Hebreos 8:11 - Kaqchiquel Bible

¹¹ Kan man jun k'a nik'atzin-wi chi nikitijola-ki' chikiwech richin ketaman nuwech, roma konojel rije' kan xtiketamaj nuwech, nitikir-el rik'in ri más ko'ol y napon-q'anej rik'in k'a ri más nim,

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Chupan teq ri qꞌij riꞌ, ma ndikꞌatzin chi ta Chi ndikitijoj kiꞌ chikiwech chi kiwinaqul kiꞌ o chi koxpochel kiꞌ, Chin ndiketamaj nunoꞌoj riyin ri Ajaw. Porque chupan ri tiempo riꞌ, konojel ndiketamaj nunoꞌoj, Chi chꞌutiꞌq chi nimaꞌq.

Kaqchikel Santa Maria de Jesus

¹¹ Y man chic xticꞌatzin ta chi cꞌo jun nicꞌutu chiquivach ri ruvanakil, ni chiquivach ri rachꞌalal, chi nuꞌej chica: Tivatamaj roch ri Ajaf. Ruma quinojiel vinak xticatamaj cꞌa noch, desde ri más coꞌl hasta ri más nem.

Kaqchikel Central Guatemala

¹¹ Y ri k'ij ri' man chic xtic'atzin ta tijonic chique ri quivinak, ni chuka' chique ri cach'alal richin niquibij ta chique: Tivetamaj c'a ruvech ri Ajaf. Roma chupan ri k'ij ri' can conojel chic e etamayon nuvech. Can chi cocoj y chi nima'k quetaman chic c'a nuvech.

Re C'ac'a Testamento pa Kach'abal

¹¹ Y re k'ij re' man chic xtic'atzin-ta che xque'tijox re quivinak, ni xe-ta re quich'alal chin che niquibij-ta chique: Titamaj c'a rach re Ajaf. Roma chupan re tiempo re' can conojel chic je'atamayon noch. Can che cocoj y che nima'k quitaman chic noch.

Kaqchikel Western Solola

¹¹ Y ri k'ij ri' majun c'a jun ri xtutijoj ta jun ruc' rach'alal, ni majun ri quec'are' xtubij ta chare ri rach'alal: Tawetamaj c'a ruwech ri Ajaf, ma xticha' ta chare. Ruma chupan ri k'ij ri' can quinojel chic ye etamayon nuwech. Can chi ch'uti'k chi nima'k quetaman chic c'a nuwech.

Hebreos 8:11 ပူးပေါင်းရင်းမြစ်များ

Wuj Richin ri Jeremías 31:34

Kan man jun k'a nik'atzin-wi chi nikik'utula' ta chikiwech richin niketamaj nuwech, roma konojel rije' kan ketaman chik nuwech, nitiker-el rik'in ri más ko'ol y napon-q'anej rik'in k'a ri más nim, roma yin kan xtinkuy ri itzel taq kibanobal y man chik xtoqaqa ta chinuk'u'x ri kimak. Yin Jehová ri yibin.

Wuj Richin ri Isaías 54:13

Yin kan xkentijoj k'a konojel ri iwinaq; konojel k'a rije' xkek'ase' rik'in ch'uch'ujil.

San Juan 6:45

Kan tz'ibatel k'a chuqa' koma ri xeq'alajirisan ruch'abel ri Dios ojer kan, chi konojel k'a winaqi' xketijox roma ri Dios.*f8* Y ri achike k'a ri nrak'axaj ri ruch'abel ri nata' Dios y nretamaj, kan xtipe k'a chinukanoxik.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

Hechos 8:10

Kan konojel k'a winaqi' yeniman rutzij rija', chi ch'uti'q chi nima'q. Y nikibila' k'a chi ja rija' ri rubini'an ri Nimalej Ruchuq'a' ri Dios.

Wuj Richin ri Habacuc 2:14

Roma ri winaqi' ri ek'o chuwech chijun ri ruwach'ulew, kan xtiketamaj jebel ri ruchuq'a', ri ruq'ij-ruk'ojlen ri Jehová, achi'el nuben ri ya' toq napon chupan ri palou.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Ez 34:30

K'ari' k'a xtiketamaj chi ja yin Jehová ri ki-Dios y chi rije' e nutinamit yin. Chuqa' kan jantape' xkik'oje' kik'in. Yin Jehová ri yibin.

Wuj Richin ri Esdras 7:25

Y rat, Esdras, rik'in ri na'oj ri ruya'on ri a-Dios chawe, ke'akanoj k'a ri yechojmirisan ri yebanatej, y ye'akanoj chuqa' aj-raqen ri nikiq'et-tzij pa kiwi' konojel ri awinaq ri ek'o pa ruwach'ulew ri k'o pa qajbel-q'ij chire ri raqen-ya' Éufrates. Y wi man ketaman ta ri pixa' richin ri a-Dios, tak'utu' chikiwech.

2 Crón 30:22

Ri Ezequías xumatioxij k'a chike ri e levita ri kan k'o nojibel kik'in richin xkiben re samaj re'. Kan xkitej k'a ri ti'ij ri xsuj richin kamelabel chupan ri wuqu' q'ij ri', y chuqa' ri ti'ij ri richin ri sipanik ri nuq'alajirisaj chi ri winaqi' junan kiwech rik'in ri Jehová.

Wuj Richin ri Jeremías 44:12

Xtinben chiwe ri xixpe pan Egipto chi kan xkixink'is. Xkixtzaq chi espada y xkixken roma wayjal. Ri más ko'ol k'a ri más nim, kan xkixinkamisaj y xkixok ya'ol taq k'ix. Iwoma rix ri ch'aqa' chik winaqi' xtikixibij-ki' y chuqa' xtiqaqa itzel pan iwi'.

Wuj Richin ri Jeremías 6:13

Chi ch'uti'q chi nima'q xaxe nikich'ob ri kichin-qa rije'. Ri nikibananej chi e q'alajirisey nuch'abel y ri e sacerdote xaxe q'oloj ri yekiben.

Wuj Richin ri Jeremías 42:1

K'ari' konojel ri aj-raqen kichin ri aj-labal, ri Johanán, ri Azarías ruk'ajol ri Hosías y konojel ri winaqi' xejel-apo

Wuj Richin ri Jeremías 42:8

Y yin xinwoyoj ri Johanán ruk'ajol ri Caréah, konojel ri aj-raqen ri ek'o pa kiwi' ri aj-labal y konojel ri winaqi' ri nitiker-el rik'in ri más ch'uti'n k'a rik'in ri más nim.