Hebreos 2:6 - Kaqchiquel Bible

⁶ Jak'a chupan ri ruch'abel ri tz'ibatel kan, k'o k'a jun ri biyon kan:*f6* Ajaw Dios, ¿achike ta k'a ri wineq richin chi naquqa-pe rij y richin chi nachajij?

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Porque chupan ri rutzij ri Dios kꞌo jun ri kereꞌ rubꞌiꞌin kan chare ri Dios: ¿La kꞌo kami jun wineq ri kin utz rukꞌaslen chin ta ndakꞌuxlaꞌaj? ¿La kꞌo kami jun wineq ri kin utz rukꞌaslen chin ta ndayaꞌ ri a-favor pa ruwiꞌ?

Kaqchikel Santa Maria de Jesus

⁶ Ruma chupan ri ruchꞌabꞌal ri Dios ri tzꞌibꞌan can, cꞌo jun ri bꞌiyuon can: Dios, ¿chica cꞌa oc rakalien ri ache chi nanataj? ¿Y chica jeꞌ oc rakalien jun ri xa riqꞌuin jun chic vinak alaxnak-ve chi nanataj?

Kaqchikel Central Guatemala

⁶ Chupan ri ruch'abel ri Dios ri tz'ibatel can, c'o c'a jun ri biyon can: Ajaf Dios, ¿achique ta c'a rejkalen jun vinek richin noka' chi'ac'u'x? ¿Y achique ta c'a chuka' ruk'ij jun ri xa riq'uin vinek alaxinek-vi, richin nanataj-pe?

Re C'ac'a Testamento pa Kach'abal

⁶ Chupan re ruch'abal re Dios re tz'iban can, c'o c'a jun re biyon can: Ajaf Dios, jun vinak camanak-va rajkalen, pero rat can ne'ka cha'c'o'x, jun vinak camanak-va ruk'ij, pero rat can nanataj-pa.

Kaqchikel Western Solola

⁶ Ruma chupan ri ruch'abel ri Dios ri tz'ibatal ca, c'o c'a jun achi ri biyon ca: Ajaf Dios, ¿achique ta c'a ruc'ojlen ri winek riche (rixin) chi can noka chac'u'x? ¿Y achique ta c'a chuka' ruk'ij ri xa riq'ui winek alaxnek wi, riche (rixin) chi can nanataj pe?

Hebreos 2:6 ပူးပေါင်းရင်းမြစ်များ

Wuj Richin Bix Chire ri Dios 144:3

Nimalej Jehová, ¿achike ta k'a ok ri wineq richin kan naquqa-pe rij? ¿achike ta k'a ok ri wineq richin chi napoqonaj janila?

Wuj Richin ri Isaías 51:12

Ri Jehová nubij: Ja yin, ja yin ri' ri yikuquban ik'u'x. ¿Ix achike k'a rix richin chi nixibij-iwi' chuwech ri wineq ri xa q'axel, wineq ri xa kan chi'anin nik'is achi'el q'ayis?

Wuj Richin ri Achin Job 25:6

K'a ta la chik jun wineq, xa man jun ok chuwech ri Dios, xa achi'el ok jun ti jut, ri achin xa achi'el ok jun ti rixkolob-ulew chuwech rija', xcha' ri Bildad.

Wuj Richin ri Achin Job 15:14

Jun wineq xa man jebel ta rubanik ri ruk'aslen, richin chi kan ch'ajch'oj ta. Jun wineq kan etaman k'a ri' chi jun ixoq ri xalan richin chuwech re ruwach'ulew.

Hebreos 4:4

Y chupan ri ruch'abel ri Dios ri tz'ibatel kan, nunataj ri uxlanen ri', toq nubij:*f12* Toq xapon ri ruwuq q'ij, ri Dios k'achojineq chik chubanik ronojel. Y rija' xuxlan k'a chire re samaj re', nicha'.

1 Pedro 1:11

Janila k'a xkajo' xketamaj janipe' nibek'uluwachitej, y achike rubanik, roma ri Espíritu richin ri Cristo ri k'o pa taq kánima xch'on pa ruwi' ri tijoj-poqonal ri xtuk'owisaj ri Cristo y ri meyel taq banobel ri xkebebanatej chirij ri'.

San Lucas 7:16

Toq ri winaqi' xkitz'et ri xbanatej, xpe jun nimalej xibinri'il kik'in. Xkiya' chuqa' ruq'ij-ruk'ojlen ri Dios, y nikibila' k'a: Chiqakojol xbek'ulun-pe jun nimalej q'alajirisey ruch'abel ri Dios. Wakami ri Dios xuteq-pe jun ri niya'on rutzil chiqakojol roj ri oj rutinamit, yecha' ri winaqi'.

Wuj Richin ri Rutikeribel 50:24

Xapon k'a jun q'ij toq ri José xubij chike ri rach'alal: Yin xa juba' chik ok in k'es, jak'a ri Dios xtipe richin yixruto' y xkixrelesaj-el re wawe' chupan re ruwach'ulew re' y xkixberuya-q'anej chupan ri ruwach'ulew ri sujun kan chike ri qate-qatata' Abraham, Isaac y ri Jacob, xcha' chike.

Hebreos 5:6

Y chuqa' xubij:*f16* Ja rat ri at sacerdote richin q'asen achi'el rubanik xinben rik'in ri Melquisedec.

San Lucas 1:78

Y ri', xaxe roma ri qa-Dios nujoyowaj qawech rik'in ronojel ajowabel. Roma ri' nuteq-pe ri jun ri nosaqirisan qichin, kan achi'el ri q'ij ri nimaq'a' yan ri xtiqaqa-pe chila' chikaj.

San Lucas 1:68

Kan nimalej ruq'ij ri ajaw Dios qichin roj ri oj judío, roma yojrunataj-pe roj ri oj rutinamit, y yojrukol.

Wuj Richin ri Isaías 40:17

Konojel k'a ri tzobaj winaqi' richin ri ruwach'ulew, chuwech rija' xa man jun kejqalen, y xa achi'el man e winaqi' ta.

1 Tesalonicenses 4:6

Man tiq'ol jun chike ri qach'alal richin yixk'oje' rik'in ri rixjayil. Roma wi keri' niben, ri Dios xtuya' ruk'ayewal pan iwi'. Kere' xqabij chiwe toq xojk'oje' iwik'in.