Hebreos 7:2 - Kaqchiquel Bible

² Y ri Abraham kan xuya' k'a chire ri Melquisedec, ri jun chire ri lajuj chire ronojel ri relesan-pe chuwi-kiq'a' ri rey ri xeruch'ek kan. Ri bi'aj Melquisedec nel chi tzij Rey Richin ri chojmilal. Ri ch'abel Salem nel chi tzij Uxlanibel-k'u'x, romari' rija' rubini'an chuqa' Rey Richin Uxlanibel-k'u'x.

နောက်ထပ်ဗားရှင်းများ

Kaqchikel Santo Domingo (Xenacoj)

² Y ri Abraham xujech chare ri Melquisedec ri diezmo chin nojel ri xukꞌen chikiqꞌaꞌ ri reyes. Ri bꞌiꞌaj Melquisedec ndubꞌij tzij, rey ri ndubꞌen nojel pa ruchojmil, y ndubꞌij tzij chuqaꞌ, rey pa ruwiꞌ ri tinamit Salem, y Salem ndubꞌij tzij, rey ri nduyaꞌ uxlanen chikikajal ri wineq.

Kaqchikel Santa Maria de Jesus

² Y ri Abraham nojiel ri kax ri xralasaj-pa chica ri reyes ri xchꞌacuon can chiquij, jajaꞌ xralasaj cꞌa ri diezmo riqꞌuin nojiel ri kax reꞌ y xuyaꞌ cha ri Melquisedec. Y ri bꞌiꞌaj Melquisedec, nuꞌej chi jajaꞌ jun rey ri can choj nuꞌon gobernar. Y ruma jajaꞌ rey richin ri tanamet Salem, reꞌ ntiel chi tzij chi jajaꞌ jun rey ri nuyaꞌ paz.

Kaqchikel Central Guatemala

² Y ri Abraham xuben pa lajuj chire ronojel ri relesan-pe chique ri reyes ri xeruch'ec y jun c'a chire ri lajuj ri' ri xuya' chire ri Melquisedec. Y ri bi'aj Melquisedec nic'ulun c'a chi tzij chi rey richin ri chojmilal. Y roma rija' rey richin ri tinamit Salem, nic'ulun chi tzij chi rey richin uxlanen.

Re C'ac'a Testamento pa Kach'abal

² Y re Abraham xuban lajuj partes cha ronojel cosa re xulisaj-pa chiquik'a' re reyes re xe'ruch'ac, y cha re lajuj partes re', jun parte xuya' cha re Melquisedec. Y re be'aj Melquisedec ndel che tzij che jun Rey re can choj-va re ruc'aslen. Y roma re Melquisedec Rey chin re tenemit Salem, ndel che tzij che Rey de paz, roma re be'aj Salem ndel che tzij paz.

Kaqchikel Western Solola

² Y ri Abraham ronojel ri cosas ri relesan pe chique ri reyes ri xeruch'ec, riya' xrelesaj c'a ri rudiezmo chare ronojel ri cosas ri' y yac'ari' ri xuya' chare ri Melquisedec. Y ri bi'aj Melquisedec ntel c'a chi tzij chi rey ri choj nik'ato tzij. Y ruma riya' rey riche (rixin) ri tinamit Salem, ntel c'a chi tzij chi riya' rey riche (rixin) ri uxlanibel c'u'x.

Hebreos 7:2 ပူးပေါင်းရင်းမြစ်များ

Wuj Richin ri Q'axanri'il 18:21

Jak'a ri winaqi' levita, yin ninya' chike ronojel ri numol-ri' ri jun chire ri lajuj ri nikiya-pe konojel ri awinaq; y jare' ri nikichinaj rije', roma nikiben ri samaj ri chiri' pa wachoch richin molojri'il.

Wuj Richin Bix Chire ri Dios 72:7

Chupan ri q'ij toq xtiq'aton-tzij rija', kan xtikotz'ijan k'a ri ruchojmilal. Kan xtik'oje' k'a janila uxlanibel-k'u'x. Kan keri' k'a xtuben tibe-q'ij tibe-seq.

1 Crón 22:9

Chuqa' xubij chuwe chi xtik'oje' jun nuk'ajol, y kan xtok jun achin richin uxlanibel-k'u'x, roma ri Dios xtuya' uxlanibel-k'u'x rik'in, y ri e etzelanel richin man jun xtikiben chire. Y roma ri' xubij chi xtubini'aj Salomón.*f8* Y chi chupan ri ruq'atbal-tzij kan xtik'oje' k'a uxlanibel-k'u'x y uxlanenri'il wawe' pan Israel.

2 Sam 23:3

Ri qa-Dios roj israelita xch'on. Ja ri to'onel qichin ri xbin re ch'abel re' chuwe: Toq jun niq'aton-tzij pa ruchojmilal, kan achi'el ri saqil ri nel-pe nimaq'a' yan ri man jun sutz' k'o chuwech. Toq jun q'atoy-tzij kan k'o rukiy ri Dios chuwech, kan achi'el ri job ri nibanon chi nibek'ulun-pe ri q'ayis pan ulew.

2 Sam 8:15

Ri David xq'aton-tzij pa ruwi' chijun ruwach'ulew Israel. Y kan ronojel k'a utz y pa ruchojmilal ri xeruben rik'in ri tinamit.

1 Sam 8:17

Xtrelesaj chuqa' chiwe ri jun chire ri lajuj chire ri ikarne'l, y rix xkixyuqe' pa samaj rik'in.

1 Sam 8:15

Xtrelesaj chiwe ri jun chire ri lajuj chire ri jalajoj ruwech iwixin y xtuya' chike ri aj-raqen y chike ri e rusamajela' rija'.

Wuj Richin ri Rutikeribel 28:22

Y re abej re' xtinya' kan richin retal, xtok k'a awachoch rat. Y ronojel ri xtaya' chuwe kan xtinch'er kan jun chire ri lajuj, xcha' ri Jacob.

San Lucas 2:14

¡Nim ruq'ij-ruk'ojlen ri Dios ri k'o chila' chikaj! ¡Re wawe' chuwech re ruwach'ulew k'o ta uxlanen kik'in ri winaqi' ri junan kiwech rik'in ri Dios!, yecha'.

Wuj Richin ri Miqueas 5:5

Ja rija' k'a xtik'amo-pe uxlanibel-k'u'x chupan ri q'ij ri'. Toq ri aj-Asiria xke'ok-pe chupan ri qaruwach'ulew richin xkekich'ek ri qawinaq, y xke'ok chupan ri jay richin q'atbel-tzij, jari' toq roj kan xkeqateq k'a chikij ri aj-Asiria e k'iy aj-raqen.

Wuj Richin ri Chojmirisabelri'il 27:32

Y chuqa' jun chire ri lajuj chike ri wákix, karne'l o tzuntzun, kan yech'ar k'a kan richin ye'ok wichin yin. Y ri rajaw nuchop kajlaxik chikijujunal y achoq pa ruwi' xtiqaqa-wi ri lajuj xtuya' retal richin chi jari' wichin yin.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

Hebreos 7:1

Ri Melquisedec xok rey richin ri tinamit Salem, y chuqa' sacerdote richin ri nimalej Dios. Rija' xbe chuk'ulik ri qamama' Abraham y xrurtisaj toq tzolijineq-pe pa labal y ch'akowineq chik kan chikij ri e kaji' rey.

Hebreos 7:3

Kan man niq'alajin ta k'a achike ri e rute-rutata', ni man niq'alajin ta chuqa' achike ri e rati't-rumama'. Kan man jun nubij pa ruwi' ri ralaxik y ri rukamik. Roma ri' toq niq'alajin chi rija' kan sacerdote richin jantape', achi'el ri Ruk'ajol ri Dios.