Hebreos 3:8 - Kaqchiquel Bible

⁸ man k'a tikowirisaj ri iwánima achi'el xkiben ri iwati't-imama' ojer kan, toq xeyakatej chuwij ri chiri' pa tz'iran ruwach'ulew.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Ma tikowrisaj iwánima, achel xkibꞌen ri ojer teq iwatit-imamaꞌ pa chaqiꞌj y tzꞌiran ulew Atoq rikꞌin ri itzel teq achike xekibꞌanalaꞌ, xkitojtobꞌej ri janipeꞌ ndikochꞌon ri Dios.

Kaqchikel Santa Maria de Jesus

⁸ man tiꞌan cof cha ri ivánima incheꞌl xquiꞌan ri ivateꞌt-imamaꞌ ojier can, antok xquiyac ri vayoval y xcajoꞌ ta xquitzꞌat ri chica xtinꞌan ri pa desierto.

Kaqchikel Central Guatemala

⁸ man ticovirisaj ri ivánima achi'el xquiben ri ivati't-imama' ojer can, tok xeyacatej, ri chiri' pa tz'iran ruvach'ulef. Xcajo' xquitz'et, vi can kitzij chi nika' ruc'ayeval pa quivi'.

Re C'ac'a Testamento pa Kach'abal

⁸ man ticoversaj re ivánma ancha'l xquiban re ivinak xe'c'ue' ajuer can, tak xe'yacataj chij re Dios chire' chupan re lugar re anche' manak vinak re nibex desierto cha. Xquijo' xquitz'at vo xa can katzij che nika re castigo pa quive'.

Kaqchikel Western Solola

⁸ man c'a ticowirisaj ta ri iwánima, ma tiben ta achi'el xquiben ri iwati't imama' ojer ca, tek xquiyec woyowal ri pa desierto. Xcajo' xquitz'et, wi kas kitzij chi nika ruc'ayewal pa quiwi'.

Hebreos 3:8 ပူးပေါင်းရင်းမြစ်များ

Wuj Richin Etamabel-Tzij 28:14

Kan jebel k'a ruwa-ruq'ij ri wineq, ri kan jantape' k'o rukiy ri Dios chuwech; jak'a ri kan rukowirisan ránima chuwech ri Dios, xa xtitzaq pa mak.

Ex 17:7

Y rije' xkibij Masá y Meribá*f7* chire ri abej ri'. Keri' xubini'aj ri chiri' roma ri koyowal ri israelita y roma xkitejtobej ri Jehová y xkibij: ¿Kan k'o k'a ri Jehová chiqakojol, o xa maneq?, xecha'.

Dn 5:20

Jak'a toq xunimirisaj-ri' y ri ránima kan xukowirisaj rik'in ri runimirisanen, xa kan xelesex k'a el chupan ri rajawaren, y ronojel ri ruwaq'ijaj kan xelesex chire.

Wuj Richin ri Jeremías 7:26

Jak'a ri iwati't-imama' xa man xkinimaj ta nutzij y man jun rejqalen xkiben chire ri nuch'abel. Y xa kan xkikowirisaj ri kánima y xa kan más itzel xkiben rije' chikiwech ri kati't-kimama'.

Wuj Richin Bix Chire ri Dios 78:56

Jak'a rije' xa jantape' xkitejtobej y xkiyek royowal ri nimalej Dios, y man xkiben ta ri nubij ri rupixa' ri ruya'on chike.

Wuj Richin Bix Chire ri Dios 78:18

Jantape' k'a xkitejtobej ri Dios, richin xkik'utuj q'utun ri xkajo' rije'.

San Mateo 13:15

Roma re winaqi' re' kan xkikowirisaj ri kánima. Kan tabana' chike richin xketokonir. Chuqa' kan xkemoyir richin man xtikitz'et ta chik. Roma, man ninwajo' ta chi rije' xtikitz'et ri nubanobal, y chuqa' xtikak'axaj ri nuch'abel, y xkinkitzeqelibej ta chik. Y man ninwajo' ta chi xkenk'achojirisaj, nicha' ri Isaías.

Wuj Richin Etamabel-Tzij 29:1

Ri wineq banoy richin etzelal, ri kan man nuqasaj ta ri', kan pa jun ti ramaj xtiya'ox-pe ri kamik pa ruwi' y man jun chik ri xtikolon richin.

Wuj Richin ri Achin Job 9:4

Ri Dios janila nim rik'in ri ruchuq'a' y ri retamabal. ¿Achike ta k'a ri nupaba-ri' chuwech rija', y kan man jun k'ayew nuna' kan pa ránima?

Ex 8:15

Y toq ri rey xuna' chi k'o chik uxlanen, roma ri xkalet xa e maneq chik, jari' toq xukowirisaj más ri ránima y man xniman ta chike ri Moisés y ri Aarón, kan achi'el ri rubin ri Jehová.

Wuj Richin Bix Chire ri Dios 106:14

Xa kan xkijech k'a ki' chubanik ri itzel taq rayibel ri chiri' pa tz'iran ruwach'ulew. Xa kan xkitejtobej k'a ri Dios ri chiri'.

2 Crón 36:13

Chuqa' kan xyakatej chirij ri rey Nabucodonosor, ri kan ruya'on rutzij chuwech pa rubi' ri Dios chi nijunamatej-kiwech rik'in. Y kan xunimirisaj-ri' y xukowirisaj ri ránima y kan xupaba-ri' chi kan man nitzolin ta chik rik'in ri Jehová ri Dios richin Israel.

Deut 6:16

Y man titejtobej ri Jehová ri qa-Dios, achi'el xiben chire pa Masá.

1 Corintios 10:9

Ek'o chuqa' chike rije' ri xkitejtobej ri Dios. Y roma ri' xeken pa kiq'a' kumatzi'. Roma ri' rix man k'a titejtobej ri Dios.

Hechos 19:9

Jak'a ek'o ch'aqa' ri xkikowirisaj ri kánima, y man xeniman ta. Xa pa ruk'exel ri', xa xkichop itzel yech'on chikiwech ri winaqi' chirij ri Jesús, ri utzilej bey. Roma ri' ri Pablo xuch'er-el-ri' kik'in, y xeruk'uaj k'a chuqa' el ri kan e nimanela' chik. Y pa jun jay richin tijonik ri richin ri achin rubini'an Tirano nikimol-wi-ki', richin nikich'ob rij ruch'abel ri Dios ronojel q'ij.

Wuj Richin ri Nehemías 9:16

Jak'a ri qate-qatata' xa xkinimirisaj-ki' y kan xkikowirisaj ri kánima richin man xeniman ta chire ri apixa'.

1 Sam 6:6

¿Achike k'a roma ikowirisan ri iwánima, achi'el xkiben ri aj-Egipto y chuqa' ri ki-rey toq xukowirisaj-ri'? Roma k'a ja toq ri ki-Dios ri israelita xuya' na jalajoj ruwech ruk'ayewal pa kiwi', k'ari' toq xuya-el q'ij chike richin xe'el-el chiri'.

Wuj Richin ri Q'axanri'il 14:11

Ri Jehová xubij chire ri Moisés: ¿K'a jampe' k'a xketane' re winaqi' richin yinketzelaj? ¿K'a jampe' xtapon ri q'ij richin chi rije' nikikuquba' ta kik'u'x wik'in, stape' rije' kan kitz'eton ri meyel taq banobel ri nubanon chikiwech?

2 Crón 30:8

Man tikowirisaj k'a ri iwánima; man tiben achi'el xkiben ri qati't-qamama'. Xa kan tiqasaj k'a iwi' chuwech ri Jehová y kixanpe wawe' chupan re jay richin ri Jehová, ri kan rucha'on rija' richin niya'ox ruq'ij richin jantape'. Kan tisamajij k'a ri Jehová ri qa-Dios, richin xtik'o-el ri royowal chiqij.

2 Rey 17:14

Jak'a rije' xa man xkinimaj ta tzij, xa xkikowirisaj-ki', achi'el xkikowirisaj-ki' ri kite-kitata', ri man xkikuquba' ta kik'u'x rik'in ri Jehová ri ki-Dios.

Wuj Richin Bix Chire ri Dios 95:8

Man k'a tikowisiraj ri iwánima achi'el xbanatej ri ojer chiri' pa Meribá, achi'el ri chiri' pa Masá pa tz'iran ruwach'ulew.

Hechos 7:36

Jak'a rija' ri xkolo-pe kichin ri qati't-qamama' ri chiri' pan Egipto. Rija' k'o k'a ri meyel taq banobel y retal ri xerubanala' chikiwech ri winaqi'. Ek'o k'a ri xerubanala' ri chiri' pan Egipto, ri pa Kaqa-Palou, y ri pa tz'iran ruwach'ulew. Kawineq k'a juna' xkiben ri pa tz'iran ruwach'ulew ri'.