Re vino re', jare' ri nukik'el ri xtibiyin pan ik'exel rix. Rik'in re' nik'achoj ri k'ak'a' jikibel-tzij ri rajowan-pe ri Dios chi nuben iwik'in. Ronojel bey ri xtiqum, kan richin k'a natabel wichin yin, xcha' ri Jesús.

San Lucas 22:20

Toq e wayneq chik, ri Jesús xuchop k'a chuqa' ri qumbel ri k'o vino chupan, y xubij: Re vino re ninq'ej wakami, nuk'exewachuj ri k'ak'a' jikibel-tzij, y re' nijikibex rik'in ri nukik'el ri niq'ejq'o' iwoma rix.

Ez 37:26

Kan xtinben k'a kik'in rije' jun tununri'il richin uxlanibel-k'u'x richin jantape'. Chuqa' xtinben k'a chi xkejike' richin q'asen y xkewinaqir. Ri wachoch kan xtik'oje' k'a chikikojol rije',

Wuj Richin ri Jeremías 31:38

Chuqa' ninbij chi xtapon k'a ri q'ij chi ri Jerusalem xtipabex chik q'anej jun bey, nitiker k'a el rik'in ri rachoch ri chajinel ri k'o pa ruwi' ri tz'aq richin Hananel y choj nibe akuchi nusutij-ri' ri tz'aq.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

Marcos 14:24

K'ari' xubij: Re vino re ninq'ej wakami, nuk'exewachuj ri k'ak'a' jikibel-tzij, y re' nijikibex rik'in ri nukik'el ri niq'ejq'o' iwoma rix.

Wuj Richin ri Jeremías 31:27

Chuqa' ri Jehová xubij: Xtapon k'a jun q'ij toq yin xtinchajij ri ruwach'ulew Israel, ri Judá, ri winaqi' y ri chikopi', achi'el nuben jun tikonel.

Wuj Richin ri Jeremías 30:3

Roma k'o jun q'ij toq yin xkenk'en chik pe konojel ri winaqi' aj-Israel y ri aj-Judá, ri e nutalun-el pa taq ch'aqa' chik ruwach'ulew. Kan xkenk'en chik k'a pe jun bey chupan re ruwach'ulew ri xinya' chike ri iwati't-imama' richin xkichinaj rije', xcha' chuwe.

Wuj Richin ri Jeremías 23:7

Chupan ri q'ij ri', man xtibix ta chik: Utz ruwa-ruq'ij ri Jehová, roma xerelesaj-pe ri qati't-qamama' chupan ri ruwach'ulew Egipto.

Wuj Richin ri Jeremías 23:5

Xtoqaqa k'a jun q'ij toq yin xtinben chi ri David xtik'oje' jun rijatzul ri kan xtok jun rey ri xtuq'et-tzij rik'in na'oj. Rija' kan xtuq'et-tzij pa ruchojmilal y kan choj.

San Lucas 17:22

Xubij k'a chike ri rutijoxela': Xke'oqaqa k'a ri q'ij toq rix xtiwajo' chi stape' xaxe jun q'ij yik'oje' ta chik iwik'in, yin ri xiqaqa-pe achi'el wineq chi'ikojol. Jak'a man xkinitz'et ta chik.

San Mateo 26:28

Re vino re ninq'ej wakami, nuk'exewachuj ri k'ak'a' jikibel-tzij, y re' nijikibex rik'in ri nukik'el ri niq'ejq'o'. Y ri nukik'el xtibiyin iwoma rix, richin nikuyutej ri imak.

Deut 29:14

Y man xaxe ta qik'in roj re qamolon-qi' wawe' nuben ri Jehová re jun jikibel-tzij re' y re jun ya'on-tzij re',

Hebreos 7:22

Roma ri' ja ri Jesús ri pa'el kan chuwech ri jikibel-tzij ri xuben ri Dios qik'in. Re' kan más utz chuwech ri xuben kik'in ri qati't-qamama'.

Hebreos 8:6

Y rik'in ronojel re' kan niqatz'et k'a chi ri rusamaj ri Jesús más nim ruq'ij; roma ja rija' ri pa'el chuwech ri k'ak'a' jikibel-tzij ri nuk'en-pe más k'iy utzil chiqe.

Hebreos 8:13

Y toq ri Dios xunataj ri k'ak'a' jikibel-tzij, rik'in ri' xq'alajin chi ri nabey jikibel-tzij xa man nik'atzin ta chik, roma xa napon yan ri q'ij chi nik'is.

San Lucas 5:38

Jak'a chupan jun k'ak'a' k'ojelibel, utz niyake' k'ak'a' vino, keri' ri vino kan niyake' jebel chupan.