Hebreos 5:13 - Kaqchiquel Bible

¹³ Jun ri k'a xaxe tz'umaj nrajo', man jani retaman ta achike ri' ri choj y achike ri' ri man choj ta roma xa k'a ak'ual.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Porque ri ndikitijoj kiꞌ xe ok rikꞌin ri tijonik más ma cuesta ta, xa eꞌachel chꞌuteq akꞌolaꞌ, porque kꞌajani tiketamaj utz-utz rukajal ri utz rikꞌin ri ma utz ta.

Kaqchikel Santa Maria de Jesus

¹³ Jun xuluꞌ ri cꞌa nitzꞌuman, majaꞌ tiꞌka paroꞌ (tuꞌon entender) ri nuꞌej ri ruchꞌabꞌal ri Dios. Man rataꞌn ta chica ri choj cꞌaslien y chica ri man choj ta. Rumareꞌ niꞌej chiva chi cꞌa ix incheꞌl xuluꞌ.

Kaqchikel Central Guatemala

¹³ Jun ac'ual ri c'a nitz'uman na, man jani nik'ax ta chuvech ri nubij ri ruch'abel ri Dios. Man retaman ta achique ri' ri choj y achique ri' ri man choj ta. Romari' ninbij chive chi ix achi'el jun ac'ual.

Re C'ac'a Testamento pa Kach'abal

¹³ Jun ac'ual re c'a nitz'uman, c'amaje-na nak'ax pa rue' re nubij re ruch'abal re Dios. Man rutaman-ta andex re choj y andex re man choj-ta. Mare' nimbij chiva che yex yix ancha'l jun ac'ual.

Kaqchikel Western Solola

¹³ Jun ac'al ri c'a nitz'uman na, ma jane nik'ax ta chuwech ri nubij ri ruch'abel ri Dios. Ma retaman ta achique ri' ri choj y achique ri' ri ma choj ta. Rumari' nbij chiwe chi riyix c'a yix achi'el na jun ac'al.

Hebreos 5:13 ပူးပေါင်းရင်းမြစ်များ

1 Pedro 2:2

y tirayij k'a ri ruch'abel ri Dios richin yixk'iy y niwil kolotajik, achi'el ri taq ak'uala' ri k'a kalaxik, ri nikirayij ri tz'umaj richin yek'iy.

1 Corintios 14:20

Wach'alal, man k'a kixch'obon achi'el yech'obon ri ak'uala'; xaxe chuwech ri mak kan tibana' achi'el ri ak'uala', jak'a rik'in ri ich'obonik tibana' achi'el ri winaqi' e nima'q chik.

2 Timoteo 3:16

Ronojel ri tz'ibatel, kan ja ri Dios ri xbanon chi xtz'ibatej kan. Y roma ri' utz nukusex richin tijonik, richin nuq'alajirisaj-pe achike tijonik ri xa kik'in achi'a' peteneq-wi, richin niq'alajirisex chire jun chik chi tujala' ruk'aslen, chuqa' richin nibix achike rubanik jun k'aslen choj.

Wuj Richin ri Isaías 28:9

¿Achoq chuwech k'a xtikik'ut ronojel etamabel? ¿Kan chikiwech kami ri ak'uala' ri k'a juba' telesex kitz'um? ¿Kan chikiwech kami ri taq ak'uala' ri k'a juba' ke'alex?

Efesios 4:14

Keri', man niqaya' ta q'ij chi yojuk'uex koma tijonik ri man e qitzij ta, achi'el nibanatej kik'in ri ak'uala' ri xabachike niq'olon kichin. Roma ri tijonela' ri' xa e q'olonela', y rik'in ri q'oloj ri' nikisech kik'u'x ri qach'alal.

1 Corintios 3:1

Man rik'in ri' wach'alal, yin man xitikir ta xich'on iwik'in achi'el ri ruk'amon, roma rix xa man ix k'iyineq ta rik'in ri Dios. Maneq iwuchuq'a'; xa ix achi'el ak'uala'. Y roma ri' k'o chi xich'on iwik'in, achi'el xa ta kik'in winaqi' ri kitzeqeliben ri ch'obonik richin re ruwach'ulew.

2 Corintios 3:9

Roma wi xa kan k'o ruq'ij ri jikibel-tzij ri nibin chi ri winaqi' kan ek'o chuxe' ri ruk'ayewal ri Dios, kan más wi k'a ruq'ij ri k'ak'a' jikibel-tzij, ri kan nuben chiqe chi man jun qamak.

1 Corintios 13:11

Toq k'a in ti ak'ual xich'on y xich'obon achi'el jun ak'ual, jak'a toq xinok-q'anej achin xinya' kan ronojel ri richin ak'ual.

Wuj Richin Bix Chire ri Dios 119:123

Ri runaq' taq nuwech xa kan xk'is-qa kuchuq'a' richin koyoben ri asujun. Kan woyoben k'a chi yitotej achi'el ri asujun chuwe.

Marcos 10:15

Kan qitzij k'a ninbij chiwe, chi ri xa man nikiben ta achi'el ri ak'uala' richin chi nikijech-ki' pa ruq'a' ri Dios, kan man k'a xke'ok ta pa rajawaren rija', xcha'.

San Mateo 11:25

Chupan k'a ri q'ij ri' ri Jesús xch'on-q'anej rik'in ri tata'ixel y xubij: Ninya' aq'ij nata', rat ri rajaw ri kaj y re ruwach'ulew, roma man xaq'alajirisaj ta ri utzilej ach'abel chikiwech ri winaqi' ri e aj-na'oj y ri etamanela'. Y xa chikiwech ri winaqi' ri maneq más ketamabal ri xaq'alajirisaj-wi re utzilej ach'abel re'.

Romanos 2:20

chi ye'itijoj ri winaqi' e nakaneq y chuqa' ri man jun ketaman y chi kan chiwe rix ya'on-wi ri pixa' ri k'o etamabel y k'o ronojel ri qitzij chupan.

2 Juan 1:11

roma wi xtik'ul pan iwachoch, kan xtiwejqalej chuqa' rix ri itzel taq rubanobal ri wineq ri'.