Hebreos 11:16 - Kaqchiquel Bible

¹⁶ Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Pero xkirayij jun lugar más yalan, y ri lugar riꞌ ja ri kꞌo chikaj. Romariꞌ ri Dios ma ndikꞌix ta ndubꞌij chi rijaꞌ ki-Dios, porque rubꞌanun rukꞌojlen jun kitinamit.

Kaqchikel Santa Maria de Jesus

¹⁶ Pero ijejeꞌ quiyoꞌien jun chic tanamet más otz, y reꞌ ja ri cꞌo chicaj; rumareꞌ ri Dios man niqꞌuix ta nuꞌej chi jajaꞌ Qui-Dios, ruma ranun preparar jun quitanamit ri pacheꞌ xcaꞌcꞌujie-ve.

Kaqchikel Central Guatemala

¹⁶ Pero coyoben jun ruvach'ulef más utz, ja ri chila' chicaj, y romari' ri Dios man niq'uix ta nubij chi ja rija' ri qui-Dios; roma rubanon rutzil ri quitinamit.

Re C'ac'a Testamento pa Kach'abal

¹⁶ Roma reje' quiyaben jun lugar más otz, y re lugar re' ja chila' chicaj. Y mare' re Dios man niq'uex-ta nubij che ja reja' re qui-Dios, roma rubanon chic-apo rubanic jun quitenemit.

Kaqchikel Western Solola

¹⁶ Pero riye' coyoben jun chic quitinamit ri más utz, y ri' ya ri c'o chila' chicaj, y rumari' ri Dios ma niq'uix ta nubij chi ya Riya' ri qui-Dios; ruma rubanon chic ruchojmil ri quitinamit ri acuchi (achique) xquec'oje' wi.

Hebreos 11:16 ပူးပေါင်းရင်းမြစ်များ

Hebreos 13:14

Chuwech re ruwach'ulew xa man richin ta jantape' qilon-qa jun qatinamit. Jak'a kan qachapon bey richin nibeqila' ri qatinamit ri peteneq chiqawech.

Hebreos 11:10

Ri Abraham xuben keri', roma kan royoben ri jun chik tinamit ri kan jebel jikil ri ruxe' y kan ja ri Dios ri xch'obo y xbanon richin.

Filipenses 3:20

Jak'a roj kan oj richin chik ri chila' chikaj, ri akuchi k'o-wi ri kolonel y ajaw Jesucristo, y qoyoben chik ri q'ij toq xtipe.

San Juan 14:2

Ri chila' chikaj ri akuchi k'o-wi ri nata', k'o k'a akuchi xkek'oje-wi ri ye'apon rik'in. Wi man ta qitzij chi keri', yin jun wi ta chik rubixikil xinben-apo chiwe. Yin wakami yibe chubanik rutzil ri akuchi xkixbek'oje-wi ri chiri'.

Hebreos 2:11

Konojel xa jun kitata'. Ri Jesús kan loq'olej-wi, y nuben chike ri ralk'ual ri Dios chi ye'ok loq'olej; roma ri' man nik'ix ta nubij rach'alal chike.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Hebreos 12:22

Jak'a roj ri qaniman chik ri Jesucristo, chuxe' ri juyu' Sión oj apowineq-wi-apo; ojk'o chik naqaj chire ri tinamit richin ri k'aslik Dios, ri nibix Jerusalem aj-chikajil chire, akuchi ek'o-wi e k'iy ángel ri kan man e ajlatel ta.

Hebreos 11:14

Y rik'in ri xkibij, xq'alajin chi koyoben ri kan qitzij kiruwach'ulew.

2 Timoteo 4:18

Y yin wetaman chi ri Dios xtikolon wichin chupan ronojel etzelal. Chuqa' wetaman chi xkiruchajij richin keri' xkinok chupan ri ruq'atbel-tzij chila' chikaj. Rija' kan xtuk'ul ta ruq'ij-ruk'ojlen richin tibe-q'ij tibe-seq. Kan keri' ta k'a.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Marcos 8:38

Man jun k'a wineq tik'ix nuq'alajirisaj chi in runiman yin y ri nuch'abel chike ri winaqi', ri xa man nikinimaj ta ri Dios y kan e aj-maki-wi. Roma yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik nuq'ij-nuk'ojlen rik'in ri Tata'ixel y e wachibilan-pe ri loq'olej taq ángel. Y wi k'o jun ri nik'ix nubij keri' chike ri winaqi', yin chuqa' xkik'ix ninbij chi ri jun wineq ri' wichin yin, xcha'.

Ex 3:15

Chuqa' xubij chire ri Moisés: Kere' tabij chike ri awinaq: Jehová ri Dios kichin kan ri qati't-qamama', ri Abraham, ri Isaac, y ri Jacob, ja rija' ri in taqayon-pe iwik'in rix, xkacha' chike. Ja nubi' re' richin q'asen. Rik'in k'a re bi'aj re' xkinatex koma ri winaqi' chi wiq chi tanaj.

Hechos 7:32

Ja yin ri Dios ri xkinimaj ri awati't-amama'. Ja yin k'a ri ki-Dios ri Abraham, ri Isaac y ri Jacob, xcha'. Y ri Moisés man k'a xtikir ta chik xtzu'un-apo, xa nibaybot k'a roma xibinri'il.

San Lucas 12:32

Roma ri' man tixibij-iwi' rix ri yixtzeqeliben wichin, roma stape' xa ix juba' ok, kan rurayibel-wi k'a ri aj-chikajil qatata' richin niq'et-tzij pa rajawaren rija'.

Wuj Richin ri Rutikeribel 28:13

Y ri Jehová kan k'o el más pa jotol chire y nubij: Ja yin Jehová ri ki-Dios ri Abraham ri amama', in ru-Dios chuqa' ri Isaac, la ulew akuchi at kotz'ol-wi xtinya' chawe y chuqa' chike ri awijatzul.

Marcos 12:26

Pa ruwi' chi ri kaminaqi' kan xkek'astej-wi-el, rix kan jebel iwetaman ri tz'ibatel kan roma ri Moisés, toq rija' xutz'et ri jun q'ayis ri nijino pa q'aq', y chiri' xbech'on-pe ri Dios rik'in y xubij chire: Ja yin ri in Dios ri nikiya' ruq'ij ri Abraham, ri Isaac y ri Jacob, xcha' ri Dios chire.

Wuj Richin ri Jeremías 31:1

Chupan ri q'ij ri' ja yin ri xkinok Dios kichin konojel tzobaj winaqi' israelita y rije' xke'ok nutinamit yin.

Ex 4:5

Rik'in k'a re xtaben chikiwech, kan xtikinimaj chi yin Jehová Dios kan xink'ut-wi' chawech. Yin ri Dios ri kichin ri awati't-amama', ri Abraham, ri Isaac y ri Jacob, xcha' ri Dios chire.

Wuj Richin ri Rutikeribel 26:24

Chupan ri aq'a' ri' ri Jehová xuk'ut-ri' chuwech y xubij chire: Ja yin ri in ru-Dios ri atata' Abraham. Man taxibij-awi' roma yin kan ink'o awik'in y xtinya' urtisanik pan awi' y kan xtik'iyer ri awijatzul roma janila xinwajo' ri Abraham ri nusamajel.

San Lucas 20:37

Y ri kaminaqi' kan yek'astej-wi. Roma ri Moisés rutz'iban kan chupan ri ruch'abel ri Dios, toq rija' xutz'et ri jun q'ayis k'o ruk'ixal, chi nijino pa q'aq', y chiri' xbech'on-pe ri Dios rik'in y xubij chire: Jak'a yin ri in Dios ri nikiya' ruq'ij ri Abraham, ri Isaac y ri Jacob, xcha' ri Dios chire.

Hebreos 10:34

Xijoyowala' kiwech ri ek'o pa cárcel. Y toq xelesex kan ronojel ri ek'o iwik'in man xipoqonaj ta xiya-el. Xa kan rik'in kikoten xiya-el roma iwetaman chi chila' chikaj k'o ri kan iwichin rix, y ri' más utz chuwech ri beyomel richin re ruwach'ulew, roma re' kan richin jantape'.

Hebreos 11:40

Roma ri Dios ruch'obon chi nuya' ri utzil ri más utz, chupan re qaq'ijul roj. Y keri' junan xtiqak'ul ri utzil ri' kik'in rije' ri kan xkikuquba' kik'u'x rik'in ri Dios.

Apocalipsis 21:2

Y xintz'et ri k'ak'a' Jerusalem ruchapon-pe qajen chila' chikaj rik'in ri Dios. Kan jebel k'a ruchojmirisan y ruwiqon-pe ri', achi'el jun xten ri nuwiq-ri' jebel royoben ri ala' ri nik'ule-wi-el.