Hebreos 7:19 - Kaqchiquel Bible

¹⁹ Roma ri pixa' xa kan man xtikir ta xuben chike ri winaqi' chi tz'aqet ta ri kik'aslen. Jak'a re wakami k'o chik ri jun ri achoq ik'in niqoyobej-wi ri utzil y nuben chiqe chi yojtikir yojjel-apo rik'in ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Porque ri ley nixta jun achike xtiker xuchꞌajchꞌojrisaj chin jumul chuwech ri Dios. Jakꞌa ri achike qoyobꞌen wokami kin más wi utz roma ja ri Jesús ri qa-Sacerdote, ri achoq roma ngojjel apu rikꞌin ri Dios.

Kaqchikel Santa Maria de Jesus

¹⁹ Ruma ri ley man xtiquir ta xuꞌon chica ri vinak chi xiel ta el ri qui-pecado choch ri Dios. Pero vacame xa kayoꞌien jun esperanza ri más otz. Ruma jareꞌ nibꞌano chika chi nkujiel-apa más cierca riqꞌuin ri Dios.

Kaqchikel Central Guatemala

¹⁹ Roma ri ley xa can man xtiquir ta xuben chique ri vinek chi man jun ta quimac xec'ulun chuvech ri Dios. Jac'a re vacami c'o chic ri Jun ri achok iq'uin nikoyobej-vi ri utzil. Y ri Jun ri' más utz. Roma ja rija' ri nibanon chike chi yojtiquir yojjel-apo riq'uin ri Dios.

Re C'ac'a Testamento pa Kach'abal

¹⁹ Roma re ley xa man xtiquir-ta xuban chique re vinak che man jun quimac xel chach re Dios, pero vocame c'o chic Jun más otz pa ru-lugar re ley re'. Riq'uin re Jun re' kabanon-va confiar-ki'. Y xaxe roma re Jun re', yoj yojtiquir yojelon-apo riq'uin re Dios.

Kaqchikel Western Solola

¹⁹ Ruma ri ley ri' xa can ma xcowin ta xuben chique ri winek chi yetz'etetej ruma ri Dios chi majun quimac. Yac'a re wacami xa yoj royoben jun utzil ri can más jabel. Y ri utzil ri' nuben chake chi yojcowin yojjel apo riq'ui ri Dios.

Hebreos 7:19 ပူးပေါင်းရင်းမြစ်များ

Hechos 13:39

Roma ri pixa' richin ri Moisés man nitikir ta nuben chiwe chi man jun imak nik'ulun chuwech ri Dios. Jak'a konojel k'a ri nikikuquba' kik'u'x rik'in ri Jesús, man jun k'a kimak xkek'ulun chuwech ri Dios.

Hebreos 4:16

Roma ri' kan kuqul k'a qak'u'x qojjel-apo rik'in ri Dios ri niya'on ronojel utzil. Richin chi xtujoyowaj qawech y xtuya-pe ri rutzil pa qawi'. Y toq k'o jun xtiqak'uluwachij, kan jari' k'o-pe qik'in richin yojruto'.

Hebreos 9:9

Y ronojel re' nuk'exewachuj ri yebanatej re q'ij re'. Roma ri chikopi' y ri ch'aqa' chik ri yekisuj chire ri Dios ri chiri', man yetikir ta nikiben chike ri winaqi' chi choj ta ri kánima chuwech ri Dios.

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Hebreos 11:40

Roma ri Dios ruch'obon chi nuya' ri utzil ri más utz, chupan re qaq'ijul roj. Y keri' junan xtiqak'ul ri utzil ri' kik'in rije' ri kan xkikuquba' kik'u'x rik'in ri Dios.

Hebreos 10:1

Ri pixa' ri xya'ox chire ri Moisés, xaxe ok rumujal ri utzil ri nuk'en-pe ri Cristo y man ja ta ri' ri qitzij. Roma ri' xa man jun bey xtikir xuben ch'ajch'oj chike ri ronojel juna' xekisuj chikopi' chire ri Dios.

Hebreos 6:18

Ri Dios, kan qitzij wi ri nubij y man nitikir ta nutz'uk-tzij chirij ri rusujun y ri ya'on-tzij ri rubanon. Roma ri' k'o oyobenri'il qik'in roj pa ruwi' ri peteneq chiqawech.

Romanos 5:2

Roma ri Jesucristo y ri kuqubabel qak'u'x toq roj yojtikir yojkikot rik'in ri rutzil ri Dios y rik'in ri' oj jikil-wi. Kan yojkikot k'a roma qoyoben ri q'ij toq xqojok achi'el rija'.

Hebreos 8:6

Y rik'in ronojel re' kan niqatz'et k'a chi ri rusamaj ri Jesús más nim ruq'ij; roma ja rija' ri pa'el chuwech ri k'ak'a' jikibel-tzij ri nuk'en-pe más k'iy utzil chiqe.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

Gálatas 2:16

Man rik'in ri' qetaman chi ri wineq kan nik'ulun chi man jun rumak chuwech ri Dios*f3* xaxe toq nukuquba' ruk'u'x rik'in ri Jesucristo, y man roma ta chi nutaqej ri pixa'. Roma ri' roj judío chuqa' qakuquban qak'u'x rik'in ri Jesucristo richin chi man jun qamak yojk'ulun chuwech ri Dios, y man roma ta chi qataqen ri pixa'. Roma man jun nik'ulun chuwech ri Dios chi maneq ta rumak xaxe roma nutaqej ri pixa'.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

Wuj Richin Bix Chire ri Dios 73:28

Jak'a yin kan más k'a utz nuben chuwe chi yijel-apo awik'in rat nu-Dios. Kan awik'in rat Jehová nukuquban nuk'u'x. Y xtintzijoj ronojel ri abanon.

Hebreos 7:11

Stape' ri pixa' richin ri Moisés nubij chi ri sacerdote k'o chi e riy-rumam kan ri Leví, man rik'in wi ri' rije' man xetikir ta xkiben chi ri winaqi' man jun ta kimak xek'ulun chuwech ri Dios, y roma ri' k'atzinel chi xpe jun chik nimalej sacerdote achi'el ri Melquisedec, y man achi'el ta ri Aarón.

1 Timoteo 1:1

Yin Pablo, jun chike ri e taqon roma ri Cristo Jesús roma keri' xubij ri Dios ri qakolonel y ri Cristo Jesús, ri qoyoben chi nipe chiqak'amik.

Colosenses 1:27

Rija' kan xrajo' k'a xuq'alajirisaj ri jun nimalej qitzijri'il ri kan ewatel-pe, y ri qitzijri'il ri' nubij chi ri Dios xuteq-pe ri Cristo richin nok'oje' chuqa' pa taq iwánima rix y richin chi kan iwoyoben ri q'ij toq yixbek'oje' rik'in rija', rik'in chik iq'ij-ik'ojlen.

Efesios 3:12

Y roj roma junan qawech rik'in ri Cristo roma ri kuqubabel-k'u'x ri k'o qik'in, man niqaxibij ta qi' yojjel-apo rik'in ri Dios. Xa kan kuqul qak'u'x yojjel-apo rik'in.

Gálatas 3:24

Ja ri pixa' k'a ri xbin chiqe ri k'o chi xqaben k'a toq xpe ri Cristo. Y toq xpe rija', kan xuben k'a chiqe chi man jun qamak xojk'ulun chuwech ri Dios roma xqakuquba' qak'u'x rik'in.

San Juan 1:17

Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

Wuj Richin ri K'uxla'anik 3:57

Kan xape k'a wik'in ri q'ij toq xatinwoyoj. Xabij k'a chuwe chi man tinxibij-wi'.

Romanos 7:7

Y rik'in juba' niq'ax chiwech chi ri pixa' itzel, jak'a xa man keri' ta. Roma ri pixa' nik'atzin richin nuq'alajirisaj ri mak. Wi man ta k'o ri pixa' yin man ta wetaman achike ri' ri mak, achi'el toq nubij:*f14* Man tirayij chi iwik'in ta rix k'o-wi ri k'o kik'in ri iwachpochel.

Gálatas 3:21

¿Y yojtikir kami niqabij chi ri Dios xuya' ri pixa' richin xuyoj ta ri rusujun kan? Man keri' ta. Jak'a wi ta ri pixa' xtikir ta xuya' k'aslen, ja ta ri pixa' ri' ri nibanon chiqe chi man jun qamak yojk'ulun chuwech ri Dios.

Hebreos 3:6

Jak'a ri Cristo man choj ta samajel richin ri Dios, achi'el ri Moisés. Rija' kan Ruk'ajol-wi ri Dios. Y man xqojrumalij ta kan roj ri oj ruwinaq chik ri Dios, wi niqakuquba-apo qak'u'x rik'in, y rik'in kikoten niqoyobej-apo ri q'ij toq xtibeqila' ronojel ri utzil.

Hebreos 7:20

Man xaxe ta re', chuqa' ri Dios xuya' rutzij richin xq'alajin chi qitzij ri Jesús xok sacerdote. Jak'a toq ri e riy-rumam kan ri Leví xe'ok sacerdote, ri Dios man jun ya'on tzij xuben.

Hebreos 11:6

Jak'a wi maneq ri kuqubabel-k'u'x qik'in, ri Dios man xtikikot ta ri ránima qik'in. Y richin yojjel-apo rik'in ri Dios, k'o chi niqanimaj chi rija' kan k'o-wi, y chi k'o utzil rik'in richin nuya' chike ri yekanon richin.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.