Hebreos 5:2 - Kaqchiquel Bible

² Jun nimalej sacerdote xa wineq ri man ronojel ta mul nitikir nuben ri choj. Roma ri' nujoyowaj kiwech ri winaqi' ri man ketaman ta achike ri rurayibel ri Dios y yemakun roma man yech'obon ta, roma rija' jantape' chuqa' k'o chuwech ri mak.

နောက်ထပ်ဗားရှင်းများ

Kaqchikel Santo Domingo (Xenacoj)

² Ri sacerdote riꞌ xa wineq ok chuqaꞌ ri maneq ruchuqꞌaꞌ ránima chuwech ri mak, romariꞌ nditiker ndupoqonaj kiwech ri wineq ri ma ketaman ta ri ndirajoꞌ ri Dios y sachineq rubꞌey ri Dios chikiwech.

Kaqchikel Santa Maria de Jesus

² Ri sacerdote ri más cꞌo rukꞌij nuꞌon pecar, rumareꞌ jajaꞌ nujoyovaj quivach ri vinak ri man cataꞌn ta chica nrajoꞌ ri Dios y ri i-sachnak riqꞌuin ri niquiꞌan pensar.

Kaqchikel Central Guatemala

² Ri nimalej sacerdote ri' jun vinek, y romari' retaman nujoyovaj quivech ri vinek ri man quetaman ta achique ri rurayibel ri Dios y e sachinek riq'uin ri quich'obonic.

Re C'ac'a Testamento pa Kach'abal

² Re namalaj tak sacerdotes re' xa je vinak, y mare' quitaman niquijoyovaj quivach re vinak re man quitaman-ta andex nika chach re Dios chin niquiban y je'satzanak riq'uin re quina'oj,

Kaqchikel Western Solola

² Ri nimalaj sacerdote ri' chuka' xa jun relic winek; xa can rusutin chuka' ri' ri mac chrij riya', y rumari' tek retaman nujoyowaj quiwech ri winek ri xa ma quetaman ta achique ri ruraybel ri Dios, ri xa ye sachnek riq'ui ri quina'oj.

Hebreos 5:2 ပူးပေါင်းရင်းမြစ်များ

Ex 32:8

Rije' xa kan chi'anin k'a xkich'er kan ki' chire ri bey ri xink'ut chiwech, rije' xa xkiben jun ruwachibel nima-alaj achij wákix rik'in q'anapueq ya'erisan pa q'aq' y jari' ri nikiya' ruq'ij y nikisujula' kamelabel chuwech y nikibij chi jari' ri ki-dios ri xe'elesan-pe pan Egipto.

Wuj Richin ri Isaías 29:24

Konojel ri kijech'en kan kibey, kan xtiketamaj xtik'oje' kina'oj, y konojel winaqi' ri xexebeloj chuwij, kan rik'in ronojel kik'u'x xtiketamaj ri tijonik, xcha' ri Jehová.

Wuj Richin ri Isaías 30:11

Rije' man nikajo' nikak'axaj chik ri ninbij yin chike. Kan man nikajo' ta chi yin ri Loq'olej Dios yench'olij rije'.

San Lucas 22:32

Jak'a yin kan in ch'owineq-wi-pe rik'in ri Dios, pan awi' rat, richin keri' kan takuquba' ak'u'x wik'in. Jak'a toq xtitzolin-pe ak'u'x wik'in, tabana' chike ri ch'aqa' chik nutijoxela' chi kan tikikuquba-wi kik'u'x wik'in, xcha' ri Jesús.

2 Corintios 11:30

Rix nich'ob chi nik'atzin chi yin ninya-qa nuq'ij, y kan xtinben-wi k'a. Jak'a xaxe xtinbij ri nuk'ut chi yin xa maneq wuchuq'a'.

2 Corintios 12:5

Ri achin ri xuk'uex chila' chikaj, kan ruk'amon-wi k'a chi niya'ox ruq'ij. Jak'a yin man jun bey xtinya' ta qa nuq'ij. Jak'a wi nik'atzin chi ninya' nuq'ij, xaxe k'a xtintzijoj ri nikiq'alajirisaj chi yin maneq wuchuq'a'.

Gálatas 4:13

Rix jebel iwetaman, chi pa nabey xa roma jun yabil xichapo toq xik'oje' iwik'in y xintzijoj ri utzilej ch'abel richin kolotajik chiwe.

Efesios 4:18

Rije' xa q'equmatajineq ri kich'obonik. Kan q'alaj-wi chi man jun ketaman y kowirineq ri kánima pa mak. Roma ri' man nikik'ul ta ri k'aslen ri nipe rik'in ri Dios.

1 Timoteo 1:13

Ri ojer, xich'on itzel chirij stape' rija' kan Dios y xenya' pa tijoj-poqonal ri winaqi' ri yetzeqeliben richin, stape' keri' ri Dios xujoyowaj nuwech, roma yin ri chiri' man wetaman ta ri ninben, y man jani nukuquban nuk'u'x rik'in ri Jesucristo.

Hebreos 12:13

kan nik'atzin chi tik'uaj jun choj bey, richin chi ri jetz' nichojmir-el ri raqen y man ninimatej ta.

Hebreos 2:17

Roma ri' xok wineq achi'el roj, richin chi xuben achi'el jun nimalej sacerdote ri nijoyowan qawech. Kan jantape' wi nuben ri samaj ri' rik'in ri Dios y roma ri' nikuyutej ri qamak roj winaqi'.

Hebreos 2:18

Rija' kan qitzij xutej-poqon, y xban chire chi xmakun ta, jak'a man xch'akatej ta. Roma ri' rija' kan nitikir-wi yojruto' toq niban chiqe roj chi yojmakun ta chuqa'.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

Hebreos 7:28

Ri pixa' xeruya' sacerdote ri man jantape' ta yetikir nikiben ri utz. Chirij ri' ri Dios xuya' jun chik sacerdote y kan xuben rik'in jun ya'on-tzij, y xubij chi ja ri Jesús nok nimalej sacerdote ri nitikir nuben ri utz richin jantape'.

Hebreos 9:7

Jak'a ri chirij-apo ri tzieq tasbel rupan ri jay, kan xaxe ri nimalej sacerdote ri nok, y xaxe jun q'ij chupan jun juna', kan ruk'uan k'a apo kikik'el chikopi' richin nusuj chire ri Dios roma ri rumak rija' y ri kimak ri winaqi' ri man xkina' ta xkiben.

Santiago 5:19

Wach'alal, wi k'o jun chiwe ri sachineq y xa man rojqan ta chik ri qitzij y rix nibeyaka-pe, yalan utz.

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.

Wuj Kichin ri To'onela' 2:17

Jak'a rije' kan man xeniman ta chuqa' chike ri to'onela', xkimalij kan ri Jehová y xa xekitzeqelibej ri jujun chik dios, y xkiya' kiq'ij; keri' chuqa' chi'anin xkijech'ej kan ki' chire ri rupixa' ri Jehová, y man xkiben ta achi'el ri xkiben ri kite-kitata'.