Hebreos 3:1 - Kaqchiquel Bible

¹ Roma ri', rix loq'olej wach'alal ri ix oyon chuqa' junan qik'in roj roma ri Dios, kan ja ri Cristo Jesús titzu'. Ja rija' ri qaniman, y niqaq'alajirisaj chi rija' kan ja ri Dios ri xtaqon-pe richin, y ja chuqa' rija' ri qanimalej sacerdote.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Romariꞌ, loqꞌolej teq hermanos ri rix oyon roma ri Dios chin ngixok richin, tiyaꞌ utz-utz cuenta chare ri ndubꞌen ri Jesús, ri qa-Apóstol y más nimalej ruqꞌij qa-Sacerdote, ri achoq ikꞌin kuqul qakꞌuꞌx achel ndiqatzijoj.

Kaqchikel Santa Maria de Jesus

¹ Rumareꞌ, ixreꞌ santos hermanos ri junan xojayox iviqꞌuin ruma ri Dios, chi nkojbꞌacꞌujieꞌ chicaj riqꞌuin jajaꞌ, can titzꞌataꞌ ri Cristo Jesús. Jajaꞌ ri ka-apóstol, y jajaꞌ jeꞌ ri Kanamalaj Sacerdote ri kaniman.

Kaqchikel Central Guatemala

¹ Romari', rix lok'olej tak vach'alal ri ix oyon chuka' junan kiq'uin roj roma ri Dios, richin chi xkojbec'oje' chila' chicaj riq'uin, can jac'a ri Cristo Jesús titzu'. Ja rija' ri kaniman, y nikak'alajirisaj chi rija' can jac'a ri Dios ri xtakon-pe richin, y ja chuka' rija' ri Kanimalej Sacerdote.

Re C'ac'a Testamento pa Kach'abal

¹ Mare' hermanos, yex re ch'ajch'oj ic'aslen y yixvayon junan kaq'uin yoj roma re Dios chin nic'ue' kac'aslen chila' chicaj, can ja re Jesucristo titzu' roma ja reja' re kaniman, y nakabij che ja re Dios xtako-pa richin, y ja chuka' reja' re Kanamalaj Sacerdote.

Kaqchikel Western Solola

¹ Rumari', riyix lok'olaj tak wach'alal ri yix siq'uin (oyon) chuka' ruma ri Dios riche (rixin) chi yixbec'oje' riq'ui chila' chicaj, can tich'obotej c'a chiwech chi ya c'a ri Cristo Jesús ri rutako'n ri Dios y ya chuka' Riya' ri Kanimalaj Sacerdote riyoj ri kaniman.

Hebreos 3:1 ပူးပေါင်းရင်းမြစ်များ

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Filipenses 3:14

Kan nintej-wi k'a nuq'ij richin yinapon ri akuchi nitane' wi ri anin, roma ninwajo' chi kan nok wichin yin ri sipanik richin ch'akonik ri nuya' ri Dios roma ri Cristo.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.

Efesios 4:1

Y roma ri' yin, ri xinok pa cárcel roma ninsamajij ri Dios, ninbij chiwe chi nik'atzin nik'uaj jun k'aslen ri ruk'amon, roma ja ri Dios ri xoyon qichin richin xojok ralk'ual.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Hebreos 2:17

Roma ri' xok wineq achi'el roj, richin chi xuben achi'el jun nimalej sacerdote ri nijoyowan qawech. Kan jantape' wi nuben ri samaj ri' rik'in ri Dios y roma ri' nikuyutej ri qamak roj winaqi'.

Hebreos 10:21

Ri Jesús kan jari' ri nimalej sacerdote ri k'o pa ruwi' ri rachoch ri Dios.

Efesios 4:4

Xa jun k'a ibanon chi'iwach'alal-iwi' y xa jun ri Loq'olej Espíritu ri k'o pa taq iwánima. Kan chi'iwonojel k'a junan ri utzil iwoyoben-apo, roma ja ri Dios ri xoyon iwichin.

1 Corintios 9:23

Ronojel re' ninben roma ninwajo' chi e k'iy ta nikikuquba' kik'u'x rik'in ri Cristo. Yin ninwajo' yinilon chuqa' rik'in ri urtisanik ri nuk'en-pe ri utzilej ch'abel richin kolotajik.

2 Timoteo 2:7

Tach'obo' k'a rij ronojel re xinbij chawe, y ri ajaw xtuben ta chawe chi xtiq'ax jebel chawech.

1 Timoteo 6:12

Roma nakuquba' ak'u'x rik'in ri Cristo, k'iy poqon xtatej, jak'a kan tatija' aq'ij richin yach'akon y ja ri k'aslen richin jantape' ri xtak'ul rik'in ri Dios. Roma rija' xaroyoj richin nak'ul ri k'aslen ri' toq xabij chi xakuquba' ak'u'x rik'in ri Cristo chikiwech e k'iy.

Romanos 15:8

Keri' ninbij chiwe, roma ri Cristo xpe richin xojruto' qonojel roj judío, richin xuk'ut chiqawech chi ri Dios kan nuben-wi achi'el ri xubij chike ri ojer taq qati't-qamama'.

Hebreos 2:11

Konojel xa jun kitata'. Ri Jesús kan loq'olej-wi, y nuben chike ri ralk'ual ri Dios chi ye'ok loq'olej; roma ri' man nik'ix ta nubij rach'alal chike.

San Juan 20:21

K'ari' ri Jesús xubij chik k'a jun bey chike: Ja ta k'a ri uxlanen xtik'oje' pa taq iwánima chi'iwonojel. Wakami k'a kan yixinteq-el, achi'el xiruteq-pe yin ri nata', chubanik ri rusamaj, xcha'.

Wuj Richin ri Hageo 1:5

Roma ri' yin Jehová ri k'o ronojel uchuq'a' wik'in ninbij: Tich'obo' jebel wi utz ri yixajin chubanik.

Wuj Richin Bix Chire ri Dios 110:4

Ri Jehová xuya' ri rutzij y man xtutzolij ta ri' chirij. Kere' xubij: Ja rat ri at sacerdote richin q'asen achi'el rubanik xinben rik'in ri Melquisedec, xcha' chawe.

Judas 1:1

Yin Judas, in jun chike ri rusamajela' ri Jesucristo y rach'alal ri Santiago, ninteq k'a el re wuj re' chiwe rix, ri ix ajowan y ix oyon roma ri qatata' Dios, ri chuqa' kan ix chajin roma ri Jesucristo.

Hebreos 3:14

Roj jun qabanon rik'in ri Cristo, roma xqakuquba' qak'u'x rik'in toq xqanimaj. Jak'a nik'atzin chi man tiqaya' kan, y jantape' tiqakuquba-apo qak'u'x rik'in, achi'el ri qabanon-pe.

Wuj Richin ri Isaías 1:3

Ri taq bóyix y ri taq bur ketaman ruwech ri kajaw, y ketaman achike niya'on kiway. Jak'a rix nuwinaq israelita man iwetaman ta nuwech; rix nutinamit kan maneq iwetamabal.

1 Timoteo 6:2

Y wi yesamej rik'in jun wineq ri rutzeqeliben ri Cristo, man k'a tikibij chi man ta nikiya' ruq'ij, xaxe roma kach'alal chik ki'. Pa ruk'exel ri' kan tikiya' ruq'ij y más jebel tikisamajij, roma kan ja ri kach'alal, ri junan kikuquban kik'u'x rik'in ri Cristo ri nikisamajij. Rat Timoteo, ninbij chawe chi ke'atijoj y tabij chike ri qach'alal chi tikibana' ronojel re'.

2 Tesalonicenses 2:14

Ri Dios xixroyoj richin xixkolotej roma ri utzilej ch'abel richin kolotajik ri xqaya' chiwe roj richin nik'oje' iq'ij, achi'el ri ruq'ij-ruk'ojlen ri qajaw Jesucristo.

2 Tesalonicenses 1:11

Roma ri' beneq-ruwech yojch'on rik'in ri Dios pan iwi' rix, richin chi xtuben ta chiwe chi yixtikir nik'uaj jun k'aslen utz ri ruk'amon chiwe chi'iwonojel ri xojoyox roma rija'. Y xtuben ta chiwe chi yixtikir niben ronojel ri utz ri nirayij, y ri samaj ri ichapon roma ikuquban ik'u'x rik'in ri Jesucristo.

1 Tesalonicenses 5:27

Y pa rubi' ri ajaw ninbij k'a chiwe, chi tisik'ij re wuj re' chikiwech konojel ri qach'alal.

Colosenses 3:12

Ri Dios yalan yojrajo', xojrucha' y xuben chiqe chi xojok loq'olej. Roma ri' nik'atzin chi beneq ruwech tik'oje' ri joyowanik qik'in, utz qana'oj tiqabana', man ta niqanimirisaj-qi', oj ch'uch'uj ta y yojkoch'on ta.

Colosenses 1:22

Jak'a re wakami rix junan chik iwech rik'in ri Dios, roma ri samaj ri xuben ri Ruk'ajol. Kan xok-wi k'a wineq achi'el roj y xken richin chi rix xixok loq'olej, ch'ajch'oj ri ik'aslen, maneq imak y man jun itzel nitz'etetej chiwij toq xkixruya' chuwech ri Dios.

Colosenses 1:12

Niqajo' chi kan kixmatioxin chire ri Tata'ixel, roma rubanon chiqe qonojel chi ruk'amon richin niqichinaj ri k'o chila' chikaj. Junan k'a xqojichinan kik'in ri ch'aqa' chik ralk'ual ri Dios, ri chiri' chupan ri ajawaren richin saqil.

2 Corintios 1:7

Ri qoyoben chi niben, kan xtibanatej-wi. Kan qetaman-wi chi ix qachibil chupan ri q'axo'n ri nuk'en-pe ri rusamaj ri Cristo, roma ri' niq'alajin chi ix qachibil chuqa' toq nikuqubex qak'u'x roj.

1 Corintios 1:2

ninben-el re wuj re' chiwe rix molaj qach'alal ri ixk'o pa tinamit Corinto, ri ix oyon richin yixok loq'olej roma ri rusamaj ri Cristo. Rix wach'alal xixoyox roma ri Dios richin xixch'ajch'ojirisex, achi'el xuben kik'in ri ch'aqa' chik ri nikiya' ruq'ij ri qajaw Jesucristo ri ek'o pa ch'aqa' chik tinamit. Kan ja rija' k'a ri qajaw qonojel roj ri qakuquban qak'u'x rik'in.

Romanos 15:27

Y kan yalan k'a ruk'amon richin nikiben keri', roma rije' achi'el xa ta k'o kik'as qik'in roj ri judío. Roma ja roj ri xojtzijon ri ruch'abel ri Dios chike, y roma ri' ruk'amon chi rije' yekito' juba' ri qawinaq ri man jun k'o kik'in.

Romanos 11:17

K'o k'a jun q'ij xtik k'a jun che' richin oliwo. Chirij ri' xelesex-el jun ruq'a'. Chuqa' xtun-apo jun ti ruq'a-che' oliwo ri xa choj k'iyineq-pe pa juyu'. Ri nuwinaq judío kan e achi'el ri ruq'a-che' ri xelesex-el. Y rix ri man ix judío ta xa ix achi'el ri ti ruq'a-che' ri' ri xtun-apo pa kik'exel rije'. Xixtun-apo rik'in ri che' oliwo y k'iy utzil nik'ul.

Romanos 9:24

Man xaxe ta roj judío ri oj royon-pe; xa kan keri' chuqa' ri e royon-pe chikikojol ri man e judío ta.

San Juan 20:27

Kan jari' k'a xubij chire ri Tomás: Taju-pe ri ruwi-aq'a' wawe' y ke'atzu' re nuq'a' e sokotajineq. Taya-pe la aq'a' pa nuk'alk'a'x y taju-pe chupan re sokotajik ri xuben ri kum. Kan tanimaj k'a, y man taben chi man nanimaj ta, xcha'.

Wuj Richin ri Hageo 2:15

Kixch'obon utz chirij ri ninbij wakami y chirij ri xtibe-apo chiqawech. Toq xich'on iwik'in pa nabey, rokik toq man jani niya-qa ri nabey taq abej chupan ri rachoch ri Jehová,

Ez 18:28

Wi xunojij y xutz'et jebel ri itzel ri najin chubanik y chirij ri' kan man nuben ta chik y ronojel ri nuben xa pa ruchojmilal, kan qitzij wi chi rija' xtik'ase' y man xtinwelesaj ta ri ruk'aslen.

Ez 12:3

Roma ri' tachojmirisaj k'a juba' ri nik'atzin chawe, achi'el xa ta at beneq pa ximonri'il. Katel-el ri tiqaq'ij y yabe-kela' yabe-kela' xtaben. Toq ri awinaq xkatkitz'et rik'in juba' xtiq'ax chikiwech chi rije' e jun tinamit richin yakatajinenri'il. Y toq xkatane' katzolin-pe pan awachoch.

Wuj Richin ri Isaías 41:20

Xtinben ronojel re' richin chi nitz'et, y niwetamaj chi ja yin Jehová ri in banayon ronojel re', chi ja yin ri in loq'olej ri ink'o pan Israel k'iytisayon ronojel re'.

Wuj Richin ri Isaías 5:12

Yixnimaq'ijun rik'in ri arpa, ri salterio, ri tambor, ri xul. Ye'ibanala' nima taq wa'in y kan janila vino ri ye'iya'. Xa jak'a kan man niya' ta rejqalen ri xubij ri Jehová, y kan man niya' ta k'a rejqalen ri xuben rija'.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

1 Juan 1:3

Roj kan qatzijon k'a chiwe ri xqatz'et y ri xqak'axaj, richin chi rix junan ta iwech qik'in roj y keri' rix chuqa' junan iwech rik'in ri Tata'ixel y rik'in ri Jesucristo ri Ruk'ajol, achi'el ri qabanon roj.

1 Pedro 5:10

Y toq ik'owisan chik el re tijoj-poqonal re', ri Dios xtuben chiwe chi xkixok tz'aqet, kow xkixk'oje', xtik'oje' iwuchuq'a' y kuqul-ik'u'x xkixk'ase'. Ri Dios rik'in rajowabal xixroyoj richin yixilon chuqa' rix chire ri ruq'ij-ruk'ojlen richin jantape', keri' xtuben iwik'in roma jun ibanon rik'in ri Cristo.

1 Pedro 5:1

Wakami ninwajo' k'a ninbij ka'i-oxi' ch'abel chiwe rix uk'uey kichin ri qach'alal. Yin, jun chuqa' in uk'uey kichin ri qach'alal. Xaxe yin kan xintz'et ri Cristo toq xutej poqon. Y toq xtapon ri q'ij chi xtibeq'alajin ri ruq'ij-ruk'ojlen, yin xkik'oje' rik'in.

1 Pedro 3:5

Roma ri ojer kan, keri' chuqa' xkiwiq-ki' ri loq'olej taq ixoqi' ri xkoyobej rutzil ri Dios. Kan xkikuquba' kik'u'x rik'in y xkinimaj kitzij ri kachijilal;

Hebreos 9:11

Jak'a ri Cristo kan xpe-wi y xok nimalej sacerdote richin ri k'ak'a' jikibel-tzij ri nuya' utzil chiqe. Ri rachoch ri Dios ri nisamej-wi ri Cristo más nim y más jebel. Roma ri jay ri' man banon ta koma winaqi' y re' nik'ulun chi tzij chi xa man aj-ruwach'ulew ta.

Hebreos 6:20

Ri Jesús xnabeyej-el chiqawech roj y xok chiri' roma ja rija' ri nimalej sacerdote richin jantape', achi'el ri sacerdote Melquisedec.

Efesios 3:6

K'a ja re wakami xuq'alajirisaj chi rix ri man ix judío ta junan xkixichinan qik'in roj judío. Junan chik k'a qawech iwik'in; roma qichin qonojel ri utzil ri rusujun-pe ri Dios chiqe roma ri Cristo Jesús.

1 Corintios 10:17

Roma ri' roj, stape' janila oj k'iy, xaxe jun qabanon; kan achi'el ri jun kaxlan-wey ri qonojel niqatej.

San Juan 17:3

Ri k'aslen ri man k'isel ta, ja ri niketamaj awech rat nata' Dios, y chuqa' niketamaj nuwech yin Jesús ri Cristo, ri xinateq-pe wawe' chuwech re ruwach'ulew.

Hechos 1:15

Y jun q'ij toq kimolon ki' jun la'eq e 120 qach'alal, ri Pedro xbepa'e-pe chikiwech, y xubij k'a chike:

2 Corintios 9:13

Y roma ri to'onik ri xtiya' chike, rije' xtikiya' janila ruq'ij-ruk'ojlen ri Dios, y xtikitz'et chi rix kan qitzij ik'uan ri utzilej ruch'abel ri Cristo ri nik'amon-pe kolotajik. Roma kan xtiya' chike rije' ri janipe' ri xtalex pan iwánima, y keri' xtiben kik'in ch'aqa' chik.

Hebreos 3:12

Wach'alal, tichajij ri ik'aslen chi'ijujunal, richin chi beneq ta ruwech kuqul ik'u'x rik'in ri Dios, y chi man ta k'o itzel ri pa taq iwánima, richin keri' man ta xtiya' kan ri k'aslik Dios.

Hebreos 7:28

Ri pixa' xeruya' sacerdote ri man jantape' ta yetikir nikiben ri utz. Chirij ri' ri Dios xuya' jun chik sacerdote y kan xuben rik'in jun ya'on-tzij, y xubij chi ja ri Jesús nok nimalej sacerdote ri nitikir nuben ri utz richin jantape'.

Hebreos 9:15

Roma ri' ja ri Cristo ri xk'amon-pe ri k'ak'a' jikibel-tzij ri xuben ri Dios qik'in roj, ri oj oyon richin yojok rik'in rija' richin xtiqichinaj chila' chikaj, ri rubin chi xtuya' chiqe ri man k'isel ta. Ronojel re' nibanatej roma ri Cristo xken richin chi xojkolotej chupan ri mak ri nunataj ri ojer jikibel-tzij.

Hebreos 10:19

Qach'alal, ri Jesús kan xken y xbiyin rukik'el qoma roj, y roma ri' toq kuqul qak'u'x yojjel-apo ri akuchi janila loq'olej rik'in ri Dios.

Hebreos 10:23

Y roj ri qoyoben ri nimalej utzil ri xtuya' ri Dios pa qawi', kan kow k'a qojk'oje' y man kaka' ta qak'u'x chupan ri oyobenri'il ri' ri k'o qik'in, roma ja ri Dios ri xbin chi xtuya' ri nimalej utzil pa qawi', y rija' kan xtuben-wi.

Hebreos 13:22

Wach'alal, yin nink'utuj utzil chiwe chi kan tik'ulu' k'a chi utzil re ch'abel richin pixabanik re xinteq-el rubixik chiwe chupan re wuj re'. Roma xa man nim ta rubanik xinben-el chire.