Hebreos 7:10 - Kaqchiquel Bible

¹⁰ Stape' ri e riy-rumam kan ri Leví man jani ke'alex toq ri Melquisedec xbe chuk'ulik ri Abraham ri pa bey, kan jari' xkiya' yan ri jun chire ri lajuj chire, rik'in ri xuben ri kimama' Abraham.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Keriꞌ ndiqabꞌij, porque atoq ri Melquisedec xbꞌerukꞌuluꞌ ri Abraham, kꞌajani talex nixta ri Leví y nixta jun rumam, xa kꞌa ekꞌo pa ru-cuerpo ri Abraham, romariꞌ ndiqabꞌij chi rejeꞌ kin achel xkiyaꞌ ta ri diezmo chare ri Melquisedec chuqaꞌ.

Kaqchikel Santa Maria de Jesus

¹⁰ mesque majaꞌ talax ri Leví antok ri Melquisedec xbꞌarucꞌuluꞌ ri Abraham pa bꞌay.

Kaqchikel Central Guatemala

¹⁰ Y can yojtiquir c'a chuka' nikabij chi ri sacerdotes ri', stape' man jani que'alex tok ri Melquisedec xbe chuc'ulic ri Abraham ri pa bey, can jac'ari' tok xquitoj yan ri qui-diezmo chire ri Melquisedec, riq'uin ri quimama' Abraham.

Re C'ac'a Testamento pa Kach'abal

¹⁰ Y yojtiquir chuka' nakabij che re sacerdotes re', astapa' can c'amaje-na ca'lax tak re Melquisedec xba chuc'ulic re Abraham, can jare' tak xquitoj-yan re qui-diezmo cha re Melquisedec riq'uin re quimoma' Abraham.

Kaqchikel Western Solola

¹⁰ astape' ma jane talex ri Leví tek ri Melquisedec xbe chuc'ulic ri Abraham.

Hebreos 7:10 ပူးပေါင်းရင်းမြစ်များ

Hebreos 7:5

Qetaman k'a chi ri pixa' richin kan ri Moisés nubij chi ri e riy-rumam kan ri Abraham k'o chi jantape' xkiya' ri jun chire ri lajuj chike ri e riy-rumam kan ri Leví ri xe'ok sacerdote, stape' kan junan kati't-kimama'.

Wuj Richin ri Rutikeribel 46:26

Konojel k'a ri' ri e ruk'uan-el ri Jacob toq xbe pan Egipto, ri kan e rijatzul rija' e oxk'al waqi' konojel. Y man xe'ajlex ta ri e kixjayilal ri e ruk'ajol.

Wuj Richin ri Rutikeribel 35:11

Ri Dios xubij chuqa' chire: Ja yin ri in Dios ri ronojel yitikir ninben; katalk'ualan k'a y xkewinaqir ri awijatzul, awik'in k'a rat xtel-wi jun tzobaj winaqi', richin ri ruwach'ulew, y kan e k'iy chik k'a ruwach'ulew xke'el awik'in; chuqa' xke'el rey rik'in ri awijatzul.

1 Rey 8:19

Jak'a xa man ja ta rat ri xkabebanon ri wachoch, roma xa ja ri ak'ajol ri xtawalk'ualaj, ja rija' ri xtipaban-q'anej ri wachoch, xcha' ri Dios chire.

Hebreos 5:6

Y chuqa' xubij:*f16* Ja rat ri at sacerdote richin q'asen achi'el rubanik xinben rik'in ri Melquisedec.

Hebreos 7:9

Kan yojtikir niqabij chi toq ri Abraham xuya' ri jun chire ri lajuj ja yan ri' xuya' pa kik'exel ri sacerdote ri e riy-rumam kan ri Leví ri chuqa' kan xkik'ul ri jun chire ri lajuj.

Hebreos 7:11

Stape' ri pixa' richin ri Moisés nubij chi ri sacerdote k'o chi e riy-rumam kan ri Leví, man rik'in wi ri' rije' man xetikir ta xkiben chi ri winaqi' man jun ta kimak xek'ulun chuwech ri Dios, y roma ri' k'atzinel chi xpe jun chik nimalej sacerdote achi'el ri Melquisedec, y man achi'el ta ri Aarón.