Hebreos 3:19 - Kaqchiquel Bible

¹⁹ Y rik'in ri', roj niqetamaj chi rije' man xetikir ta xe'ok akuchi k'o uxlanen, roma man xkikuquba' ta kik'u'x rik'in ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Konojel ri wineq riꞌ, ndiqatzꞌet chi ma xeꞌok ta chupan ri uxlanen sujun, porque ma xkitaqij ta ri Dios.

Kaqchikel Santa Maria de Jesus

¹⁹ Ojreꞌ kataꞌn chi ijejeꞌ man xaꞌtiquir ta xaꞌuoc chupan ri uxlanien reꞌ ruma man xquinimaj ta ri xuꞌej ri Dios.

Kaqchikel Central Guatemala

¹⁹ Y riq'uin ri', roj niketamaj chi rije' man xetiquir ta xe'oc chupan ri uxlanen ri' roma man xquinimaj ta ri Dios.

Re C'ac'a Testamento pa Kach'abal

¹⁹ Y riq'uin re', yoj yojtiquir nakatamaj che reje' man xe'tiquir-ta xe'oc chupan re uxlanen re' roma man xquinimaj-ta re Dios.

Kaqchikel Western Solola

¹⁹ Y riq'ui ri', riyoj nikatz'et chi riye' ma xecowin ta xe'oc chupan ri uxlanen ri' ruma ma xquinimaj ta ri Dios.

Hebreos 3:19 ပူးပေါင်းရင်းမြစ်များ

Judas 1:5

Y wakami ninwajo' k'a ninnataj chiwe ri xuben ri Dios ojer kan. Rix iwetaman chi ri Dios xerelesaj-pe ri qati't-qamama' chupan ri ruwach'ulew Egipto. Jak'a toq xekolotej yan pe, k'ari' xeruk'is ri man xkikuquba' ta kik'u'x rik'in.

San Juan 3:36

Achike k'a ri nukuquba' ruk'u'x rik'in re k'ajolaxel re', k'o ruk'aslen ri man k'isel ta. Jak'a ri man nikajo' ta nikikuquba' kik'u'x rik'in, man k'a xtik'oje' ta kik'aslen. Kan ek'o chik k'a richin niqaqa ri royowal ri Dios pa kiwi'.

San Juan 3:18

Ri wineq ri nukuquba' ruk'u'x rik'in, man xtiqaqa ta ruk'ayewal pa ruwi'. Jak'a ri wineq ri man nukuquba' ta ruk'u'x rik'in, kan xq'at yan tzij pa ruwi' y xtiqaqa ruk'ayewal pa ruwi', roma xa kan man xukuquba' ta ruk'u'x rik'in ri juney ruk'ajol ri Dios.

Marcos 16:16

Ri winaqi' ri yeniman y niqasex ya' pa kiwi' retal chi xjalatej yan kik'aslen, xkekolotej k'a. Jak'a ri winaqi' ri xa man nikimaj ta, xtiqaqa k'a ri ruk'ayewal pa kiwi'.

1 Juan 5:10

Roj ri qakuquban qak'u'x rik'in ri Ruk'ajol ri Dios, ja ri qánima ri nibin chiqe chi qitzij ri nubij ri Dios chirij ri Ruk'ajol. Jak'a ri winaqi' ri man kikuquban ta kik'u'x rik'in, xa nikiben chire chi man qitzij ta ri nubij ri Dios, roma man nikak'axaj ta ri nubij chirij ri Ruk'ajol.

2 Tesalonicenses 2:12

Richin keri' xtiqaqa ruk'ayewal pa kiwi', roma más xqa' chikiwech ri itzel banobel ke chuwech xkikuquba' ta kik'u'x rik'in ri qitzij.

Deut 1:32

Y man rik'in ri' man xikuquba' ta ik'u'x rik'in ri Jehová ri qa-Dios.

Wuj Richin Bix Chire ri Dios 106:24

Stape' keri', ri winaqi' xa kan xketzelaj k'a ri ruwach'ulew ri kan rayixel. Man xkikuquba' ta kik'u'x rik'in ri ruch'abel rija'.

Romanos 11:23

Y wi ri nuwinaq nikichop nikinimaj chik, kan xtik'amer chik kiwech jun bey, roma ri Dios kan k'o uchuq'a' rik'in richin nujel ri kik'aslen.

Hebreos 3:12

Wach'alal, tichajij ri ik'aslen chi'ijujunal, richin chi beneq ta ruwech kuqul ik'u'x rik'in ri Dios, y chi man ta k'o itzel ri pa taq iwánima, richin keri' man ta xtiya' kan ri k'aslik Dios.