Hebreos 5:7 - Kaqchiquel Bible

⁷ Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Atoq ri Cristo xkꞌojeꞌ chochꞌulew, rikꞌin oqꞌej y kaw ruchꞌabꞌel xubꞌen orar, xukꞌutuj kamelal chare ri Dios ri kꞌo ruchuqꞌaꞌ chin ndukal pa ruqꞌaꞌ ri kamik; y roma rijaꞌ kin xniman, xakꞌaxex roma ri Dios.

Kaqchikel Santa Maria de Jesus

⁷ Y antok ri Cristo cꞌa cꞌo vaveꞌ choch-ulief, xuꞌon orar y xucꞌutuj cha ri Dios chi tutoꞌ choch ri sufrimiento. Can rataꞌn chi ri Dios nitiquir nutoꞌ choch ri camic. Jajaꞌ can riqꞌuin nojiel ránima xuꞌon orar, y xuokꞌ jeꞌ. Y ri Dios can xraꞌxaj ri Cristo, ruma ri Cristo ruyoꞌn rukꞌij.

Kaqchikel Central Guatemala

⁷ Y jun k'ij, tok ri Cristo c'a c'o na vave' chuvech re ruvach'ulef y xapon chuvech ri pokonal, xuben orar y xuc'utuj chire ri Dios chi tuto'. Retaman c'a chi ri Dios can nitiquir-vi nuto' chuvech ri camic. Rija' can riq'uin c'a ronojel ruchuk'a' xch'on richin xuben orar, y chuka' xok'. Y ri Dios can xrac'axaj-vi ri Cristo, roma ri Cristo can ruyo'on-vi ruk'ij ri Dios, ri Rutata'.

Re C'ac'a Testamento pa Kach'abal

⁷ Y jun k'ij, tak re Jesucristo c'a c'o vova' chach re ruch'ulef y tak xapon chach re tijoj-pokonal, xuban orar y xuc'utuj cha re Dios che tuto'. Roma can rutaman che re Dios nitiquir nuto' chin nuk'asaj re camic. Y can cof xch'o tak xuban orar, y chuka' xok'. Y re Dios can xuc'axaj-va re xubij re Jesucristo cha, roma re Jesucristo can ruyi'on-va ruk'ij re Dios re Rutota'.

Kaqchikel Western Solola

⁷ Y tek ri Cristo xc'oje' wawe' chuwech re ruwach'ulef can xubanala' wi orar y xuc'utuj ruto'ic chare ri Dios. Retaman c'a chi ri Dios can nicowin wi nuto' chuwech ri camic. Riya' can riq'ui c'a ronojel ruchuk'a' xch'o riche (rixin) chi xuben orar, y chuka' xok'. Y ri Dios can xrac'axaj wi ri Cristo, ruma ri Cristo can ruya'on wi ruk'ij ri Dios, ri Rutata'.

Hebreos 5:7 ပူးပေါင်းရင်းမြစ်များ

San Juan 17:1

Toq ri Jesús rubin chik k'a kan ronojel re' chike, rija' xtzu'un k'a chikaj richin xch'on rik'in ri Dios, y xubij: Nata' kan jare' k'a xoqaqa ri hora. Wakami kan tabana' k'a chuwe yin ri ak'ajol chi niq'alajin ri nuq'ij-nuk'ojlen; richin keri', yin kan jari' k'a chuqa' xtinben awik'in rat, chi kan xtiq'alajin ri aq'ij-ak'ojlen.

San Mateo 27:46

Jari' toq ri Jesús xch'on-pe rik'in ronojel ruchuq'a' y xubij: Elí, Elí, ¿lemá sabactani?, xcha'. Y ri ch'abel ri' nubij: Nu-Dios yin, nu-Dios yin, ¿achike k'a roma toq xinamalij kan?

Marcos 15:34

Jari' toq ri Jesús kan rik'in ruchuq'a' xch'on y xubij: Eloi, Eloi,*f24* ¿lemá sabactani?, xcha'. Re ch'abel re' nel chi tzij: Nu-Dios yin, nu-Dios yin, ¿achike k'a roma toq xinamalij kan?

Hebreos 12:28

Y roma ri' tiqamatioxij chire ri Dios chi qichin chik roj ri ajawaren ri man jun nisilon richin. Y rik'in ri matioxinik ri niqaya' chire ri Dios, niqasamajij k'a, kan achi'el ri niqa' chuwech rija'. Y tiqaya' chuqa' ruq'ij.

San Juan 11:35

Y ri Jesús xoq'.

San Mateo 27:50

Jak'a ri Jesús xch'on chik rik'in ronojel ruchuq'a', y xujech ri ránima pa ruq'a' ri Dios, y xken.

Marcos 15:37

Kan jari' toq ri Jesús rik'in ruchuq'a' xch'on y xken-qa.

Wuj Richin Bix Chire ri Dios 22:24

Roma rija' kan man nupoqonaj ta k'a richin nuto' ri jun ri k'o pa q'axo'n. Kan man nrewaj ta k'a ri' chuwech ri k'o pa tijoj-poqonal. Y xa kan nrak'axaj k'a toq nuk'utuj to'onik.

Hebreos 2:14

Roj ri oj ralk'ual chik ri Dios xa oj winaqi', xa qak'uan ri kik' y ri ti'ij. Y roma ri' ri Jesús xok chuqa' achi'el roj winaqi'. Rija' xken richin xch'akon chirij ri k'o kamik pa ruq'a'. Y ri k'o ri kamik pa ruq'a', ja ri Itzel-Wineq.

San Lucas 23:46

Kan jari' toq ri Jesús rik'in k'a ruchuq'a' xubij: Nata' Dios, pan aq'a' k'a ninjech-wi ri wánima, xcha'. Y kan xaxe k'a xubij kere', kan jari' xken-qa.

Wuj Richin Bix Chire ri Dios 69:1

Nimalej Dios, tabana' utzil kinakolo' roma xa kan ink'o pa k'ayew, achi'el xa ta ink'o chupan jun palou y yijiq' yan.

Wuj Richin ri Isaías 53:11

Jak'a re wakami, ri Dios nubij: Chirij ri poqonal, ri nusamajel kan xtikikot y kan xtikuqer ruk'u'x. Ri nusamajel ri choj ruk'aslen kan e k'iy winaqi' ri xkerukol, y kan ja rija' ri xtuk'uan ri kimak.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

Wuj Richin ri Isaías 49:8

Kere' k'a ninbij yin Jehová: Kan pa taq ruq'ijul xtink'uluba-pe ri ich'owen, y chupan ri q'ij richin kolotajik, kan xkixinto'. Kan xkixinchajij; iwoma rix xtinyek chik el jun bey ri ruwach'ulew, y xtiwichinaj kan ri ulew ri e malin kan.

Wuj Richin ri Chojmirisabelri'il 2:2

K'ari' xtuk'uaj kik'in ri e sacerdote, ri e rijatzul ri Aarón. Y jun chike rije' xtuchop jun moq' chire ri k'ej chayun rik'in aceite y ronojel ri pom. Ri ti juba' ri niporox pa ruwi' ri porobel, jari' ri retal richin ronojel. Y re' jun sipanik poron richin nijubulin chinuwech yin Jehová.

2 Juan 1:7

E k'iy k'a q'olonela' yebiyaj chuwech re ruwach'ulew ri yebin chi ri Jesucristo toq xpe wawe' chuwech re ruwach'ulew, man xok ta wineq achi'el roj. Ri nibin keri' chirij ri Jesucristo, jari' k'a ri q'olonel ri netzelan richin ri Cristo.

1 Juan 4:3

Jak'a wi man nikibij ta keri', niq'alajin k'a ri' chi man ja ta ri Loq'olej Espíritu richin ri Dios yoyon kich'abel. Xa ja ri espíritu richin ri itzel ri yoyon ri ch'abel ri' chike. Re espíritu re' etzelanel richin ri Jesucristo, y rix iwak'axan chi k'o na chi nipe, y wakami xoqaqa yan k'a chuwech re ruwach'ulew.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.

San Juan 11:42

Yin wetaman chi kan jantape' wi yinawak'axaj. Ronojel k'a re', kan ninbij koma re winaqi' re kimolon-pe-ki' wik'in wakami, richin chi tikinimaj chi kan ja rat ri xataqo-pe wichin chuwech re ruwach'ulew, xcha'.

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Wuj Richin ri Isaías 53:3

Kan xetzelex k'a, y kan man jun rejqalen xkiben ri winaqi' chire. Rija' jun achin ri kan janila xq'axomer, y kan xuk'owisaj ruk'ayewal. Kan man jun xjoyowan ta ruwech, y kan man jun xpoqonan ta richin, y roj xqapiskolij ri qapalej richin man xqatzu' ta.

Wuj Richin Bix Chire ri Dios 88:1

Nimalej Jehová, ja rat ri at nukolonel, chi paq'ij chi chaq'a' yisik'in awik'in richin yinato'.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

Hebreos 10:5

Roma ri', ri Cristo toq k'o chi nipe yan wawe' chuwech re ruwach'ulew, xubij chire ri Dios:*f23* Rat man nawajo' ta ri jalajoj kiwech sipanik. Jak'a rat xaya' nuch'akul achi'el richin ri wineq.

Hebreos 10:10

Ri Dios xuben loq'olej chiqe roma ri Jesucristo xuben ri rurayibel rija' toq xusuj-ri' richin jun kamelabel. Re' xuben xaxe jun bey y richin jantape'.

Hebreos 11:7

Chuqa' ri Noé xk'oje' kuqubabel-k'u'x rik'in. Roma ri' toq ri Dios xch'on rik'in pa ruwi' ri man jani nibebanatej, rik'in rukiy ri Dios xuben jun nimalej barco richin xerukol ri e aj pa rachoch. Y rik'in ri' xbeq'alajin-pe chi ri ch'aqa' chik winaqi' man utz ta xkiben, y xq'at-tzij pa kiwi'. Jak'a ri Noé roma kan xukuquba' ruk'u'x, ri Dios xuben chire chi man jun rumak xk'ulun chuwech.