Hebreos 2:2 - Kaqchiquel Bible

² Wi ri ruch'abel ri Dios ri xya'ox chike ri winaqi' koma ri ángel kan qitzij, y wi ri ruk'ayewal xqaqa pa kiwi' roma man xkinimaj ta,

နောက်ထပ်ဗားရှင်းများ

Kaqchikel Santo Domingo (Xenacoj)

² Porque ojer kan ri Dios xchꞌaꞌa y ri mandamientos xeruyaꞌ atoq xchꞌaꞌa, xeꞌok ley pa ruwiꞌ ri rutinamit, y ja ri ángeles xerukusaj chin xkiyaꞌ. Ri mandamientos riꞌ xkꞌatzin chi xekinimaj ri rutinamit ri Dios, y ri xkiqꞌej ruwiꞌ ri ndubꞌij ri mandamientos riꞌ y ma xekinimaj ta, kin xebꞌan castigar achel ndubꞌij chupan ri ley riꞌ.

Kaqchikel Santa Maria de Jesus

² Ruma ri chꞌabꞌal ri xtzijos cuma ri ángeles can ketzij y ri vinak ri man xquiꞌan ta ri xquiꞌej ri ángeles, xka ri castigo pa quiveꞌ chiquijunal. Can incheꞌl ri qui-pecado, can quireꞌ jeꞌ ri castigo ri xka pa quiveꞌ.

Kaqchikel Central Guatemala

² Y stape' ángeles ri xerucusaj ri Dios richin xuya' ri ley, ri vinek ri man xquiben ta ri xquibij ri ángeles, xka' ruc'ayeval pa quivi' chiquijujunal. Ri quimac can ja vi c'a ri' ri xrajo'.

Re C'ac'a Testamento pa Kach'abal

² Y astapa' ja re ángeles re xe'rucusaj re Dios chin xuya' re ley, re vinak re man xquiban-ta re nubij re ley, can cada jun xka re castigo pa rue'. Y jare' re xoc rajal re quimac.

Kaqchikel Western Solola

² Ruma ri ch'abel ri xtzijox cuma ri ángeles can kitzij xk'alajin chi c'o rejkalen, y ri winek ri ma xquinimaj ta, y xa xquik'ej ri ley ri', can xka c'a ri ruc'ayewal pa quiwi'. Chiquijujunal xquic'ul ri rutojbalil ri quimac.

Hebreos 2:2 ပူးပေါင်းရင်းမြစ်များ

Hechos 7:53

Kan pa kiq'a' k'a ri ángel xik'ul ri pixa', jak'a rix man ninimaj ta, xcha' ri Esteban.

Gálatas 3:19

¿Y achike k'a nik'atzin-wi ri pixa'? Re' xya'ox k'a xaxe richin keq'alajin-pe ri mak, y richin nukusex toq k'a oyoben na ri rijatzul kan ri Abraham, ri achoq chire xsuj-wi chi nuya' urtisanik pa ruwi' ri ruwach'ulew. Y toq ri Dios xuya' ri pixa', xuya' chike ri ángel, y re ángel re' xkiya' chire ri Moisés. Y ja k'a rija' xok q'axey-tzij. Y pa ruk'isibel, ri Moisés xuya' chike ri winaqi'.

Hebreos 10:28

Ri ojer kan, ri winaqi' ri kan man nikinimaj ta ri pixa' ri ya'on chire ri Moisés, y wi ek'o ka'i-oxi' ri xetz'eton y xebin chi xemakun, kan yeken-wi k'a ri', man nijoyowex ta kiwech.

Judas 1:5

Y wakami ninwajo' k'a ninnataj chiwe ri xuben ri Dios ojer kan. Rix iwetaman chi ri Dios xerelesaj-pe ri qati't-qamama' chupan ri ruwach'ulew Egipto. Jak'a toq xekolotej yan pe, k'ari' xeruk'is ri man xkikuquba' ta kik'u'x rik'in.

Hebreos 11:26

Rija' nuch'ob chi más rejqalen nutej poqon, roma xcha'ox roma ri Dios, ke chuwech nuk'ul ta ronojel ri beyomel ri k'o chiri' pa ruwach'ulew Egipto, roma kan royoben chik apo ri rajel ruk'exel ri xtuya' ri Dios chire.

Hebreos 10:35

Roma ri' kan utz chi ikuquban ik'u'x rik'in ri Dios. Man k'a tiya' kan. Roma kan nuk'en-wi-pe jun nimalej rajel-ruk'exel chiwe.

Deut 17:12

Jak'a wi k'o jun nupaba-ri' y man xtunimaj ta kitzij, ri wineq ri' kan xtikamisex k'a, richin keri' xtel ri itzel chukojol ri tinamit Israel.

Deut 17:5

kan tuk'uex k'a chuchi' ri tinamit ri achike xbanon ri itzel banobel ri', y chiri' k'a tikamisex chi abej.

Hebreos 11:6

Jak'a wi maneq ri kuqubabel-k'u'x qik'in, ri Dios man xtikikot ta ri ránima qik'in. Y richin yojjel-apo rik'in ri Dios, k'o chi niqanimaj chi rija' kan k'o-wi, y chi k'o utzil rik'in richin nuya' chike ri yekanon richin.

Hebreos 1:1

Ri ojer kan ri', ri Dios k'iy k'a bey y k'iy rubanik xch'on kik'in ri qati't-qamama' y xerukusaj ri yeq'alajirisan ri ruch'abel.

Wuj Richin Bix Chire ri Dios 68:17

Ri carruaje ri e richin ri Dios, kan man e ajlatel ta. Chikikojol k'a ri' xpe-wi ri Dios toq xel-pe pa Sinaí, richin xpe chupan ri rachoch.

Deut 17:2

Wi chupan jun chike ri itinamit ri niya'ox chiwe, nilitej ta jun ixoq o jun achin ri man nunimaj ta rutzij ri Jehová ri qa-Dios y nuben ri itzel chuwech y nuq'ej ruwi' ri rujikibel-tzij;

Wuj Richin ri Q'axanri'il 25:9

Konojel k'a ri winaqi' ri xeken chupan ri ruk'ayewal ri' e 24,000.

Wuj Richin ri Q'axanri'il 21:6

Y kan jari' toq ri Jehová xeruteq-pe itzel taq kumatzi' chikikojol ri winaqi' richin xekiti' y e k'iy k'a chike rije' xeken.

Wuj Richin ri Q'axanri'il 16:49

Konojel k'a ri winaqi' ri xeken e 14,700 y chikikojol rije' man xe'ajlex ta ri xeken roma ri yakatajinenri'il richin ri Coré.

Wuj Richin ri Q'axanri'il 11:33

Jak'a ri winaqi' ri janila kirayin-pe ti'ij, k'a la'eq ri' nikiya' ri nabey kach' chire ri ti'ij ri', jari' toq ri Jehová kan ja yan ri' xyakatej royowal chikij y xuya-pe jun nimalej yabil pa kiwi' richin chi xeken. Xuben k'a chi janila k'iy winaqi' xeken chupan ri q'ij ri'.

Deut 32:2

Ri nutijonik xtiqaqa ta achi'el ri job; ri nuch'obonik xtiqaqa ta achi'el niqaqa ri raxq'ab; achi'el nuben ri mismil job pa ruwi' ri q'ayis ri k'a juba' tel-pe, y achi'el nuben ri tz'uj ya' pa ruwi' ri q'os ri k'a alaj na.

Hebreos 12:25

Tiqachajij-qi' richin chi man ta niqetzelaj ri nubij ri Dios chiqe, roma wi ri qati't-qamama' ri xketzelaj ri xbix chike y roma ri' xqaqa ri ruk'ayewal pa kiwi'. Kan keri' chuqa' roj kan xtiqa-wi ruk'ayewal pa qawi', wi man xtiqak'axaj ta ri ch'abel ri nipe chila' chikaj.

2 Pedro 1:19

Y re', más nukuquba' qak'u'x chi kan qitzij ri kitz'iban kan ri e q'alajirisey ruch'abel ri Dios. Y kan janila k'a ruk'amon chi yeqak'axaj, roma chuwech re ruwach'ulew k'o jun achi'el q'equ'm. Jak'a ri kich'abel rije' kan achi'el jun q'aq' ri nisaqirisan. Y re', nisaqirisan k'a toq xtipe na ri Jesucristo richin noruq'alajirisaj ronojel, achi'el ri nima-ch'umil ri nel-pe ri nimaq'a' yan.