Hebreos 7:25 - Kaqchiquel Bible

²⁵ Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

နောက်ထပ်ဗားရှင်းများ

Kaqchikel Santo Domingo (Xenacoj)

²⁵ Romariꞌ, nditiker ngerukal chin jumul ri ngetaqin richin chin ngebꞌeqaqa rikꞌin ri Dios, porque jumul kꞌo rukꞌaslen chin ndukꞌutuj ru-favor ri Dios pa kiwiꞌ.

Kaqchikel Santa Maria de Jesus

²⁵ Rumareꞌ jajaꞌ siempre nitiquir ncaꞌrucol quinojiel ri niquinimaj jajaꞌ chi ncaꞌjiel-apa riqꞌuin ri Dios. Ri Jesús cꞌo rucꞌaslien richin nojiel tiempo, y rumareꞌ siempre nichꞌoꞌ cha ri Dios pa qui-cuenta.

Kaqchikel Central Guatemala

²⁵ Y romari' rija' can jantape' c'a nitiquir yerucol ri yejel-apo riq'uin chucanoxic ri Dios. Roma rija' can man camel ta, y romari' benek-ruvech nuc'utuj rutzil ri Dios pa quivi'.

Re C'ac'a Testamento pa Kach'abal

²⁵ Y mare' reja' can nitiquir ye'rucol chin nojel tiempo re ye'niman richin, chin che c'o modo ye'jelon-apo riq'uin re Dios. Roma reja' can nojel tiempo Sacerdote, mare' binak-rach nich'o pa qui-cuenta re vinak cha re Dios.

Kaqchikel Western Solola

²⁵ Y rumari' Riya' can benak ruwech chi nicowin yerucol ri yejel apo riq'ui chucanoxic ri Dios. Ruma Riya' jurayil chi c'o ruc'aslen riche (rixin) chi ma nitane' ta chi nuc'utuj rutzil ri Dios pa quiwi'.

Hebreos 7:25 ပူးပေါင်းရင်းမြစ်များ

Wuj Richin ri Achin Job 22:17

Rije' kan kibin k'a chire ri Dios chi keruya' kan kiyon, roma ri Dios ri k'o ronojel uchuq'a' pa ruq'a', man jun ruk'ayewal nitikir nuya' pa kiwi'.

Wuj Richin ri Achin Job 23:3

Xa rik'in ta ninwetamaj akuchi ninwil wi ri Dios, yin yinapon ta k'a rik'in richin chi kirak'axaj, ri chiri' ri akuchi nuq'et-wi-tzij.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

Wuj Richin ri Isaías 45:24

Y xtikibij k'a chi xaxe wik'in yin k'o ruchojmilal y uchuq'a'. Konojel k'a xkepe chinuwech, y xkek'ixbitej k'a konojel ri xeyakatej chuwij.

Wuj Richin ri Isaías 53:12

Roma ri' yin kan xtinnimirisaj ri rubi' chikikojol ri e nima'q taq winaqi', y kan xtinya' ruchuq'a', roma rija' kan xtuya-ri' pa kamik, y kan junan xtikamisex kik'in ri aj-maki'. Kan rija' xtejqan kimak ri janila chi winaqi', y kan ja rija' xtich'on pa kik'exel ri aj-maki', nicha' ri Dios.

Wuj Richin ri Isaías 59:16

Toq xutz'et chi man jun nibanon ri ruchojmilal, Ri Dios kan janila xumey-qa. K'ari' rija' xuya' ruchuq'a' richin xuben pa ruchojmilal, richin xril ri ch'akonik.

Wuj Richin ri Isaías 63:1

K'o k'a jun q'ij toq k'o jun ri xtuk'utuj: ¿Achike kami ri peteneq pa ruwach'ulew Edom, y k'o pa tinamit Bosrá, ri kan nich'ich'an ri rutziaq? ¿Achike kami ri rukusan-pe jun tzieq ri kan nitz'intz'ot y kan peteneq rik'in uchuq'a'?, xticha'. Ja yin Jehová ri yich'on pa ruchojmilal, y k'o wuchuq'a' richin yixinkol.

Wuj Richin ri Jeremías 3:22

Titzolej k'a pe ik'u'x wik'in, rix alk'ualaxela' ri ix yakatajineq chuwij y yin xkixinwaq'omaj rik'in ri iyakatajinenri'il. Y rije' nikibij: Jare' ojk'o wawe' chawech richin yojch'on-q'anej awik'in, roma kan ja rat ri at qa-Dios.

Dn 3:15

Y xubij chik k'a jun bey chike, chi toq xtikak'axaj ri ruch'abel ri q'ojom kan k'o chi yexuke' chuwech ri wachibel, roma wi man xkexuke' ta, kan ja yan ri' xkek'aq pa q'aq' richin yek'at. Y kan man jun k'a dios ri xkekolon pa ruq'a' ri rey.

Dn 3:17

roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Dn 3:29

Roma ri' wakami, kan ninya' re jun pixa' re' chi xabachike k'a tinamit, ruwach'ulew o wineq ri nich'on itzel chirij ri ki-Dios ri Sadrac, ri Mesac y ri Abed-negó, kan xkek'ajix k'a y ri kachoch kan xtok k'a kan toribel q'ayis. Roma kan qitzij wi chi kan man jun chik dios nikolon achi'el ri ki-Dios rije', xcha'.

Dn 6:20

Xjel k'a apo chuchi' ri jul y rik'in bis xroyoj-qa ri Daniel. Y xubij-qa: Daniel, ri at rusamajel ri k'aslik Dios, ri Dios ri jantape' nasamajij, ¿kan xtikir kami xaruto' chikiwech ri koj?, xcha-qa.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

San Juan 14:13

Ronojel k'a ri xtik'utuj pa nubi' yin, kan xtinya-wi. Richin keri' niq'alajin ri ruq'ij-ruk'ojlen ri nata', woma yin.

San Juan 14:16

Y yin xtink'utuj k'a chire ri nata'. Y rija' kan xtuteq k'a pe jun chik ri nito'on iwichin richin xtik'oje' iwik'in richin jantape'.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

Romanos 5:10

Y wakami ri Dios xuben chi junan chik qawech rik'in roma ri ruk'ajol xken qoma roj. Y xtiqil ri kolotajik ri richin jantape' roma rija' xk'astej.

Romanos 5:2

Roma ri Jesucristo y ri kuqubabel qak'u'x toq roj yojtikir yojkikot rik'in ri rutzil ri Dios y rik'in ri' oj jikil-wi. Kan yojkikot k'a roma qoyoben ri q'ij toq xqojok achi'el rija'.

Romanos 8:34

¿K'a k'o ta kami jun ri nitikir nik'utun chi tiqaqa ruk'ayewal pa qawi'? Man jun; roma ri Cristo xken qoma roj, y xk'astej, y wakami k'o pa rijkiq'a' ri Dios y k'o ri nuk'utuj chire qoma roj.

1 Corintios 1:21

Ri Dios rik'in ri na'oj ri k'o rik'in, roma ri' man xucha' ta ri etamabel richin re ruwach'ulew richin chi rik'in ri' ri winaqi' niketamaj ta ruwech rija'. Ri Dios xuch'ob nukusaj ri rutzijol, ri nich'on chirij ri rukamik ri Cristo richin yerukol ri winaqi' ri nikikuquba' kik'u'x rik'in, stape' re rutzijol re' xa kan ch'ujerik chikiwech ri ch'aqa' chik.

Efesios 2:18

Y roma ri xuben ri Cristo yojtikir yojjel-apo rik'in ri Tata'ixel, chi judío y man judío ta, rik'in xaxe jun Espíritu.

Efesios 3:12

Y roj roma junan qawech rik'in ri Cristo roma ri kuqubabel-k'u'x ri k'o qik'in, man niqaxibij ta qi' yojjel-apo rik'in ri Dios. Xa kan kuqul qak'u'x yojjel-apo rik'in.

Efesios 3:20

Tiqaya' k'a ruq'ij ri Dios, roma rija' kan k'o-wi ronojel uchuq'a' rik'in y nisamej pa taq qánima. Roj kan k'iy wi k'a utzil niqak'utuj chire, jak'a rija' man xaxe ta ri' nitikir nuben. Roj kan man yojtikir ta k'a niqach'ob ronojel ri nitikir nuben rija'.

Filipenses 3:21

Re ch'akulaj re qak'uan wakami, man jun ok rejqalen. Jak'a xtapon jun q'ij toq rija' xtujel, y xtok k'a achi'el ri rucha'kul rija' ri k'o ruq'ij-ruk'ojlen. Re' xtuben rik'in ri uchuq'a' ri k'o rik'in ri nukusaj richin chi nik'oje' ronojel pa ruq'a'.

1 Timoteo 2:5

Kan xaxe jun Dios k'o y chukojol ri Dios y roj ri winaqi', xaxe jun k'o ri nibanon chi yojapon rik'in ri Dios, y ri' ja ri Jesucristo ri xok wineq achi'el roj,

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

Hebreos 11:6

Jak'a wi maneq ri kuqubabel-k'u'x qik'in, ri Dios man xtikikot ta ri ránima qik'in. Y richin yojjel-apo rik'in ri Dios, k'o chi niqanimaj chi rija' kan k'o-wi, y chi k'o utzil rik'in richin nuya' chike ri yekanon richin.

Hebreos 13:15

Roma ri' jantape' k'a tiqaya' ruq'ij ri Dios pa rubi' ri Jesucristo. Kan tiqaq'alajirisaj rik'in ri qachi' chi ja rija' ri qaniman.

Hebreos 2:18

Rija' kan qitzij xutej-poqon, y xban chire chi xmakun ta, jak'a man xch'akatej ta. Roma ri' rija' kan nitikir-wi yojruto' toq niban chiqe roj chi yojmakun ta chuqa'.

Hebreos 2:9

Chuqa' ri Jesús maneq más ruq'ij xban chire chikiwech ri ángel jak'a xaxe richin ka'i-oxi' q'ij. Y ri' roma ri Dios xrajo' chi ri Jesús xutej-poqon y xken richin xuya' ri rutzil pa qawi'. Y wakami ya'on chik ruq'ij-ruk'ojlen.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Hebreos 7:16

ri Jesucristo xok k'a sacerdote jak'a man achi'el ta nubij ri pixa'. Rija' xok sacerdote roma k'o ruk'aslen ri man jun bey xtik'is ta.

Hebreos 7:19

Roma ri pixa' xa kan man xtikir ta xuben chike ri winaqi' chi tz'aqet ta ri kik'aslen. Jak'a re wakami k'o chik ri jun ri achoq ik'in niqoyobej-wi ri utzil y nuben chiqe chi yojtikir yojjel-apo rik'in ri Dios.

Hebreos 7:24

Jak'a ri Jesús kan sacerdote richin jantape' y man jun nijalo-el chupan ri rusamaj, roma kan man niken ta.

Hebreos 7:8

Ri e riy-rumam kan ri Leví ri nikik'ul ri jun chire ri lajuj xa e kamel. Jak'a ri Melquisedec ri xuk'ul ri jun chire ri lajuj chuwi-ruq'a' ri Abraham, nibix chirij chi kan k'a k'es.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.

Judas 1:24

Kan xaxe chire ri Dios ri qakolonel, ri nitikir yojruchajij richin man yojtzaq ta pa mak y nitikir nuben chiqe chi yojapon chila' chikaj rik'in ch'ajch'ojil y man jun qamak chuwech ri nimalej rajawaren,