Hebreos 11:9 - Kaqchiquel Bible

⁹ Kan rukuquban-wi ruk'u'x rik'in ri Dios, y roma ri' xk'oje' achi'el jun q'axel chupan ri ruwach'ulew ri sujun chire. Y roma ri' xa chupan jay e banon rik'in tzieq xk'oje-wi. Achi'el chuqa' xkiben ri Isaac y ri Jacob, roma rije' sujun chuqa' chike ri ruwach'ulew ri'.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Roma kuqul rukꞌuꞌx rikꞌin ri Dios, xbꞌekꞌojeꞌ chupan ri lugar sujun chare, apeꞌ kꞌa nixta jun achike richin rijaꞌ. Y chupan jay bꞌanun rikꞌin pimilej teq kꞌul xkꞌojeꞌ, achel xkibꞌen chuqaꞌ ri Isaac y ri Jacob, ri achoq chake sujun chuqaꞌ ri lugar riꞌ.

Kaqchikel Santa Maria de Jesus

⁹ Y ruma rucukubꞌan rucꞌuꞌx riqꞌuin ri Dios, rumareꞌ xcꞌujieꞌ chupan ri lugar reꞌ, ri ranun prometer ri Dios cha; pero jajaꞌ xuꞌon chi incheꞌl xa man richin ta ri lugar reꞌ. Y rumareꞌ xa chupan jay ri i-bꞌanun cha tziak xcꞌujie-ve, y quireꞌ jeꞌ xquiꞌan ri Isaac y ri Jacob, mesque chica ijejeꞌ niyoꞌx ri lugar reꞌ.

Kaqchikel Central Guatemala

⁹ Can rucukuban-vi ruc'u'x riq'uin ri Dios, y romari' xc'oje' chupan ri ruvach'ulef ri', ri sujun chire roma ri Dios; stape' ri ruvach'ulef ri' xa pa quik'a' ch'aka' chic vinek c'o-vi. Y romari' xa pa carpa xc'oje-vi. Queri' chuka' xquiben ri Isaac ri ruc'ajol y ri Jacob ri rumam; roma chique rije' chuka' sujun ri ruvach'ulef ri'.

Re C'ac'a Testamento pa Kach'abal

⁹ Reja' can rubanon-va confiar-ri' riq'uin re Dios, y mare' xc'ue' chupan re lugar re sujun cha roma re Dios, astapa' re lugar re' xa pa quik'a' nic'aj chic vinak c'o-va. Y mare' re jay re anche' xc'ue-va re Abraham xa riq'uin tziak banon-va. Quire' chuka' xquiban re Isaac y re Jacob, roma chique reje' chuka' sujun-va re lugar re'.

Kaqchikel Western Solola

⁹ Y ruma chuka' chi can rucukuban ruc'u'x riq'ui ri Dios, rumari' xc'oje' chupan ri ruwach'ulef ri tzujun (sujun) chare ruma ri Dios; pero riya' xuben chi achi'el xa ma riche (rixin) ta ri ruwach'ulef ri'. Y rumari' xa pa tak manteada xc'oje' wi. Queri' chuka' xquiben ri Isaac ri ruc'ajol y ri Jacob ri rumam; astape' can tzujun (sujun) chuka' chique riye' chi ntoc quiche (quixin) ri ruwach'ulef ri'.

Hebreos 11:9 ပူးပေါင်းရင်းမြစ်များ

Wuj Richin ri Rutikeribel 12:8

K'ari' xbe-el pa taq'aj ri chuwi-juyu', chiri' pa relebel-q'ij pa Betel y chiri' xupaba-q'anej ri rachoch ri banon rik'in tzieq y xuben chikikojol ka'i' tinamit; pa qajbel-q'ij k'o-wi ri Betel, y pa relebel-q'ij k'o-wi ri Ai. Y chiri' xuben-q'anej chuqa' jun porobel richin xuporoj jun kamelabel chuwech ri Jehová y kan xuya' ruq'ij.

Wuj Richin ri Rutikeribel 13:18

K'ari' ri Abram xuq'axaj ri rachoch banon rik'in tzieq ri chiri' rik'in ri li'aj paten-che' ri k'o pa rulew ri jun achin rubini'an Mamré, ri k'o pa tinamit Hebrón; y chiri' xupaba-q'anej jun porobel richin xusuj kamelabel chuwech ri Jehová.

Hebreos 6:17

Roma ri' ri Dios xuya' k'a rutzij chire ri Abraham chi nuya' ri rutzil chire, richin nuk'ut chikiwech ri rijatzul chi rija' man nujel ta ri achike ri ruch'obon-pe y kan nuben-wi ri nusuj.

Wuj Richin ri Rutikeribel 18:9

Y toq xekolaj xkibij chire ri Abraham: ¿Akuchi k'o-wi ri Sara ri awixjayil?, xecha'. Y ri Abraham xubij: Wawe' k'o-wi, k'o pa jay, xcha'.

Wuj Richin ri Rutikeribel 13:3

Y xel k'a el pa Négueb, y niyuq'un, y eqal xapon chunaqaj ri Betel e rachibilan ri ek'o rik'in; y k'ari' xebek'oje' akuchi xk'oje-wi pa nabey chukojolil ri Betel y ri Ai,

Wuj Richin ri Rutikeribel 35:27

Y ri Jacob xoqaqa-el rik'in ri Isaac ri rutata' ri k'o chiri' pa Mamré, chupan ri tinamit rubini'an Arbá, ri chuqa' nibix Hebrón chire, ri akuchi xek'oje-wi ri Abraham y ri Isaac.

Wuj Richin ri Rutikeribel 28:4

Chawe k'a rat y chuqa' chike ri awijatzul xtuya-wi ri urtisanik ri rusujun kan chire ri Abraham, richin xtok awichin re ruwach'ulew akuchi ojk'o-wi, roma ri Dios kan keri' rusujun kan chire ri Abraham, xcha' ri Isaac chire ri Jacob.

Wuj Richin ri Rutikeribel 25:27

Xek'iy-q'anej ri ak'uala', y ri Esaú xok-q'anej jun achin richin pa juyu', y xok jun jebelej kanonel; y ri Jacob man keri' ta, rija' jun achin ri man niq'ajan ta y niqa' chuwech nik'oje' kan pa rachoch.

Wuj Richin ri Rutikeribel 23:4

Yin xa man in aj wawe' ta, xa nej kipe-wi, y chi'ikojol rix ink'o-wi wakami. Tibana' utzil chuwe richin tik'ayij juba' wulew, y chiri' xtinmuq-wi ri nukaminaq, xcha' ri Abraham.

Wuj Richin ri Rutikeribel 18:6

K'ari' junanin xbe ri Abraham pa jay rik'in ri Sara y xubij chire: Chi'anin tabana' kaxlan-wey, tamuba-qa jun ka'i' arroba k'ej chayun y tachaq'arisaj, xcha'.

Wuj Richin ri Rutikeribel 17:8

Yin xtiya' chawe rat y chike ri awijatzul ri ruwach'ulew ri akuchi atk'o-wi wakami ri xa q'axel, chijun re ruwach'ulew Canaán xtinya' chawe richin q'asen. Y yin xkinok ki-Dios ri awijatzul, xcha'.

Wuj Richin ri Rutikeribel 36:7

Kan chi e ka'i' janila chik k'iy kibeyomel k'o, y roma ri' man yeruben ta chik ri ruwach'ulew richin yewa' ri kawej.

Wuj Richin ri Rutikeribel 47:9

Y ri Jacob xubij chire: K'o yan 130 nujuna', y chupan ronojel juna' ri' chaq juba-kela' juba-kela' nubanon pa ruwi' re ruwach'ulew. Janila ti juba' ok nujuna', jak'a kan janila ruk'ayewal ri nuq'axalon-pe pa nuk'aslen y k'a man jani ninq'i' ta ri juna' ri xek'ase-el ri wati't-numama', xcha'.

Wuj Richin Bix Chire ri Dios 105:12

Pa rutikeribel, ri qati't-qamama' xa k'a e juba' ok, y xa chaq q'axel xek'oje' chupan ri ruwach'ulew ri'.

Wuj Richin ri Jeremías 35:7

Chuqa' xubij chiqe chi man tiqapaba-q'anej jay, ni man qojtikonej-qa, ni man tiqatik uva, ni man jun tik'oje' qik'in, xa kan xqojk'ase' pa taq jay ri e banon rik'in tzieq chijun qak'aslen, richin chi yojk'ase' k'iy juna' chuwech re ruwach'ulew re akuchi xa oj q'axel-wi.

Wuj Richin ri Rutikeribel 21:34

Y rija' xk'oje' chiri' pa ruwach'ulew Filistea k'iy juba' juna'.

Wuj Richin ri Rutikeribel 31:25

Ri Labán xeruq'i' k'a ri Jacob akuchi kipabalon-q'anej ri taq kachoch ri banon rik'in tzieq y chiri' pa ruwa-taq'aj richin Galaad ri k'o el chuwi' taq juyu', chiri' xek'oje-wi-qa rik'in ri rach'alal.