Hebreos 2:1 - Kaqchiquel Bible

¹ Roma ronojel re', k'o chi niqatzeqelibej ri ruch'abel ri Dios ri qak'axan, richin chi man niqach'er ta kan qi'.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Roma ri kꞌaja xqabꞌij pe pa ruwiꞌ ri Rukꞌajol ri Dios, kin más ndikꞌatzin ndiqatij qaqꞌij chi ndiqakꞌoxomaj ri ndubꞌij ri utzulej teq tzij chin kolotajik qakꞌaxan pe, ma kꞌateꞌ tisach ri qetzij bꞌey chiqawech.

Kaqchikel Santa Maria de Jesus

¹ Y ruma ja ri Rucꞌajuol ri Dios ri más nem rukꞌij, rumareꞌ nicꞌatzin chi ojreꞌ kayaꞌ kaxiquin riqꞌuin ri ruchꞌabꞌal ri kaxan, chi quireꞌ man nkukiriko ta.

Kaqchikel Central Guatemala

¹ Ri Ruc'ajol ri Dios más nim ruk'ij que chiquivech ri ángeles. Romari' c'o chi nikatzekelbej ri ruch'abel ri kac'axan, richin chi man nikach'er-el-ki'.

Re C'ac'a Testamento pa Kach'abal

¹ Re Ruc'ajol re Dios c'o más ruk'ij que chiquivach re ángeles. Mare' can takatija' kak'ij chin nakatzekelbej re ruch'abal re kac'axan, chin che man takaya' can.

Kaqchikel Western Solola

¹ Ruma chi ri Ruc'ajol ri Dios más nim ruk'ij que chiquiwech ri ángeles, rumac'ari' rajawaxic chi nikatzekelbej ri ruch'abel ri kac'axan riche (rixin) chi ma yoj-el ta el chupan ri kabey.

Hebreos 2:1 ပူးပေါင်းရင်းမြစ်များ

1 Crón 22:13

Kan xkabe k'a pa jotol wi rat xtaben ronojel ri achike nubij ri pixa' ri ya'on kan chire re tinamit ri xuya' ri Jehová chire ri Moisés. Kan tatija' k'a aq'ij: Kan kof k'a kak'oje': Man k'a kamayamo-qa: Y man taxibij-awi'.

Wuj Richin Bix Chire ri Dios 119:9

¿Achi'el ta k'a toq nitikir jun ala' richin nuk'uaj jun k'aslen ch'ajch'oj? ¡Kan rik'in k'a chi nuyek pa ránima ri ach'abel rat!

Wuj Richin Etamabel-Tzij 3:21

Rix walk'ual alaboni', kan jantape' k'a tik'oje' ri na'oj y ri utzilej ch'obonik iwik'in, kan man tiya' q'ij richin chi nisach-el chiwech.

Wuj Richin ri Habacuc 1:6

Roma yin kan xkenbentaqa' k'a pe ri aj-Babilonia richin nikiben labal iwik'in. Rije' kan e itzel taq winaqi'. Kan e anineq k'a richin xtikiben labal; kan xkeq'axlan k'a chupan chijun ruwach'ulew richin ye'ok kan chuwech jun chik ruwach'ulew ri xa man kichin ta rije'.

Wuj Richin ri Habacuc 2:16

Y re wakami pa ruk'exel chi xtiya'ox ta aq'ij, xa kan xtiqasex aq'ij. Xtaqum k'a k'iy vino richin chi ri xke'aben xtuk'en-pe k'ixbilal. Wakami, pan awi' rat xtiqaqa-wi royowal ri Jehová. Y re' kan xtuben chawe chi xkabiyin achi'el jun q'abarel, y kan xkak'ixbitej.

San Mateo 16:9

¿Kan man jani k'a niq'ax chiwech y man noqaqa ta chi'ik'u'x toq xentzuq ri 5,000 winaqi' rik'in ri wo'o' kaxlan-wey y k'a k'iy na chakech e nojineq ri xe'imol kan?

Marcos 8:18

Stape' k'o runaq' taq iwech, jak'a man yixtzu'un ta. K'o ixikin, jak'a man niwak'axaj ta. ¿Kan man jun ri noqaqa chi'ik'u'x?

San Lucas 8:15

Ri ija'tz ri xqaqa pa jun utzilej ulew, re' kan nich'on-wi k'a chikij ri winaqi' ri ye'ak'axan ri ruch'abel ri Dios, y rik'in ronojel kánima nikiben ri nubij. Jantape' kikuquban kik'u'x rik'in ri Dios, y niwachin jebel ri kik'aslen, xcha'.

San Lucas 9:44

Tiwak'axaj k'a jebel re tzij re', y man k'a timestaj: Yin ri xiqaqa-pe achi'el wineq chi'ikojol, xkijach k'a pa kiq'a' ri winaqi', xcha'.

San Juan 8:59

Roma ri' ri achi'a' ri' kan xbekisik'ila-pe abej richin nikik'eq chi abej ri Jesús. Jak'a rija' xrewaj-ri' y xel-pe ri chiri' pa rachoch ri Dios.

Deut 4:23

Xaxe k'a ninchilabej chiwe chi man timestaj ri jikibel-tzij ri xuben ri Jehová ri qa-Dios qik'in roj. Man jun wachibel ri tipaba-q'anej, ni man jun chuqa' ruwachibel ri xabachike xke'ipaba-q'anej, roma ri Jehová ri qa-Dios rubin chi man tiban.

Deut 4:9

Roma ri' tichajij k'a iwi', y tik'oje' k'a chi'ik'u'x, richin man nimestaj ta ri xe'itz'et rik'in ri runaq' taq iwech, chuqa' man tel pan iwánima ronojel q'ij chire ri ik'aslen; kan xtik'ut k'a chikiwech ri iwalk'ual y ri kalk'ual rije'.

Hebreos 12:5

Rix kan imestan chik ri pixabanik ri ruya'on ri Dios, achi'el jun tata'aj chire ri ruk'ajol, ri nunataj chupan ri ruch'abel ri Dios:*f27* Rix walk'ual alaboni', ri ruk'ayewal ri nuya' ri Jehová chiwe, man tiben chi xa man nik'atzin ta, man itzel tina' toq ri Jehová rik'in ruk'ayewal yixruchojmirisaj.

2 Pedro 1:15

Yin kan k'o k'a ri ninwajo' ninben kan, richin keri' stape' yin xa in maneq chik iwik'in, rix kan k'a xtoqaqa na chi'ik'u'x ronojel ri nubin kan chiwe.

2 Pedro 3:1

Jare' k'a ri ruka'n wuj ri ninben-el chiwe rix wach'alal ri yalan yixinwajo'. Y chupan k'a re ka'i' wuj re', kan ninben k'a chiwe chi kixch'obon jebel.