Hebreos 6:12 - Kaqchiquel Bible

¹² Nik'atzin chi rix niben keri' richin man tipe iq'oral. Xa kan ke'itzeqelibej ri ch'aqa' chik ri rik'in ri kikuqubabel-k'u'x y ri koch'onik nikichinaj ri rusujun kan ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Ma ndiqajoꞌ ta chi ngixqꞌorayaj, ndiqajoꞌ chi ndiwoqaj kikꞌaslen ri ndok kichin ri rusujun ri Dios porque kiyoꞌon kánima rikꞌin rijaꞌ y ma qꞌaxneq ta kikꞌuꞌx chiroyobꞌexik ri rusujun.

Kaqchikel Santa Maria de Jesus

¹² Nicꞌatzin chi ixreꞌ jareꞌ ntiꞌan chi quireꞌ man nipa ta kꞌoral chivij; xa tibꞌanaꞌ incheꞌl niquiꞌan ri nicꞌaj chic ri quicukubꞌan quicꞌuꞌx riqꞌuin ri Dios y cꞌo qui-paciencia. Y ruma ijejeꞌ quireꞌ quibꞌanun, ri Dios nuyaꞌ chica ri herencia ri ranun prometer.

Kaqchikel Central Guatemala

¹² Nic'atzin chi rix niben queri' richin man tipe ik'oral. Xa can que'itzekelbej ri ch'aka' chic ri quiniman ri Dios y yecoch'on; y romari' tok niquichinaj ri e rubin ri Dios chi yeruya'.

Re C'ac'a Testamento pa Kach'abal

¹² Nic'atzin che yex niban quire' chin man tipa ik'oral. Xa can tibana' ancha'l niquiban re nic'aj chic re quiniman re Dios y ye'coch'on, mare' can c'o re qui-herencia re je'rubin re Dios che ye'ruya'.

Kaqchikel Western Solola

¹² Rajawaxic chi riyix niben queri' riche (rixin) chi ma nipe ta ik'oral. Riyix xa can titzekelbej quic'aslen ri can ruma chi quiniman ri Dios y yecoch'on, rumari' tek niquic'ul ri rubin ri Dios chi yeruya'.

Hebreos 6:12 ပူးပေါင်းရင်းမြစ်များ

Hebreos 13:7

Ke'oqaqa k'a chi'ik'u'x ri uk'uey iwichin, ri xeq'axan ri ruch'abel ri Dios chiwe. Tich'obo' ri kik'aslen, roma kan xkuqer-wi kik'u'x rik'in ri Dios. Y kan tibana' ri achike xkiben rije'.

Hebreos 10:36

Kan nik'atzin k'a chi yixkoch'on, y rik'in ri', rix niben ri rurayibel ri Dios, y nik'ul ri utzil ri rusujun chiwe.

1 Juan 2:25

Y ri Jesucristo kan k'o-wi ri rusujun kan chiqe. Y ri' kan ja ri k'aslen ri man k'isel ta.

Romanos 12:11

Kan kixok k'a mitij chubanik ri samaj y man kixq'oran, kan tisamajij ri Dios rik'in ronojel iwánima.

Hebreos 5:11

Niqajo' niqabij más chiwe chirij ri rusamaj ri Cristo, jak'a k'ayew nuben chiqawech, roma xa man ix k'iyineq ta chupan ri ruch'abel ri Dios y man niq'ax ta chik chiwech.

2 Pedro 1:10

Y roma ri' wach'alal ri ix oyon y ri ix cha'on roma ri Dios, kan titija' iq'ij chi kan niq'alajin ronojel re' chupan ri ik'aslen, richin keri' man yixtzaq ta.

Santiago 1:3

Roma kan iwetaman chi toq yixtejtobex rik'in ri ikuqubabel-k'u'x, nuben chiwe chi más nitej iq'ij.

Hebreos 12:1

Kan janila k'a e k'iy ri yek'utu chiqawech chi xkikuquba' kik'u'x rik'in ri Dios. Roma ri' roj kan tiqelesaj k'a kan ronojel ri niya'on ejqa'n chiqij y ri mak ri sutiyon qichin, kan rik'in koch'onik tiqatija' qaq'ij yojbiyin chupan ri bey ri k'o chiqawech.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Romanos 4:12

Chuqa' ri Abraham qatata' roj ri oj judío, wi qakuquban qak'u'x rik'in ri Dios, achi'el ri xunimaj ri Abraham toq man jani k'o retal.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

Wuj Richin ri Jeremías 6:16

Yin Jehová ninbij chiwe: Kixpa'e' pa taq bey; titz'eta' y tik'utuj ri akuchi ek'o-wi ri utzilej taq bey richin ojer richin xtiwil uxlanibel-k'u'x. Jak'a rix xa xibij chi ni, roma rix man niwajo' ta nitzeqelibej ri bey ri'.

Wuj Richin Etamabel-Tzij 18:9

Ri wineq ri kan man jun rayibel rik'in richin chi nuben ri rusamaj, xa junan k'a rik'in ri wineq ri kan niqa' chuwech nuwulaj ronojel.

Apocalipsis 13:10

Ri winaqi' ri banon chike chi ye'uk'uex-el pa ximonri'il, kan xke'uk'uex-wi-el. Ri winaqi' ri banon chike chi yeken rik'in espada, kan chi espada xkekamisex-wi. Re' nel chi tzij chi ri e ralk'ual ri Dios k'o chi tikikoch'o' y tikuqer más kik'u'x.

Hebreos 11:33

Konojel rije' xkikuquba' kik'u'x rik'in ri Dios, roma ri' xech'akon chikij ch'aqa' chik ruwach'ulew, pa ruchojmilal xeq'aton-tzij, xkik'ul ri xesuj chike roma ri Dios, xetikir xekikamisaj koj,

Hebreos 6:15

Y ri Abraham kan xroyobej k'a rik'in janila koch'onik, y xuk'ul na wi ri xusuj ri Dios chire.

2 Tesalonicenses 1:4

Y toq roj yojapon kik'in ri ch'aqa' chik molaj qach'alal, niqatzijoj chike chi yalan yojkikot iwik'in, roma ikoch'on ri tijoj-poqonal. Y stape' ch'aqa' chik winaqi' nikiben chiwe chi nitej poqon, rix k'a ikuquban na ik'u'x rik'in ri Dios.

San Lucas 8:15

Ri ija'tz ri xqaqa pa jun utzilej ulew, re' kan nich'on-wi k'a chikij ri winaqi' ri ye'ak'axan ri ruch'abel ri Dios, y rik'in ronojel kánima nikiben ri nubij. Jantape' kikuquban kik'u'x rik'in ri Dios, y niwachin jebel ri kik'aslen, xcha'.

San Mateo 22:32

Roma nubij: Jak'a yin ri in Dios ri xkiya' ruq'ij ri Abraham, ri Isaac y ri Jacob, nicha'. Y kan qetaman chuqa' chi ri Dios xaxe ki-Dios ri k'o kik'aslen, y xa man kichin ta ri kaminaqi', xcha' ri Jesús.

Wuj Richin Etamabel-Tzij 15:19

Ri bey richin ri ruk'aslen ri wineq q'or, xa nojineq chi k'ix nutzu' rija'; jak'a ri rubey ruk'aslen ri wineq choj ruk'aslen, man jun achike ta ruk'ayewal.

Wuj Richin Etamabel-Tzij 13:4

Ri wineq janila q'or xaxe choj nurayij y man jun nuben, roma ri' man jun nril pa ruk'aslen; jak'a ri wineq ri kan k'o nurayij y kan kow nisamej, nibe pa jotol.

Wuj Richin Etamabel-Tzij 12:24

Ri wineq ri kan jebel nisamej, xtiban k'a chire chi ja rija' ri xtik'oje' pa kiwi' ri samajela'; jak'a ri wineq ri xa nuq'oraj nisamej, xa xtiban chire chi tisamej.

1 Tesalonicenses 1:3

Roma jantape' noqaqa chiqak'u'x ri samaj ri niben, roma ikuquban ik'u'x rik'in ri Jesucristo; chuqa' janila yixsamej roma niwajo' rija', y rik'in koch'onik iwoyoben-apo ri q'ij toq xtipe chik.

San Lucas 16:22

Jun q'ij rija' xken-el, y k'a ja ri akuchi k'o kikoten xapon-wi, ri chiri' rik'in ri Abraham. Kan k'a chiri' xuk'uex-wi, koma ri ángel. Y chuqa' ri achin beyom xken, y xmuq.

San Mateo 25:26

Y ri rajaw ri samajel ri' xubij k'a: Man utz ta ri xaben. Roma rat at jun itzel samajel y janila at q'or. Kan awetaman chi yin kan in k'a'el-wi, chi yin ninwajo' nink'ul ri nel-pe chuwech ri tiko'n ri xa man yin ta xitiko-qa, y ninwajo' ninyek ri trigo ri xa man yin ta xich'ayo.

Wuj Richin ri Nimalej Bix 1:8

Wi rat man awetaman ta, rat ri kan janila at jebel ok chikikojol ri ixoqi', tatzeqelibej-el ri retal kaqen ri tzobaj nukarne'l. Y chiri' xke'ayuq'uj ri taq atzuntzun rat chikinaqaj ri taq mo'k ri kichin ri yuq'unela'.

Wuj Richin Etamabel-Tzij 2:20

Xa roma ri' rix nuk'ajol yin, titzeqelibej ri kibey ri utzilej taq achi'a', kan titija' k'a iq'ij yixbiyin chupan ri kibey ri choj kik'aslen.

Wuj Richin Etamabel-Tzij 28:10

Ri nibanon chire ri chojmilej wineq richin chi nuya' kan ri rubeyal ri ruk'aslen, xa xtiqaqa pa pikbel; jak'a ri winaqi' ri kan jantape' qitzij ri nikibij, kan xtikik'ul k'a ri kikoten.

Wuj Richin Etamabel-Tzij 26:14

Kan achi'el k'a rubanik ri ruxaq ri ruchi-jay, nijaqatej y nitz'apetej, y xaxe chiri' nisutin-wi, keri' k'a rubanik ri wineq q'or, xaxe chiri' pa ruch'at nupiskolila-wi-ri'.