Hebreos 11:34 - Kaqchiquel Bible

³⁴ man xek'at ta toq xek'aq pa nimalej taq q'aq', xekolotej chuwech ri espada. Toq maneq chik kuchuq'a', ri Dios xuya' kuchuq'a'. Xech'akon chikij ch'aqa' chik tinamit ri xebanon labal kik'in.

နောက်ထပ်ဗားရှင်းများ

Kaqchikel Santo Domingo (Xenacoj)

³⁴ jujun chik xkichup ruchuqꞌaꞌ nimalej teq qꞌaqꞌ, jujun chik xkikal kiꞌ pa kiqꞌaꞌ wineq ri xkajoꞌ xekikamisaj rikꞌin espada, jujun chik xyoꞌox kuchuqꞌaꞌ atoq ma jun chik kuchuqꞌaꞌ, jujun chik xyoꞌox kuchuqꞌaꞌ pa guerra, jujun chik xechꞌakon pa kiqꞌaꞌ ejércitos y xkibꞌen chi xeꞌanimej chikiwech.

Kaqchikel Santa Maria de Jesus

³⁴ Icꞌo jeꞌ ri man xaꞌcꞌat ta antok xaꞌyoꞌx pa kꞌakꞌ. Ruma xquicukubꞌaꞌ quicꞌuꞌx riqꞌuin ri Dios, icꞌo ri xaꞌcolotaj pa quikꞌaꞌ ri xcajoꞌ ta xaꞌquiquimisaj cha espada. Icꞌo nicꞌaj ri manak chic quichukꞌaꞌ, pero ruma quicukubꞌan quicꞌuꞌx riqꞌuin ri Dios, ri Dios xuyaꞌ quichukꞌaꞌ. Xaꞌchꞌacuon chiquij nicꞌaj chic ejércitos ri xquiꞌan guerra quiqꞌuin y xaꞌquitarariej-el.

Kaqchikel Central Guatemala

³⁴ Can xquicukuba-vi quic'u'x riq'uin ri Dios, romari' man xec'at ta tok xec'ak pa nimalej tak k'ak'. Xecolotej pa quik'a' ri xe'ajovan xecamisan quichin riq'uin machet. Ri Dios xuya' cuchuk'a' tok xec'oje' pa tak ruc'ayeval. Xech'acon chiquij ch'aka' chic tinamit ri xebanon oyoval quiq'uin, y xecokotaj-el.

Re C'ac'a Testamento pa Kach'abal

³⁴ Can xquiban-va confiar-qui' riq'uin re Dios, mare' man xe'c'at-ta tak xe'ch'akex pa k'ak'. Xe'colotaj pa quik'a' re xe'jovan xe'quimisan quichin cha espada. Re Dios can xuya' quichuk'a' tak reje' xquina' che manak quichuk'a'. Xe'quich'ac nic'aj chic ejércitos re xe'bano ayoval quiq'uin y xe'quikotaj-a.

Kaqchikel Western Solola

³⁴ Tek xec'ak pa tak k'ak', ma xec'at ta. Xecolotej pa quik'a' ri xe'ajowan xecamisan quiche (quixin) tzan espada, xya'ox (xya') quichuk'a' tek xec'oje' pa tak ruc'ayewal. Xech'acon chiquij nic'aj chic tinamit ri xebano ch'a'oj quiq'ui, y xecokotaj el.

Hebreos 11:34 ပူးပေါင်းရင်းမြစ်များ

Wuj Kichin ri To'onela' 15:8

Xeruchop k'a chi oyowal, janila xeruch'ey, y e k'iy xerukamisaj kan; y k'ari' xbe y xbek'oje' pa jun jul ri k'o chiri' chupan ri abej Etam.

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

Wuj Richin Bix Chire ri Dios 144:10

Rat Jehová, ri yaya'on ch'akonik chike ri e rey. Rat ri xakolon richin ri David ri asamajel chuwech ri espada.

2 Rey 6:32

Rokik ri', ri Eliseo tz'uyul pa rachoch, y e rachibilan ri achi'a' ri k'o kiq'ij richin ri tinamit. Y ri rey xuteq jun achin nabey rik'in ri Eliseo y rija' xambey kan. Y man jani k'a tapon ri achin ri' rik'in, jari' toq ri Eliseo xubij chike ri achi'a' ri k'o kiq'ij ri ek'o rik'in: ¿Iwetaman chik chi ri rey, ri achin kamisanel, wakami rutaqon-pe rutzak'ixik ri nujolon? Tiwak'axaj na pe; jari' xpe ri achin ri taqon-pe. Wakami k'a titz'apej ri ruchi-jay chuwech, y man tiya' q'ij chire richin nok-pe. Roma chirij rija' peteneq ri rajaw, xcha'.

1 Rey 19:3

Toq ri Elías xrak'axaj keri', kan xuxibij-ri' y xanimej-el richin xukol-el ri ruk'aslen. Y toq xapon pa tinamit Beerseba ri k'o pa ruwach'ulew Judá, chiri' xuya-wi kan ri rusamajel.

1 Pedro 4:12

Wach'alal ri yalan yixinwajo', man achike la tina' rix toq ixk'o pa tijoj-poqonal y nina' chi kan achi'el pa q'aq' richin tejtobenik ixk'o-wi.

Wuj Richin ri Jeremías 26:24

Jak'a chupan ri q'ij ri' ri Ahicam ruk'ajol ri Safán xiruto' yin y roma ri' man xijach ta pa kiq'a' ri winaqi' richin xikamisex.

Wuj Richin Bix Chire ri Dios 66:12

Xaben chiqe chi ri e etzelanel qichin xojkixeq'. Kan xaben k'a chiqe chi achi'el xa ta xojq'ax pa q'aq' y pa ya', chirij k'a ronojel re' xaya' uxlanen pa ruk'iyal chiqe.

Wuj Richin Bix Chire ri Dios 6:8

Tijech'ej k'a iwi' wik'in yin rix ri ix banoy taq etzelal, roma ri Jehová xrak'axaj yan ri woq'ej.

Wuj Richin ri Achin Job 42:10

Y toq ri Job xtane' yan chi ch'owen rik'in ri Dios, pa kiwi' ri rachibil, ri Dios kan xuya' chik k'a ri rubeyomel. Y man xaxe ta chik k'a ri rubanik ri rubeyomel pa nabey ri xuya' chire, xa kan xuya' chik jun keri' pa ruwi' ri k'o rik'in.

Wuj Richin ri Achin Job 5:20

Toq k'o wayjal man xtuya' ta q'ij richin chi yaken, y toq k'o labal xkaruto' chuwech ri kamik.

1 Sam 20:1

K'ari' ri David xel-pe chiri' pa Naiot richin Ramá richin xpe rik'in ri Jonatán, y xubij chire: ¿Achike k'a nubanon yin? ¿Achike k'a numak nubanon chuwech ri atata' richin yirukanoj y kan nrajo' yirukamisaj?, xcha'.

Ex 18:4

Y ri rubi' ri jun chik ja ri Eliézer, roma ri Moisés xuch'ob k'a: Ri ru-Dios ri nata' xiruto' y xirukol chuwech ri ru-espada ri rey, xcha'.

1 Sam 18:11

Y xuch'ob chi nuch'ik ri David chuwech ri jay, y xuk'eq ka'i' mul ri rukamisabal chirij ri David y rija' kan chi e ka'i' mul xtikir xujel.

1 Rey 19:1

Ri Acab xutzijoj k'a chire ri Jezabel ri rixjayil, ronojel ri xuben ri Elías chike konojel ri achi'a' ri xesamajin kichin ri Baal toq xerukamisaj chi espada.

2 Rey 6:1

K'o k'a jun q'ij ri e q'alajirisey ruch'abel ri Dios xkibij chire ri Eliseo: Re jay re akuchi qamolon-wi-qi' man yojruben ta chik roma janila latz'.

Wuj Richin Bix Chire ri Dios 124:7

Roj xojkolotej kan, achi'el nikolotej jun aj-xik' chikop chuwech jun pikbel ri nuya' kan ri kanonel. Xraq'ach'itej k'a ri kipikbal y roj kan xojkolotej kan.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.