Hebreos 6:4 - Kaqchiquel Bible

^4-6 Man tikirel ta k'a niban chire jun chi nitzolej chik pe ruk'u'x rik'in ri Dios; ri saqirisan chik ruk'aslen, ri ruk'ulun chik ri utzil ri richin chila' chikaj y k'o chik ri Loq'olej Espíritu rik'in, retaman chik chi janila utz ri ruch'abel ri Dios, y retaman chik ri rubanik ri k'aslen richin ri q'ij ri peteneq chiqawech-apo y k'ari' nitzolin chik kan chuwech ri ruwach'ulew. Ri nibanon keri' rik'in ri rubanobal xa kan najin chik jun bey chukamisaxik ri Ruk'ajol ri Dios chuwech ri cruz, y nuk'ixbisaj chikiwech ri winaqi'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Porque ri xyikꞌex yan jumbꞌey ri kikꞌaslen, y xekikot yan chupan ri favor nduyaꞌ ri Dios, y xkꞌojeꞌ yan chuqaꞌ ri Espíritu Santo kikꞌin,

Kaqchikel Santa Maria de Jesus

⁴ Ri pa sakil chic cꞌo-ve ri quicꞌaslien, yoꞌn chic chica ri cꞌo chila chicaj y cꞌo chic ri Espíritu Santo quiqꞌuin,

Kaqchikel Central Guatemala

⁴ Roj sakirisan chic ri kac'aslen, kac'ulun chic utzil ri richin chila' chicaj y c'o chic ri Lok'olej Espíritu kiq'uin.

Re C'ac'a Testamento pa Kach'abal

⁴ Yoj sekresan chic re kac'aslen, kac'ulun chic re utzil re pitinak chila' chicaj y c'o chic re Espíritu Santo kaq'uin,

Kaqchikel Western Solola

⁴ Ri winek ri sakirisan chic ri quic'aslen, ri quic'ulun chic ri utzil riche (rixin) chila' chicaj y c'o chic ri Lok'olaj Espíritu quiq'ui,

Hebreos 6:4 ပူးပေါင်းရင်းမြစ်များ

San Mateo 5:13

Ja rix ri ix achi'el atz'an chikikojol ri winaqi'. Jak'a wi ta ri atz'an nik'is ta el ri ratz'amil, xa kan man jun chik k'a banel richin ta natz'amin. Xa man jun chik k'a nik'atzin-wi; xa kan xaxe chik k'a nik'atzin chi nik'aq-el y yeq'ax ri winaqi' pa ruwi'.

San Juan 15:6

Wi rix man itunun ta iwi' wik'in, xa xkixelesex-el. Wi keri' xa ix achi'el jun ruq'a' ri juwi-uva ri xa chaqi'j chik ri yebemol-pe richin yek'aq pa q'aq'.

Efesios 2:8

Ri rutzil ri Dios xojrukol roma xqakuquba' qak'u'x rik'in. Roma roj man yojtikir ta niqakol-qi' qayon, kan ja ri Dios ri nisipan ri kolotajik.

San Juan 3:27

Ri Juan xubij k'a chike: Man nibanatej ta k'a rik'in ri wineq achi'el re xbanatej wakami wi ri Dios man ta nuya' q'ij.

Hebreos 10:32

Toqaqa k'a chi'ik'u'x toq xitej janila poqon, toq k'a juba' tisaqirisex ri ik'aslen. Jak'a rix kan xikoch' ri ruk'ayewal ri'.

San Mateo 12:45

Y k'ari' re itzel espíritu re' yeruk'en k'a pe e wuqu' chik rachibil ri más e itzel, y konojel re' ye'ok pa ránima ri wineq ri'. Y ri wineq achoq ik'in yek'oje-wi, kan más k'ayew nuben ri ruk'aslen ke chuwech ri rubanon-pe nabey. Y kan keri' xtik'uluwachij rix ri man utz ta ik'aslen, xcha'.

Gálatas 3:2

¿Ja kami ri nubij ri pixa' ri xinimaj richin chi xok ri Loq'olej Espíritu iwik'in, o xa kan roma xikuquba' ik'u'x rik'in ri Jesucristo ri xqatzijoj chiwe?

2 Timoteo 2:25

Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.

1 Juan 5:16

Wi xitz'et chi k'o jun qach'alal nimakun, y rija' man ruk'amon ta chi niken, tik'utuj k'a chire ri Dios chi nukol chuwech ri kamik. Jak'a wi nuben jun mak ri kan ruk'amon chi niken, rix man tik'utuj chire ri Dios chi man nrelesaj ta ri ruk'aslen.

Hebreos 2:4

Ri Dios chuqa' kan xujikiba' ri kich'abel rije' rik'in nima'q taq banobel y rik'in jalajoj ruwech meyel taq banobel, y rik'in ri sipanik ri xya'ox chike roma ri Loq'olej Espíritu, achi'el ri xrajo' rija'.

1 Timoteo 4:14

Richin keri' man tamestaj ri xusipaj ri Dios chawe ri yatikir naben. Y re' jare' xak'ul toq ri uk'uey kichin ri qach'alal xkiya' kiq'a' pan awi' y xkibij chi xatok jun rusamajel ri Dios.

Hechos 11:17

Wi kan ja ri Dios ri xya'on ri Loq'olej Espíritu ri pa kiwi' ri winaqi' ri', achi'el xuben chuqa' chiqe roj ri qakuquban qak'u'x rik'in ri ajaw Jesucristo, ¿achike ta k'a xtinch'ojij yin chire ri Dios?, xcha' ri Pedro.

Efesios 4:7

Roma chiqe chiqajujunal k'o k'a jun sipanik ri ya'on-pe roma ri Cristo achi'el ri xrajo' rija'.

Efesios 3:7

Y roma ri rutzil ri Dios toq yin nintzijoj ri utzilej ch'abel richin kolotajik. Y rija' kan rik'in ruchuq'a' xsamej pa wánima toq xiruya' chupan re samaj re'.

Hechos 10:45

Toq xbanatej re', ri judío ri e peteneq chirij ri Pedro, xsach kik'u'x toq xkitz'et chi ri Loq'olej Espíritu kan nisipex-pe chuqa' chike ri winaqi' ri', y rije' xa man e judío ta.

Hechos 8:20

Jak'a ri Pedro xubij chire: K'a ta pa q'aq' xkabeqaqa-wi, rachibilan ri améro, roma rat nach'ob chi rik'in ri méro naloq' ri nusipaj ri Dios.

San Juan 6:32

Ri Jesús xubij k'a chike: Tiwak'axaj k'a jebel re xtinbij chiwe: Ri aj-chikajil-wey ri xpe chila' chikaj, man ja ta ri Moisés ri xya'o. Ja ri nata' Dios ri niya'on chiwe ri qitzij wey richin chila' chikaj.

Wuj Richin ri Q'axanri'il 24:3

Yin Balaam ri ruk'ajol ri Beor ri ninq'alajirisaj ruch'abel ri Dios. Yin ninbij ri qitzij.

Gálatas 3:5

Ri Dios ruya'on ri Loq'olej Espíritu chiwe y nubanala' meyel taq banobel chi'ikojol. ¿Achike roma nuben keri'? ¿Roma kami kan itaqen ri nubij ri pixa'? Man keri' ta. Xa kan xaxe roma xikuquba' ik'u'x rik'in ri Jesucristo ri xqatzijoj chiwe.

Hechos 15:8

Ri Dios nutzu' ri k'o pa qánima qonojel roj winaqi', judío y man judío ta. Y richin xuq'alajirisaj chi yeruk'ul ri winaqi' man e judío ta, xuya-pe ri Loq'olej Espíritu pa kiwi', junan k'a ri xuben ri Dios chiqe roj judío.

San Juan 4:10

K'ari' ri Jesús xubij chire ri ixoq ri': Rat man awetaman ta achike chi sipanik ri nusuj ri Dios. Chuqa' man awetaman ta in achike yin ri yik'utun juba' nuya' chawe. Xa ta awetaman, ja ta rat ri yak'utun aya' chuwe, y yin ninya' ta aya' ri kan niya'on k'aslen, xcha' ri Jesús.

2 Timoteo 4:14

Ri Alejandro ri samajiy-ch'ich', k'iy k'a itzel ri rubanon chuwe. Ri Dios kan xtuya-wi k'a ri rutojbalil chire, kan achi'el ri rubanobal.

Romanos 1:11

Yin janila ninrayij yibe chi'itz'etik, y ninwajo' ninya' pan iwi' ri urtisanik ri nuk'ulun yin rik'in ri Loq'olej Espíritu, richin chi más nikuquba' ik'u'x rik'in ri Dios.

2 Corintios 4:4

ri man kikuquban ta kik'u'x rik'in ri Cristo. Y ri xbanon keri' chike, ja ri Itzel-Wineq ri k'o pa ruwi' re ruwach'ulew. Kan e rumoyirisan k'a richin man niq'ax ta chikiwech ri utzilej ch'abel ri niq'alajirisan ruq'ij-ruk'ojlen ri Cristo, ri xoruq'alajirisaj ri Dios chiqawech, roma rija' kan Dios wi.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

Wuj Richin ri Chojmirisabelri'il 13:55

Y toq xtz'aqet yan ri wuqu' q'ij ri', ri sacerdote xkerunik'oj chik jun bey. Wi kan k'a e raxroj o kaqkoj na yetzu'un, stape' ri pus man nimirineq ta, ri' kan man ch'ajch'oj ta, y k'o chi niporox, roma kan jun itzel pus, ri yeq'alajin chikiwech o yeq'alajin chikij.

Wuj Richin ri Chojmirisabelri'il 14:43

Y wi ta ri seq'eseq-seq nibek'ulun chik pe toq xa xelesex yan el ri abej chire ri jay y xjos yan ruwech ri tz'aq y xk'ojox yan chik jun bey,