Hebreos 4:1 - Kaqchiquel Bible

¹ Roma ri' tiqachajij-qi', man xa tiqaben achi'el xkiben ri winaqi' ri' y xa man yojok ta chupan ri uxlanen ri rubin ri Dios ri k'a nusuj na chiqe.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Romariꞌ, tiqabꞌanaꞌ cuenta ri qakꞌaslen, utz chi kꞌa kꞌo cheꞌel ngojok chupan ri uxlanen rusujun ri Dios. Ma kꞌateꞌ ekꞌo jujun chiꞌikajal ri ma xkeꞌok ta chupan ri uxlanen riꞌ.

Kaqchikel Santa Maria de Jesus

¹ Kaxiꞌij-kiꞌ choch ri Dios, ya que vacame cꞌa majaꞌ kojuoc chupan ri uxlanien ri ranun prometer ri Dios chi xtuyaꞌ chika, can kabꞌanaꞌ cuenta-kiꞌ chi quireꞌ man nibꞌanataj ta chi cꞌo jun chivach ri man xtitiquir ta xtuoc chupan ri uxlanien reꞌ.

Kaqchikel Central Guatemala

¹ Romari' tikaxibij c'a ki', man xa tikaben achi'el xquiben ri vinek ri' y xa man yojoc ta chupan ri uxlanen ri rubin ri Dios chi nuya'. Y xa c'a nisuj na chike chi yojoc ta chupan ri uxlanen ri'.

Re C'ac'a Testamento pa Kach'abal

¹ Mare' can takaxibij-ki' chin man takaban ancha'l xquiban re vinak re', roma xa man xkojoc-ta chupan re uxlanen re rubin can re Dios che nuya', y reja' xa can c'a rutz'amon rusujic chaka chin che yoj yojoc-ta chupan re uxlanen re'.

Kaqchikel Western Solola

¹ Y wacami ri Dios c'a ntajin na nutzuj (nusuj) chake riyoj chi yoj-oc chupan ri uxlanen ri ruchojmirisan Riya'. Rumac'ari' tikaxibij c'a ki', man xa tibanatej chi c'o jun chiwe riyix ri xa ma xtoc ta chupan ri uxlanen ri'.

Hebreos 4:1 ပူးပေါင်းရင်းမြစ်များ

Hebreos 12:15

Titz'eta' jebel chi man jun ta ri man ta nuqi' ri rutzil ri Dios. Richin chi man jun tok achi'el jun q'ayis ri k'ey-k'ey ruxe', ri xa nuben ch'aoj y nusech kik'u'x e k'iy.

Hebreos 4:11

Kan tiqatija' k'a qaq'ij richin yojok chupan re uxlanen re' y man tiqaben achi'el xkiben ri winaqi' ojer kan, ri man xkikuquba' ta kik'u'x rik'in ri ruch'abel ri Dios.

Hebreos 4:9

Y roma ri' qetaman chi k'a k'o na jun chik uxlanen kichin ri e rutinamit ri Dios, achi'el ri ruwuq q'ij toq rija' xuxlan.

Wuj Richin Etamabel-Tzij 28:14

Kan jebel k'a ruwa-ruq'ij ri wineq, ri kan jantape' k'o rukiy ri Dios chuwech; jak'a ri kan rukowirisan ránima chuwech ri Dios, xa xtitzaq pa mak.

Hebreos 13:7

Ke'oqaqa k'a chi'ik'u'x ri uk'uey iwichin, ri xeq'axan ri ruch'abel ri Dios chiwe. Tich'obo' ri kik'aslen, roma kan xkuqer-wi kik'u'x rik'in ri Dios. Y kan tibana' ri achike xkiben rije'.

2 Timoteo 2:13

Jak'a stape' roj niqamalij kan, rija' man xqojrumalij ta kan, roma rija' kan keri'.

1 Corintios 10:12

Roma ri' wi k'o jun qach'alal ri kan nuch'ob chi kan jebel kuqul ruk'u'x, roma ri' man nitzaq ta, xa kan nik'atzin k'a chi tuchajij-ri' jebel richin chi man nitzaq.

Romanos 11:20

Jak'a rije' roma ri man xkinimaj ta ri Dios, roma ri' toq xe'elesex-el. Y rix xaxe roma ikuquban ik'u'x rik'in ri Dios toq ixk'o kan pa kik'exel. Roma ri' man ruk'amon ta chi ninimirisaj-iwi'. Xa tixibij-iwi'.

Romanos 3:23

Roma xa kan qonojel xojmakun, y man niqaq'i' ta ri k'ojlen ri nrajo' nuya' ri Dios chiqe.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Wuj Richin ri Q'axanri'il 14:34

Ri nachanela' kawineq q'ij ri xbekibana' richin xbekinik'oj ri ruwach'ulew. Y rix xtiq'axaj tijoj-poqonal roma ri imak y k'ari' xtiwetamaj achike rupoqonal ri xtiqaqa pan iwi', roma yin in yakatajineq chiwij. Re' k'o chi niq'axaj kawineq juna', jun juna' roma jun q'ij.

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

Hebreos 3:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew richin uxlanen, nicha'.

Wuj Richin Etamabel-Tzij 14:16

Ri wineq ri k'o na'oj rik'in, kan nuxibij-ri' chuwech ri Dios y man nutzeqelibej ta ri itzel bey; jak'a ri xa maneq runa'oj xa choj beneq y nim nuna-ri'.

1 Sam 2:30

Roma ri', yin Jehová ri i-Dios ninbij chi stape' yin xibin chi ri aj pan awachoch y ri aj pa rachoch ri atata' ye'ok nu-sacerdote richin q'asen, jak'a re wakami ninbij chi man jun bey chik xtinben kere'. Wakami k'a, ri xtuya' nuq'ij xtinya' ruq'ij, y ri xkinketzelaj, kan xtinben chike chi man jun kejqalen. Ja yin Jehová ri yibin.

San Mateo 24:48

Jak'a rik'in juba' ri samajel ri' xa itzel ta, y nuch'ob ta qa pa ránima chi ri rajaw xa k'a man jani noqaqa.

Hechos 3:19

Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

2 Corintios 6:1

Roj kan junan rik'in ri Dios niqaben ri samaj chi'ikojolil rix, kan niqachilabej k'a chiwe chi man tiben chi xa man jun rejqalen ri rutzil ri Dios ri ruya'on chik pe chiwe.

Gálatas 5:4

Y rix ri kan niwajo' chi rik'in ri pixa' man jun imak yixk'ulun chuwech ri Dios, kan xich'er-iwi' rik'in ri Cristo, y chuqa' xa xiwetzelaj ri rutzil ri Dios.