Hebreos 12:7 - Kaqchiquel Bible

⁷ Toq rix nikoch' ri tijoj-poqonal richin yixpixabex, ri Dios kan nuben chiwe chi ix ralk'ual. ¿Roma k'o ta kami jun alk'ualaxel ri man nipixabex ta roma ri rutata'?

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Tiyaꞌ pa iwánima chi ri kꞌayew ndiqꞌasaj, xa kin jun rukꞌajisaxik iwech ndubꞌen ri Dios. Rijaꞌ Tataꞌaj ri ngixrutzꞌet achel ralkꞌuaꞌl, porque, ¿la kꞌo kami jun akꞌual ri ma ndibꞌan ta castigar roma ri rutataꞌ chin ndikꞌajisex ruwech?

Kaqchikel Santa Maria de Jesus

⁷ Ticachꞌoꞌ nojiel ri sufrimiento ri nuyaꞌ ri Dios pan iveꞌ, ruma jajaꞌ nuꞌon chiva incheꞌl nuꞌon jun tataꞌj chica ri ralcꞌual. Ruma ¿cꞌo came jun tataꞌj ri man ncaꞌruꞌon ta castigar ri ralcꞌual chi ncaꞌrutijuoj?

Kaqchikel Central Guatemala

⁷ Tikacoch'o' c'a ronojel tijoj-pokonal ri nuya' ri Dios chike, roma rija' nuben chike achi'el nuben jun tata'aj. ¿Roma c'o ta cami jun tata'aj ri man ta nuya' xic'a'y chique ri ralc'ual?

Re C'ac'a Testamento pa Kach'abal

⁷ Takacoch'o' ronojel tijoj-pokonal re nuya' re Dios pa kac'aslen, roma reja' nuban ancha'l nuban jun tata'aj. Roma jun tata'aj vova' chuch'ulef can ye'ruban corregir re rajc'ual.

Kaqchikel Western Solola

⁷ Ticoch'o' c'a ronojel ri tijoj pokonal ri nuya' ri Dios chiwe, ruma Riya' nuben c'a chiwe achi'el nuben jun tata'aj. Ruma, ¿la c'o cami jun tata'aj ri man ta nuya' xc'a'y chique ri ralc'ual?

Hebreos 12:7 ပူးပေါင်းရင်းမြစ်များ

Wuj Richin Etamabel-Tzij 19:18

Kan tatija' aq'ij chi napixabaj ri ak'ajol rokik nik'iy-q'anej, roma xaxe keri' k'o utz ri nawoyobej-apo; xaxe k'a man tik'o-ruwi' ri naben chire richin natijoj, man xa tiken-el pan aq'a'.

Deut 8:5

Kan tiqatz'eta' k'a jebel, achi'el toq jun tata'aj nuya' ri rutojbalil rumak ri ruk'ajol, kan keri' chuqa' nuben ri Jehová ri qa-Dios, kan oj ruya'on-pe pa tijoj-poqonal.

Wuj Richin Etamabel-Tzij 29:15

Toq nukusex xik'a'y y nukusex ch'olinik chirij jun ak'ual, nuben chire chi nik'oje-q'anej runa'oj; jak'a ri alk'ualaxel ri janila niloq'oq'ex, xa xtuya' ruk'ix ri rute'.

Wuj Richin Etamabel-Tzij 13:24

Ri man nrajo' ta nukusaj ri xik'a'y richin nuch'ey ri ralk'ual, xa man nrajo' ta k'a; jak'a ri tata'aj ri kan nrajo' ri ralk'ual, kan nucha' ruk'u'x richin nutijoj jebel.

Wuj Richin Etamabel-Tzij 29:17

Toq ri awalk'ual ala' man nuben ta ri utz, tach'eya', richin chi ri chawech-apo rik'in uxlanen xkak'ase'; y re' kan xtuk'en k'a pe kikoten chawe chupan ri ak'aslen.

2 Sam 7:14

Yin xkinok achi'el jun tata'aj chire rija', y rija' xtok achi'el jun nuk'ajol. Y toq rija' xtimakun chinuwech, yin kan xtinchojmirisaj k'a chi xik'a'y, achi'el nuben jun tata'aj rik'in ri ruk'ajol.

Wuj Richin Etamabel-Tzij 22:15

Ri ruch'ujilal jun ala', kan ch'ikil ri chiri' pa ránima, jak'a wi nukusex ri xik'a'y toq nitijox richin chi man nuben ta chik ri banobel ri', kan nel-wi-el.

1 Rey 1:6

Jak'a ri David man jun bey k'a xuch'olij ri ruk'ajol ri',*f1* ni man jun bey xuk'utuj chire achike roma keri' nuben. Y ri ala' ri' kan janila jebel ok nitzu'un.

1 Sam 3:13

Y kan xtink'ut k'a chuwech chi ja yin xkiq'aton-tzij pa ruwi' rija' y pa kiwi' ri aj pa rachoch, roma rija' retaman chik ri itzel taq kibanobal ri e ruk'ajol ri nikiben chinuwech. Y rija' kan xretamaj y man e relesan ta el chiri'.

1 Sam 2:34

Y k'o k'a jun q'ij xtatz'et ri nima'q taq nubanobal richin retal chi ri Hofní y ri Finees xkeken junan pa jun q'ij.

1 Sam 2:29

¿Achike k'a roma xiben chire chi maneq rejqalen ri kamelabel y ri sipanik? Y chuqa' aya'on más kejqalen ri ak'ajol chinuwech yin. E tiojirineq janila roma kan nikik'en kan ri k'o más rejqalen chire ri sipanik ri kichin ri nuwinaq.

Hechos 14:22

Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

1 Corintios 11:32

Y wi ri Dios nuya-pe tijoj-poqonal pan iwi', kan richin k'a yixrutijoj, richin man ta niqaqa ri nimalej ruk'ayewal pan iwi', achi'el ri xtiqaqa pa kiwi' ri winaqi' ri k'a e richin na re ruwach'ulew.