Hebreos 5:14 - Kaqchiquel Bible

¹⁴ Jak'a ri kan e k'iyineq jebel, kan yetikir chik nikitej wey. Roma ri' ketaman chik ri achike ri utz y achike ri man utz ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Pero ri tijonik chin ri rutzij ri Dios ri más cuesta ndikꞌoxomex, ndiyoꞌox chake ri ekꞌiyineq pa kikꞌaslen chiraqen ri Ajaw, porque rejeꞌ rukꞌamon chake ndikichaꞌ achike ri utz roma kitijon kiꞌ pa ruwiꞌ achike ri utz y achike ri ma utz ta.

Kaqchikel Santa Maria de Jesus

¹⁴ Pero ri niꞌka pa quiveꞌ (niquiꞌan entender) ri ruchꞌabꞌal ri Dios, can i-incheꞌl ri i-nimaꞌk chic ri ncaꞌtiquir niquicꞌux vay. Ijejeꞌ niquicusaj ri quijaluon, rumareꞌ cataꞌn chica ri otz y chica ri man otz ta.

Kaqchikel Central Guatemala

¹⁴ Jac'a ri can cukul quic'u'x riq'uin ri Dios, can e achi'el c'a jun vinek ri man nitz'uman ta chic; ri can nitiquir chic nutej vey. Rije' quitijon-qui' richin quetaman ri achique ri utz y achique ri man utz ta.

Re C'ac'a Testamento pa Kach'abal

¹⁴ Jac'a re nak'ax chic otz pa quive' re ruch'abal re Dios, can je ancha'l re vinak re can ye'tiquir chic niquitaj vay. Reje' xquitijoj-yan-qui' chin xquitamaj re otz y re man otz-ta.

Kaqchikel Western Solola

¹⁴ Yac'a ri can jabel nik'ax chiquiwech ri ruch'abel ri Dios, can ye achi'el c'a jun winek ri can nicowin chic nutij wey. Riye' quitijon qui' riche (rixin) chi can quetaman chic achique ri utz y achique ri ma utz ta.

Hebreos 5:14 ပူးပေါင်းရင်းမြစ်များ

1 Tesalonicenses 5:21

Xa tiwak'axaj ri nubij, richin keri' rix ninabej wi qitzij o man qitzij ta. Y wi qitzij, tiwojqaj k'a.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

1 Corintios 2:6

Man rik'in ri', roj kan k'o-wi na'oj niqak'ut chikiwech ri qach'alal ri kan e k'iyineq chik chupan ri kik'aslen rik'in ri Dios; jun na'oj ri man richin ta re ruwach'ulew, ni man kichin ta chuqa' winaqi' ri nima'q kiq'ij; ri xa xtapon ri q'ij toq xkek'is.

Wuj Richin ri Isaías 7:15

Kan k'a man jani nik'iy-el rija' richin nretamaj ri utz y ri man utz ta, kan xtuqum k'a leche t'oqol y chuqa' xtutej kab ri nikiya' ri taq chikopi'. Y chupan ri q'ij ri', ri ruwach'ulew ri kichin ri e ka'i' rey ri' kan xtimalix kan, y man jun chik xibinri'il xtik'oje'.

Efesios 4:13

k'a toq qonojel junan qawech xtiqaben roma qakuquban qak'u'x rik'in, xtiqetamaj ruwech ri ruk'ajol ri Dios, y xtiqaq'i' jun k'aslen ri kan choj y tz'aqet; achi'el ri Cristo.

Filipenses 3:15

Ronojel k'a ri xinbij chiwe, kan keri' ta ri niqach'ob qonojel ri oj k'iyineq rik'in ri kuqubabel-k'u'x. Jak'a wi jujun chiwe rix ri man junan ta nich'ob, ri Dios chuqa' xtuq'alajirisaj chiwech.

1 Rey 3:9

Tabana' utzil chuwe yin ri in asamajel chi tanojisaj ri wánima rik'in na'oj, richin keri' xkitikir xtinq'et-tzij pa ruwi' ri atinamit roma, ¿achike ta k'a nitikir niq'aton-tzij pa ruwi' ri atinamit, roma kan janila nim?, xcha'.

Romanos 14:1

Ri qach'alal ri man kan ta kikuquban kik'u'x rik'in ri Cristo, nik'atzin chi yeqak'ul. Jak'a man keqak'ul xaxe richin niqaben oyowal kik'in roma ri kich'obonik.

Wuj Richin ri Rutikeribel 3:5

Roma ri Dios retaman chi ri q'ij toq xtitej, kan xtijaqatej k'a ri runaq'-iwech y kan xtiwetamaj k'a ri utz y ri itzel y kan xkixok k'a achi'el ri Dios, xcha' ri kumetz.

2 Sam 14:17

Ri xabij wakami kan xuben chuwe richin xkuqer-el nuk'u'x, roma rat rey kan awetaman naya' rukojol ri utz y ri man utz ta achi'el nuben jun ángel richin ri Dios. Ri Jehová ri qa-Dios xkato'on k'a richin naben ri k'atzinel chi naben, xcha' ri ixoq.

San Mateo 5:48

Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

Wuj Richin Bix Chire ri Dios 119:103

Ri ach'abel rat Jehová, kan janila kikoten nuya' chuwe. Kan más k'a ruki'il chuwech ri kab ri nikiya' taq chikopi'.

Wuj Richin ri Achin Job 12:11

Ri qak'axabal kan richin k'a chi nrak'axaj, y nuya' rukojolil ronojel ruwech ch'abel, kan achi'el ri qaq' nuna' ri ki' y ri k'ey.

1 Rey 3:11

y roma ri' xubij chire: Kan xqa' k'a chinuwech ri xak'utuj chuwe; man xak'utuj ta k'iy q'ij chire ri ak'aslen, ni ta beyomel, ni ta ri kikamik ri etzelanel awichin. Xa kan ja k'a ri nojibel ri xak'utuj richin yatikir naq'et-tzij pa ruwi' ri atinamit.

Wuj Richin ri Achin Job 34:3

Achi'el ri qak'axabal kan nuya' wi kikojolil chikijujunal ri ch'abel, keri' chuqa' ri qaq' kan nuya' kikojolil chikijujunal ri nitij.

Wuj Richin ri Achin Job 6:30

¿K'o kami mak chupan ri nuch'abel ri nubin-qa chiwe? ¿Nich'ob rix chi yin man wetaman ta ri rukojol ri utz y ri itzel?

Santiago 3:2

Qonojel k'iy bey xa man ja ta ri yeqaben. Y wi ta k'o jun ri man jun bey nimakun rik'in ri ruch'abel, ri wineq ri' kan tz'aqet ri ruk'aslen. Roma wi nitikir nuq'et ri ruch'abel, kan nitikir chuqa' nuben keri' rik'in chijun ri ruch'akul.

Wuj Richin ri Nimalej Bix 2:3

Wajowanel yin, rat kan más at utz chikikojol ri ch'aqa' chik alaboni'. Kan at achi'el jun ruche'el manzana chikikojol ri che' ri ek'o pa k'echelaj. Kan chuxe' k'a ri amujal ninrayij yitz'uye-wi, y ri naben wik'in kan janila utz nina', kan achi'el toq nintej jun manzana.

Wuj Richin ri Nimalej Bix 1:3

Ri jubulej taq awaq'om ri nakusaj, kan janila jebel kuxla'. Toq ninatex ri abi', achi'el ja ta ri jubulej aq'om ri kaq'utajineq. Xa roma aj k'a ri' konojel ri xtani' kan janila yatkajo'.

1 Timoteo 4:7

Man ke'ak'ul tzij ri xa man rik'in ta ri Dios e peteneq-wi, ri xa winaqi' e tz'ukuyun-pe. Rat xa tatija' aq'ij chi nak'uaj jun k'aslen utz chuwech ri Dios.

Hebreos 6:1

Nik'atzin k'a chi yojk'iy y niqaya' kan runataxik ri etamabel chirij ri Cristo ri xek'ut-pe chiqawech pa nabey toq man jani tiqanimaj. Xa kan tiqatija' k'a qaq'ij richin niqetamaj ri más e nima'q taq tijonik y man yojtzolin ta chik chi retamaxik ri tijonik chirij ri mak ri nik'amon-pe kamik y ri k'o chi xtzolej-pe qak'u'x rik'in ri Dios,