Hebreos 11:32 - Kaqchiquel Bible

³² ¿Yitikir kami yennataj konojel ri winaqi' ri xek'oje' ojer, ri kan xkikuquba' kik'u'x rik'in ri Dios? Xa man xkitikir ta k'a xtinchol ronojel chikij, achi'el chirij ri Gedeón, ri Barac, ri Sansón, ri Jefté, ri David, ri Samuel y ri ch'aqa' chik ri xeq'alajirisan ruch'abel ri Dios.

နောက်ထပ်ဗားရှင်းများ

Kaqchikel Santo Domingo (Xenacoj)

³² Kꞌa kꞌo kꞌiy achike niwojoꞌ nibꞌij, pero maneq kꞌiy tiempo chin ta ngichꞌaꞌa pa ruwiꞌ ri xkibꞌen ri Gedeón, ri Barac, ri Sansón, ri Jefté, ri David, ri profeta Samuel y ri chꞌaqa chik profetas.

Kaqchikel Santa Maria de Jesus

³² ¿Cꞌo came modo ncaꞌnnataj quinojiel ri vinak ri xquicukubꞌaꞌ quicꞌuꞌx riqꞌuin ri Dios? Man nuyaꞌ ta tiempo chi niꞌej más; incheꞌl chirij ri Gedeón, ri Barac, ri Sansón, ri Jefté, ri David, ri Samuel ri profeta, y chiquij ri nicꞌaj chic profetas ri xaꞌcꞌujieꞌ ojier can tiempo.

Kaqchikel Central Guatemala

³² ¿Yitiquir cami yennataj conojel ri vinek ri xec'oje' ojer can, ri can xquicukuba' quic'u'x riq'uin ri Dios? Man yitiquir ta. Xa man nuya' ta tiempo richin yentzijoj más chive, achi'el chirij ri Gedeón, ri Barac, ri Sansón, ri Jefté, ri David, ri Samuel y ch'aka' chic achi'a' ri xek'alajirisan ri xbix chique roma ri Dios ojer can.

Re C'ac'a Testamento pa Kach'abal

³² Y yen manak tiempo chinoch chin che ye'ntzijoj-apo chiva re xquiban conojel re vinak re xe'c'ue' ajuer can, re can xquiban-a confiar-qui' riq'uin re Dios, ancha'l xuban re Gedeón, re Barac, re Sansón, re Jefté, re David, re Samuel y re nic'aj chic rusamajela' re Dios re xe'c'ue' ajuer can, re xbex chuka' profetas chique.

Kaqchikel Western Solola

³² Y c'a yec'o na más ri quiya'on ca jun utzilaj c'ambel na'oj chkawech chrij ri cukbel c'u'x riq'ui ri Dios. Pero ma nuya' ta tiempo riche (rixin) chi yentzijoj chiwe, achi'el chrij ri Gedeón, ri Barac, ri Sansón, ri Jefté, ri David, ri Samuel y queri' chuka' ri profetas ri xek'alajsan ri ruch'abel ri Dios ojer ca.

Hebreos 11:32 ပူးပေါင်းရင်းမြစ်များ

1 Sam 16:1

Chirij re' ri Jehová xubij k'a chire ri Samuel: ¿K'a jampe' k'a yatane' chi oq'ej chirij ri Saúl? Roma ja yin ri xibin chire chi man rey ta chik pa ruwi' ri Israel. Wakami tanojisaj k'a ri uk'a' rik'in aceite y xkabe rik'in ri Isaí aj-Belén, roma jun chike ri ruk'ajol rija' nucha'on richin nibe'ok rey, xcha'.

1 Sam 1:20

Y ri Ana kan xyawej k'a kan chirij jun ak'ual, y toq xapon ruq'ijul, ri Ana xalex jun ti ral y ri ak'ual ri' xubini'aj Samuel,*f1* keri' rubi' ri xuya' roma kan chire ri Jehová xuk'utuj-wi.

1 Sam 16:13

K'ari' ri Samuel xuchop ri uk'a' nojineq rik'in aceite y xuqasaj pa ruwi' ri David chiri' chikikojol ri rach'alal. Y chupan k'a ri q'ij ri' ri Espíritu richin ri Jehová xoqaqa pa ruwi' ri David. Y ri Samuel xtzolin-el pa tinamit Ramá.

San Juan 21:25

Kan k'a k'o na k'a k'iy ri samaj xerubanala' ri ajaw Jesús ri man e tz'ibatel ta kan chupan re wuj re'. Yin ninch'ob chi wi ta xetz'ibex ronojel re samaj re', man ta nuben richin yeyak ronojel ri wuj chupan chijun re ruwach'ulew. Kan keri' ta k'a.

2 Pedro 1:21

roma kan ja ri Loq'olej Espíritu ri xbin chike ri k'o chi xkibij ojer kan, y man kiyon ta xkitz'uk-el.

Romanos 7:7

Y rik'in juba' niq'ax chiwech chi ri pixa' itzel, jak'a xa man keri' ta. Roma ri pixa' nik'atzin richin nuq'alajirisaj ri mak. Wi man ta k'o ri pixa' yin man ta wetaman achike ri' ri mak, achi'el toq nubij:*f14* Man tirayij chi iwik'in ta rix k'o-wi ri k'o kik'in ri iwachpochel.

Romanos 4:1

¿Achike k'a niqabij chirij ri xril ri Abraham, ri qatata' roj judío?

Romanos 3:5

Wi ri qamak nik'atzin richin chi ri ruq'atoj-tzij ri Dios niq'alajin jebel, ¿itzel kami nuben ri Dios chi nuya' ruk'ayewal pa qawi'? Jujun xtikibij chi ja'.

Hechos 13:20

Y re' xyaloj jubama 450 juna'. K'ari' ri Dios xuya' ri chojmirisey richin ri yebanatej pa kiwi'. Jak'a ri Samuel ri q'alajirisey ruch'abel ri Dios ri ruk'isibel ri xk'oje'.

Hechos 10:43

Kan ojer k'a ri bitajineq kan koma ri xeq'alajirisan ri ruch'abel ri Dios, chi qonojel k'a ri xqakuquba' qak'u'x rik'in ri Jesucristo, xtikuyutej qamak pa rubi' rija', xcha'.

Hechos 3:24

Konojel ri xeq'alajirisan ri ch'abel ri xbix chike roma ri Dios ri ojer kan, achi'el ri Samuel y ri ch'aqa' chik, chirij re q'ij re' e ch'owineq-wi kan.

1 Sam 12:11

Roma ri' ri Jehová xeruteq ri Jerubaal, ri Barac, ri Jefté y yin Samuel richin xixqakol pa kiq'a' ri etzelanel iwichin ri ek'o chi'inaqaj. Y keri' rix kan kuqul k'a ik'u'x ix k'es.

2 Pedro 3:2

Man k'a timestaj ri kibin kan ri loq'olej taq q'alajirisey ruch'abel ri Dios pa ruwi' ri xtibebanatej, chuqa' ri xuk'ut kan ri qajaw y qakolonel ri xqaq'alajirisaj chiwech, roj ri oj taqon roma rija'.

Santiago 5:10

Kan kixkoch'on k'a, achi'el xkiben ri achi'a' ojer kan, ri xeq'alajirisan ri ruch'abel ri ajaw, ri kan xkikoch'ola' ri tijoj-poqonal.

Romanos 6:1

¿Achike xtiqabij wakami? ¿Utz ta k'a chi k'a yojmakun na richin chi más niq'alajin ri rutzil ri Dios?

San Lucas 16:31

Jak'a ri Abraham xubij chire: Wi man nikinimaj ta ri ruch'abel ri Dios ri rutz'iban kan ri Moisés, y ri kitz'iban kan ri q'alajirisanela' ri xek'oje' ojer kan, xa man xtikinimaj ta chuqa' jun ri nik'astej-el chikikojol ri kaminaqi', xcha'.

San Lucas 13:28

Y toq xke'itz'et ri Abraham, ri Isaac, ri Jacob y konojel ri achi'a' ri xeq'alajirisan ri ruch'abel ri Dios ojer kan, chi ek'o pa rajawaren ri Dios, jari' k'a toq xtok ri oq'ej iwik'in roma bis, y xtiqach'ach'ej iwey roma xixelesex kan.

San Mateo 5:12

Kan titze'en k'a iwech y kixkikot janila, roma nim rajel-ruk'exel ri xtik'ul chila' chikaj. Ri xtik'owisaj rix, kan keri' chuqa' xkik'owisaj ri e q'alajirisey ruch'abel ri Dios ri xek'oje' ojer kan.

Wuj Richin ri Jeremías 15:1

Ri Jehová xubij chuwe: Stape' kan ja ta ri ánima Moisés y ri ánima Samuel xkepe wawe' richin nokik'utuj utzil chuwe richin chi xtinjoyowaj ta kiwech re winaqi' re', yin kan man xkento' ta. Tabij chike ri awinaq chi ke'el-el chinuwech yin y kan kebiyin nej.

Wuj Richin Bix Chire ri Dios 99:6

Ri Moisés y ri Aarón kan jeri' ri xe'ok ru-sacerdote, Ri Samuel jari' ri nich'on pa kiwi' ri winaqi' rik'in rija'. Rije' kan xech'on k'a rik'in ri Jehová, y rija' kan xerak'axaj k'a pe.

1 Sam 2:18

Ri ti ala' Samuel nuben k'a rusamaj ri Jehová y rukusan jun tzieq banon rik'in lino, retal ri rusamaj.

1 Sam 2:11

K'ari' ri Ana y ri Elcaná xetzolin-el pa kachoch k'a pa Ramá. Y ri ak'ual xk'oje' kan pa ruq'a' ri sacerdote Elí richin nusamajij ri Jehová.

Wuj Kichin ri To'onela' 13:24

Y xapon k'a ri q'ij toq xalex ri ti ak'ual y Sansón ri xubini'aj. Y ri ak'ual xk'iy-q'anej, y ri Jehová xuya' urtisanik pa ruwi'.

Wuj Kichin ri To'onela' 6:11

Chirij ri' xpe ri ángel richin ri Jehová pa tinamit Ofrá y xbetz'uye' chuxe' jun paten-che' richin ri Joás, ri rijatzul kan ri Abiézer. Y ri Joás k'o k'a jun ruk'ajol rubini'an Gedeón, y ri Gedeón najin chujosq'ixik juba' ru-trigo chiri' chupan ri yitz'bel-uva; y pan ewel k'a najin chubanik koma ri winaqi' aj-Madián.

Wuj Kichin ri To'onela' 4:1

Toq xken yan el ri Ehud jari' toq ri israelita xkichop chik rubanik ri itzel taq banobel chuwech ri Jehová.

Wuj Kichin ri To'onela' 6:1

Ri israelita kan xkichop chik k'a rubanik ri itzel taq banobel chuwech ri Jehová; y roma ri' xerujech pa kiq'a' ri winaqi' aj-Madián, wuqu' juna'.

Wuj Kichin ri To'onela' 6:14

Y ri Jehová xpa'e' k'a ri akuchi nitzu'un-wi ri Gedeón y xubij chire: Wakami rik'in k'a ri awuchuq'a' ri k'o, takusaj k'a y kabiyin richin ye'akol ri awinaq pa kiq'a' ri aj-Madián. Ja yin k'a ri yitaqon-el awichin, xcha' ri Jehová chire.

Wuj Kichin ri To'onela' 15:20

Y ri Sansón xok jun uk'uey bey pa kiwi' ri israelita kawineq juna', toq k'a ek'o na pa kiq'a' ri aj-Filistea.

1 Sam 2:4

Y rija' kan xuwulaj ri rute-kich'ab ri nikina' chi k'o kuchuq'a' y ri man jun k'o pa kiq'a', xuya' kuchuq'a'.

1 Sam 17:45

Y ri David xubij: Rat yape chuwij rik'in espada, rik'in kum y rik'in jabalina. Jak'a yin in peteneq chawij pa rubi' ri Jehová ri k'o ronojel uchuq'a' pa ruq'a', ri qa-Dios roj ri oj aj-labal; ri Dios ri man aya'on ta rejqalen rat.