Hebreos 4:15 - Kaqchiquel Bible

¹⁵ Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Porque ri más nimalej ruqꞌij Sacerdote riꞌ, kin kꞌo pa qawiꞌ, y nditiker ndujoyowaj qawech atoq maneq ok ruchuqꞌaꞌ qánima chuwech ri mak. Porque atoq xkꞌojeꞌ chochꞌulew, rijaꞌ xtaqchiꞌix achel ngojtaqchiꞌix roj. Ri itzel xukusaj nojel itzel teq achike chirij chin xutaqchiꞌij y xrajoꞌ ta xutzeq pa mak, pero rijaꞌ ma jumbꞌey xtzaq pa mak.

Kaqchikel Santa Maria de Jesus

¹⁵ Ruma ojreꞌ cꞌo jun Kanamalaj Sacerdote ri nujoyovaj kavach, ruma rataꞌn chi ojreꞌ manak kachukꞌaꞌ. Y jajaꞌ jaꞌal rataꞌn, ruma antok xcꞌujieꞌ vaveꞌ choch-ulief, can xꞌan tentar. Can nojiel ri niꞌan chika ojreꞌ, xꞌan cha jajaꞌ jeꞌ, pero jajaꞌ man xuꞌon ta pecado.

Kaqchikel Central Guatemala

¹⁵ Ri Kanimalej Sacerdote nujoyovaj kavech roma retaman chi can man jun kuchuk'a'. Y rija' jebel retaman, roma tok xc'oje' re vave' chuvech re ruvach'ulef, xajovex chi xmacun ta chuka'. Xa can ronojel c'a ri niban chike roj, xban chire rija', xaxe c'a rija' man xmacun ta.

Re C'ac'a Testamento pa Kach'abal

¹⁵ Re Kanamalaj Sacerdote nujoyovaj kavach roma rutaman che manak kachuk'a'. Y reja' jabal rutaman, roma tak xc'ue' vova' chach re ruch'ulef, can xtojtobex chin che xmacun-ta. Xa can ronojel re niban chaka yoj, quire' xban cha reja', xaxe reja' man xmacun-ta.

Kaqchikel Western Solola

¹⁵ Ruma riyoj c'o jun Kanimalaj Sacerdote ri can nicowin nujoyowaj kawech, ruma Riya' retaman ri acuchi (achique) oc napon wi ri kachuk'a' riyoj winek. Y Riya' jabel retaman, ruma tek xoc'oje' ka wawe' chuwech re ruwach'ulef, can xajowex chi xka ta pa mac. Xa can ronojel ruwech tojtobenic ri nikak'axaj riyoj, can xuk'axaj chuka' Riya', xaxu (xaxe wi) c'a chi Riya' ma xmacun ta.

Hebreos 4:15 ပူးပေါင်းရင်းမြစ်များ

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

1 Juan 3:5

Rix iwetaman chi ri Jesucristo xpe chuwech re ruwach'ulew, richin xukuy ri qamak stape' rija' kan man jun rumak.

1 Pedro 2:22

Rija' kan man jun bey xmakun, ni man jun bey xeruq'ol ri winaqi'.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.

Hebreos 4:14

Roj kan k'o k'a jun qanimalej sacerdote apowineq chila' chikaj ri kan xapon rik'in ri Dios, y ri' ja ri Jesús ri Ruk'ajol. Roma ri' man tiqaya' kan ruq'alajirisaxik chi qaniman.

Hebreos 5:2

Jun nimalej sacerdote xa wineq ri man ronojel ta mul nitikir nuben ri choj. Roma ri' nujoyowaj kiwech ri winaqi' ri man ketaman ta achike ri rurayibel ri Dios y yemakun roma man yech'obon ta, roma rija' jantape' chuqa' k'o chuwech ri mak.

San Juan 8:46

¿K'o kami k'a jun ri nibin-pe chuwe wakami achike mak e nubanalon? Y wi kan jebel niq'alajin chi man jun mak pa nuk'aslen y kan ruyon qitzij ri ninbij, ¿achike k'a roma toq man yininimaj ta?

Wuj Richin ri Isaías 53:9

Kan xmuq chikikojol winaqi' ri maneq Dios chikiwech, xmuq akuchi yemuq-wi ri e itzel taq winaqi', stape' rija' kan man jun mak xuben, ni man jun bey xeruq'ol winaqi'.

San Lucas 22:28

Rix kan ixk'o k'a pe wik'in chupan ri tejtobenik ri ninq'axaj.

San Lucas 4:2

Chiri' xk'oje-wi kawineq q'ij, y ri Itzel-Wineq nutejtobela' k'a. Y chupan ri janipe' q'ij xk'oje' ri Jesús chiri', man jun wey xutej. Roma ri' ninum nuna' rija'.

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Ex 23:9

Man ke'iya' pa bis ri man e iwinaq ta ri ek'o chi'ikojol. Rix iwetaman ri nuna' ri kánima rije' roma ri man e iwinaq ta, roma xa kan xina' yan toq xixk'oje' pan Egipto.

San Mateo 12:20

Man xtuq'ej ta jumul ri aj ri kan q'ajineq kan juba'. Ni man xtuchup ta ri candil ri nibuqulin sib chire. Rija' jantape' xtuben pa ruchojmilal.

San Mateo 4:1

Ri Jesús xban k'a chire roma ri Loq'olej Espíritu chi xbe pa tz'iran ruwach'ulew, richin chi nitejtobex roma ri Itzel-Wineq.

Romanos 8:3

Ri pixa' richin ri Moisés man xtikir ta xojrukol, roma roj man xojtikir ta xqaben ri nubij roma oj makuwineq. Jak'a richin xojkolotej, ri Dios xuteq-pe ri Ruk'ajol chuwech re ruwach'ulew; xok wineq kan achi'el roj. Xken k'a roma ri qamak, y rik'in ri' ri Dios xuq'et-tzij pa ruwi' ri mak ri k'o pa qánima.

Hebreos 9:28

keri' chuqa' ri Cristo, xaxe jun bey k'o chi xken richin xrejqalej ri qamak qonojel. Y xtapon k'a ri q'ij toq rija' xtipe chik jun bey, jak'a man roma ta chik ri qamak, xa kan richin yojrukol-el roj, ri qoyoben-apo rija'.