Hebreos 6:7 - Kaqchiquel Bible

⁷ Kan achi'el k'a jun ulew ri k'iy job qajineq pa ruwi' y nel-pe jun utzilej tiko'n chuwech, ri tikonel kan yalan nikikot ri ránima rik'in, y ri ulew ri' nuk'ul urtisanik roma ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Ri ndikibꞌen chare ri kikꞌaslen chi ndikꞌiy más chiraqen ri Ajaw, kin eꞌachel jun ulew ri ndubꞌiqꞌ qa ri qatataꞌ ri jutaqil ndiqaqa pa ruwiꞌ. Ri ulew riꞌ nduyaꞌ utzulej tikoꞌ chake ri ngesamajin richin, y ri ulew kin ndiyoꞌox ru-favor ri Dios pa ruwiꞌ.

Kaqchikel Santa Maria de Jesus

⁷ Kataꞌn chi jun ulief ri qꞌuiy jobꞌ kajnak paroꞌ y nuyaꞌ jun utzulaj ticoꞌn, ri cꞌo otz nucꞌam-pa cha ri rajaf ri ulief, ri ulief reꞌ cꞌo ru-bendición ri Dios paroꞌ.

Kaqchikel Central Guatemala

⁷ Ketaman c'a chi vi jun ulef q'uiy job kajinek pa ruvi' y nel-pe jun utzilej tico'n chuvech, yalan niquicot cánima ri ticonela' y man niquiya' ta can, roma ri ulef ri' nuya-pe ri nic'atzin chique. Y queri' roj, vi nivachin jebel ri kac'aslen, achi'el nrajo' ri Kajaf, rija' niquicot ri ránima kiq'uin y nuya' ri utzil chike.

Re C'ac'a Testamento pa Kach'abal

⁷ Yoj re yoj vinak can yoj ancha'l jun ulef tak q'uiy job rutijon, roma re ulef tak q'uiy job rutijon ndel-pa re tico'n chach, y re xe'tico richin camas niqui'cot cánma y man niquimalij-ta can, roma re ulef re' nuya-pa re nic'atzin chique, ndel che tzij che re ulef re' can nuc'ul re ru-bendición re Dios.

Kaqchikel Western Solola

⁷ Ketaman c'a chi wi jun ulef q'uiy job nika pa ruwi' y can nuya' jun utzilaj tico'n ri can c'o wi utz nuc'om pe chare ri rajaf ri ulef, ri ulef ri' can ruc'ulun wi rutzil ri Dios.

Hebreos 6:7 ပူးပေါင်းရင်းမြစ်များ

Os 10:12

Yin xinbij k'a chike ri aj-Israel chi tikitika-qa ri ruchojmilal, richin nikiwachij ajowabel. Tinaba' ri iwulew richin niqaqa jun k'ak'a' tiko'n. Roma xa kan xapon k'a ri q'ij richin yinikanoj chik yin Jehová. Kan keri' k'a tibana' k'a toq xkipe yin richin nonk'utu' chiwech ri ruchojmilal.

Wuj Richin ri Isaías 44:3

Yin kan xtinben chi xtibiyin ya' chupan ri ruwach'ulew ri kan jantape' nutz'u' ri ya'. Chuqa' kan xtibiyin raqen taq ya' chupan ri chaqi'j taq ulew. Pa kiwi' ri iwijatzul kan xtinya' ri nu-espíritu, y chuqa' xtinya' urtisanik.

Wuj Richin Bix Chire ri Dios 126:6

Stape' rik'in oq'ej beneq ri uk'uayon ri ija'tz, jak'a kan nixiban roma kikoten xtitzolej-pe y pa taq q'etaj trigo ruk'amon-pe.

Santiago 5:7

Wach'alal, ninbij k'a chiwe chi kixkoch'on, y man tiya' kan ri koch'onik ri', k'a toq xtapon ri q'ij toq xtipe chik jun bey ri qajaw. Achi'el nuben jun tikonel pa juyu', nikoch'on y nroyobej ri nabey y ruk'isibel taq job, k'a chirij ri' k'ari' nuk'ol ri ruwech ri rutiko'n.

Ez 34:26

Yin kan xkenya' chunaqaj ri nujuyu' Sión y xtinya' urtisanik pa kiwi'. Xtinteq-pe ri job pa ruq'ijul y keri' chuqa' ri urtisanik.

Wuj Richin Bix Chire ri Dios 24:5

Rije' xtikik'ul k'a urtisanik pa ruq'a' ri Jehová. Toq xtiq'at-tzij pa kiwi', ri Dios ri xkolon kichin xtubij chi rije' kan e choj.

Wuj Richin ri Chojmirisabelri'il 25:21

Jak'a yin kan xtinteq k'a pe urtisanik chupan ri ruwaq juna' richin pa ruk'iyal xtiwachin ri itiko'n, y re' kan xkixruben richin ka'i' chik juna'.

Wuj Richin ri Malaquías 3:10

Tik'uaj k'a chupan ri wachoch ri jun chire ri lajuj chire ronojel ri k'o iwik'in, richin kan k'o xtik'oje' chupan ri yakonabel. Kinitejtobej na pe y yin xtinben chi achi'el xa ta xtijaqatej-pe ri kaj richin xtiq'ejej-pe ri urtisanik y kan pa ruk'iyal ri xtiqaqa pan iwi'.

Wuj Richin ri Rutikeribel 27:27

Xjel k'a apo ri Jacob richin xutz'ubaj, y ri Isaac xuseq ri ruxla' ri rutziaq, k'ari' ri Isaac xrurtisaj y kere' xubij chire: Jare' ri ruxla' ri rutziaq ri nuk'ajol y kan jubul, jubul k'a ri ruxla' achi'el ri ruxla' ri juyu' ri urtisan roma ri Jehová;

Wuj Richin ri Rutikeribel 1:11

Chirij re' xubij chuqa': Ri ruwach'ulew tiwachin rik'in ronojel ruwech tiko'n, q'ayis ri nuya' ija'tz, che' ri nuya' ruwech achi'el ri rubanikil, xcha' ri Dios. Y kan keri' k'a xbanatej.

San Mateo 7:8

Roma xabachike ri nik'utuj, kan xtik'ul k'a; ri kan nikanoj, kan xtiwil-wi. Y wi rix xkixoyon-apo, kan xtijaq-wi-pe ri ruchi-jay chiwech.

2 Timoteo 2:6

Jun samajel richin pa juyu' roma kan jebel samajineq, ja rija' ri k'o ruq'a' chire ri nabey ruwech ri rutiko'n.