Hebreos 4:9 - Kaqchiquel Bible

⁹ Y roma ri' qetaman chi k'a k'o na jun chik uxlanen kichin ri e rutinamit ri Dios, achi'el ri ruwuq q'ij toq rija' xuxlan.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Romariꞌ, qetaman chi kꞌa kꞌo jun loqꞌolej uxlanen chin rutinamit ri Dios.

Kaqchikel Santa Maria de Jesus

⁹ Y rumareꞌ kataꞌn chi cꞌa cꞌo jun chic uxlanien richin ri rutanamit ri Dios.

Kaqchikel Central Guatemala

⁹ Y romari' ketaman chi c'a c'o na jun chic uxlanen quichin ri e rutinamit ri Dios.

Re C'ac'a Testamento pa Kach'abal

⁹ Y mare' kataman che c'a c'o chic jun uxlanen quichin re je rutenemit re Dios.

Kaqchikel Western Solola

⁹ Y rumari' ketaman chi c'a c'o na jun uxlanen quiche (quixin) ri ye rutinamit ri Dios.

Hebreos 4:9 ပူးပေါင်းရင်းမြစ်များ

Wuj Richin Bix Chire ri Dios 47:9

Ri aj-raqen kichin ri ruwach'ulew kan nikimol k'a ki', kan achi'el nikimol-ki' ri rutinamit ri ru-Dios ri Abraham, roma kan pa ruq'a' ri Dios ek'o-wi konojel ri q'atoy taq tzij. Rija' kan k'o k'a pa ruwi' ronojel.

Ex 16:30

Y keri' ri winaqi' xe'uxlan k'a chupan ri jun ruwuq q'ij ri'.

Wuj Richin ri Isaías 11:10

Toq ri rijatzul kan ri Isaí xtipe, re' jare' jun retal kichin ri tinamit richin xtitzolin-pe kik'u'x rik'in. Y ri akuchi xtik'oje-wi, kan janila nim ruq'ij-ruk'ojlen.

Wuj Richin ri Isaías 57:2

Toq yeken ri winaqi' ri kan yebiyin chupan ri ruchojmilal, kan xkek'oje' chupan ri uxlanen, y kan xke'uxlan k'a chupan ri jul richin muqbel.

San Mateo 1:21

Ri ak'ual ri xtralaj, ti ala', y Jesús*f1* ri rubi' ri xtaya'. Keri' xtubini'aj roma ja rija' xtikolon kichin ri awinaq chupan ri kimak, xcha'.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Hebreos 11:25

Xa kan más xqa chuwech chi junan nutej poqon kik'in ri ruwinaq, ri e rutinamit ri Dios, ke chuwech xa jun ramaj ok nikikot chupan ri kikoten ri xa richin mak.

Hebreos 3:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew richin uxlanen, nicha'.

Hebreos 4:1

Roma ri' tiqachajij-qi', man xa tiqaben achi'el xkiben ri winaqi' ri' y xa man yojok ta chupan ri uxlanen ri rubin ri Dios ri k'a nusuj na chiqe.

Hebreos 4:10

Y xabachike okineq chupan ri uxlanen ri nuya' ri Dios, nuxlan chire ri rusamaj, achi'el xuben ri Dios, toq k'achojineq chik chubanik re ruwach'ulew y ri kaj.

Hebreos 4:3

Jak'a roj ri qaniman, niqak'ul ri uxlanen, achi'el xubij ri Dios:*f11* Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew akuchi k'o uxlanen, nicha'. Rik'in ri' niq'alajin chi roj ri qaniman, yojok chupan ri uxlanen ri nuya' ri Dios. Y ri uxlanen ri' tikerineq-pe ja toq ri Dios xuk'is rubanik re ruwach'ulew.

Hebreos 4:8

Y ri uxlanen ri xusuj chire ri David kan niq'alajin chi man nich'on ta chirij ri uxlanen ri xokila' wawe' ri qati't-qamama' toq e k'amon-pe roma ri Josué.

1 Pedro 2:10

Ri rubanon kan, man ix jun tinamit ta, jak'a re wakami xixok rutinamit ri Dios. Man ik'ulun ta rutzil rija' jak'a re wakami xik'ul ri rutzil.

Apocalipsis 14:13

Chirij ri' xinwak'axaj chi k'o jun ri nich'on-pe k'a chila' chikaj y nubij: Tatz'ibaj k'a re xtinbij chawe; kan jebel k'a ruwa-kiq'ij konojel ri xkeken-apo ri kikuquban kik'u'x rik'in ri Jesús, xcha'. Y xinwak'axaj chuqa' chi ri Loq'olej Espíritu xubij: Ja', roma kan xke'uxlan chire ri kisamaj, y ri kisamaj kan xtikachibilaj-el, xcha'.

Apocalipsis 21:4

Y ri Dios kan xtusu' k'a el ri ruya'al runaq'-kiwech, roma kan xtuben chi xtik'is-el ri q'axo'n y ri jiloj. Kan xtik'is-el chuqa' ri kamik y ri oq'ej. Kan xkek'is k'a ronojel ri xek'oje' pa nabey, xcha'.