Hebreos 12:6 - Kaqchiquel Bible

⁶ Roma ri Jehová kan yerupixabaj ri yerajo'; y kan nuxik'ayuj ri kan ralk'ual chik.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Porque riyin ri Awajaw Dios nikꞌajisaj kiwech ri ngenwojoꞌ, Y ri nikꞌen apu kiwech chin ngeꞌok walkꞌuaꞌl, ngenraq atoq ma chaj ta ngetajin rikꞌin. Keriꞌ xubꞌij ri Dios.

Kaqchikel Santa Maria de Jesus

⁶ Ruma ri Ajaf Dios nuyaꞌ sufrimiento pa quiveꞌ ri ncaꞌrajoꞌ, chi ncaꞌrutijuoj. Y ncaꞌruꞌon castigar ri i-ralcꞌual chic. Quireꞌ ri tzꞌibꞌan can.

Kaqchikel Central Guatemala

⁶ Roma ri Ajaf yerutijoj riq'uin tijoj-pokonal ri yerajo'. Can que c'a ri' nuben quiq'uin ri e ralc'ual chic, tok nic'atzin. Que c'a ri' ri tz'ibatel can.

Re C'ac'a Testamento pa Kach'abal

⁶ Roma re Ajaf ja re vinak re ye'rajo' jare' re ye'ruban corregir. Re Ajaf can ja quire' nuban quiq'uin conojel re je rajc'ual chic. Quire' nubij re tz'iban can.

Kaqchikel Western Solola

⁶ Ruma ri Ajaf yeruya' pa tijoj pokonal ri yerajo', riche (rixin) chi yerupixabaj. Can quec'ari' nuben quiq'ui ri ye ralc'ual chic. Quec'ari' ri tz'ibatal ca.

Hebreos 12:6 ပူးပေါင်းရင်းမြစ်များ

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.

Wuj Richin Etamabel-Tzij 3:12

Roma ri Jehová kan keri' nuben chike ri yerajo'; achi'el jun tata'aj toq nuch'olij ri ralk'ual ri janila nrajo'.

Wuj Richin Bix Chire ri Dios 119:75

Jehová, yin wetaman chi ri chojmilal ri naben rat kan pa rubeyal-wi, chi toq yinaya' pa tijoj-poqonal, xa kan roma ri awajowabal pa nuwi'.

Wuj Richin Etamabel-Tzij 13:24

Ri man nrajo' ta nukusaj ri xik'a'y richin nuch'ey ri ralk'ual, xa man nrajo' ta k'a; jak'a ri tata'aj ri kan nrajo' ri ralk'ual, kan nucha' ruk'u'x richin nutijoj jebel.

Wuj Richin Bix Chire ri Dios 94:12

Jebel ruwa-ruq'ij ri wineq ri nachojmirisaj ri ruk'aslen rat Jehová, ri kan natijoj rik'in ri apixa' rat,

2 Sam 7:14

Yin xkinok achi'el jun tata'aj chire rija', y rija' xtok achi'el jun nuk'ajol. Y toq rija' xtimakun chinuwech, yin kan xtinchojmirisaj k'a chi xik'a'y, achi'el nuben jun tata'aj rik'in ri ruk'ajol.

Wuj Richin ri Jeremías 10:24

Toq yojmakun, tabana' utzil qojach'olij pa ruchojmilal, jak'a man rik'in ta awoyowal, roma wi keri', xa xqojak'is.

Deut 8:5

Kan tiqatz'eta' k'a jebel, achi'el toq jun tata'aj nuya' ri rutojbalil rumak ri ruk'ajol, kan keri' chuqa' nuben ri Jehová ri qa-Dios, kan oj ruya'on-pe pa tijoj-poqonal.

Santiago 1:12

Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

Wuj Richin Bix Chire ri Dios 119:71

Janila utz xuben chuwe toq rat xinaya' pa tijoj-poqonal, richin yin ninwetamaj ri apixa'.

Santiago 5:11

Y keri' chuqa' tibana' rix wach'alal. Roma qetaman chi ri yekoch'on, jebel ruwa-kiq'ij. Achi'el xkoch'on ri achin Job, ri janila tijoj-poqonal xuk'owisaj. Y kan iwetaman k'a ri xuben ri ajaw rik'in ri pa ruk'isibel. Ri ajaw k'o joyowanik rik'in y yeruto' ri ek'o pa q'axo'n.

Wuj Richin ri Isaías 27:9

Xaxe k'a k'o jun rubanik richin xtukuy ri kimak ri qawinaq israelita; wi xtikiben k'a ronojel re', kan xtikuyutej ronojel ri man utz ta kibanon: Kan xkeruyoj k'a ronojel porobel ri xa e kichin ch'aqa' chik dios, y kan xkeke'ex achi'el niban rik'in ri chum. Chuqa' xke'elesex ronojel paban-che' ri nikiya' ruq'ij ri Asera, y ronojel porobel richin pom.

Wuj Richin Etamabel-Tzij 3:11

Rix walk'ual alaboni', ri ch'olinik ri nuya' ri Jehová chiwe, man tiben chi xa man nik'atzin ta chiwe, man itzel tina' toq ri Jehová rik'in ruk'ayewal yixruchojmirisaj-wi.

Wuj Richin ri K'uxla'anik 3:39

¿Achike k'a roma roj chaq yojwolol y ri Dios kan k'a ruya'on na qak'aslen stape' xa oj aj-maki'?

Wuj Richin ri Rut 1:3

Xk'uluwachitej k'a, chi ri Elimélec ri rachijil ri Noemí xa xken-el toq ek'o chiri', y ri Noemí xmalkanej kan y xek'oje' kan chuwech rija' ri e ka'i' ral alaboni'.