Hebreos 11:12 - Kaqchiquel Bible

¹² Y roma ri' xaxe roma ri Abraham ri kan achi'el chik kamineq xek'oje' janila chi winaqi', kan achi'el ri ch'umila' ri ek'o chikaj, ri kan man jun ri nitikir najlan kichin, y achi'el chuqa' ri sanayi' ri k'o chuchi' ri palou.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Y romariꞌ, ri Abraham, maske maneq chi ok ruchuqꞌaꞌ pa rubꞌaqil chin ngeralkꞌualaj akꞌolaꞌ, xekꞌojeꞌ santienta riy-rumam, kin esantienta achel ri chꞌumil ekꞌo chikaj y achel ri sanayiꞌ chuchiꞌ ri mar ri maneq cheꞌel ngeꞌajilex nojel.

Kaqchikel Santa Maria de Jesus

¹² Y rumareꞌ, mesque ri Abraham chꞌiti mámix chic antok xcꞌujieꞌ ri ralcꞌual, ri i-rumáma jajaꞌ can iqꞌuiy xaꞌcꞌujieꞌ, can incheꞌl ri estrellas (chꞌumil) ri icꞌo chicaj, y can incheꞌl ri sanayeꞌ ri cꞌo chuchiꞌ ri mar ri man jun nitiquir nijilan.

Kaqchikel Central Guatemala

¹² Y romari' e q'uiy riy-rumam can ri Abraham ri xec'oje'. Can janíla vi e q'uiy. Can achi'el ri ch'umila' ri ec'o chicaj, ri can man jun ri nitiquir ta najlan quichin. Can achi'el ri sanayi' ri c'o chuchi-mar. Janíla vi e q'uiy ri riy-rumam can ri Abraham; y stape' rija' ri'j chic tok xc'oje' ri ralc'ual.

Re C'ac'a Testamento pa Kach'abal

¹² Y mare' je q'uiy rey-rumam re Abraham re xe'c'ue'. Can ancha'l re ch'umil jec'o chicaj, y can ancha'l chuka' re sanayi' re c'o chuchi-mar, roma man jun nitiquir nijelan quichin. Y camas-va je q'uiy rey-rumam can re Abraham, astapa' reja' re'j chic tak xc'ue' re rajc'ual.

Kaqchikel Western Solola

¹² Y rumari' ri Abraham ye q'uiy riy rumam ri xec'oje' ca. Can sibilaj ye q'uiy, achi'el ri ch'umila' ri yec'o chicaj, y achi'el chuka' ri sanayi' ri c'o chuchi' ri mar ri majun ri nicowin najlan ta quiche (quixin). Sibilaj ye q'uiy ri riy rumam ca ri Abraham astape' riya' ri'j chic tek xc'oje' ri ralc'ual.

Hebreos 11:12 ပူးပေါင်းရင်းမြစ်များ

Wuj Richin ri Rutikeribel 22:17

Xkatinwurtisaj y xtik'iyer k'a ri awijatzul achi'el ruk'iyal ri ch'umila' ri ek'o chila' chikaj, y achi'el ruk'iyal ri sanayi' ri k'o chuchi' ri palou, y ri awijatzul xke'ichinan kan ri tinamit ri ye'etzelan kichin.

Wuj Richin ri Rutikeribel 32:12

Y rat xabij chuqa' chuwe: Yin janila jebel xtinben chawe y ri awijatzul ri xkebek'oje' kan achi'el ri sanayi' ri k'o chuchi' ri palou ri man jun nitikir najlan kichin, xacha' chuwe, xcha' ri Jacob chire ri Dios.

Os 1:10

K'o k'a jun q'ij ri israelita xkebek'iyer janila, kan xtibekibana' k'a achi'el ri sanayi' ri k'o chuchi' ri palou ri kan man jun nitikir netan ni najlan richin. Pa ruk'exel xtinbij chike chi man e nutinamit ta chik, kan xtinbenbij k'a chike: Rix kan ix walk'ual yin ri in k'aslik Dios, xkicha' chike.

Wuj Richin ri Jeremías 33:22

Kik'in ri e rijatzul kan ri David y ri e rijatzul kan ri Leví, kan xtinben chike richin xkek'iyer y ri kajlabal achi'el kajlabal ri ch'umila' ri ek'o chuwech ri kaj y achi'el ri kajlabal ri sanayi' ri ek'o chuchi' ri palou. Keri' xtinben kik'in rije', xcha' ri Dios chuwe.

Wuj Richin ri Rutikeribel 15:5

Y xeri' ri Dios xrelesaj-pe chupan ri rachoch banon rik'in tzieq y k'ari' xubij chire: Katzu'un chikaj y ke'awajlaj la ch'umila' wi yatikir ye'awajlaj. Kela' k'a ruk'iyal ri awijatzul ri xkebek'oje', xcha' chire.

Wuj Richin ri Rutikeribel 26:4

Y yin xtinben chi xtik'iyer ri awijatzul achi'el ruk'iyal ri ch'umila' ri ek'o chikaj, y chike k'a ri awijatzul xtinya-wi kan ronojel re ruwach'ulew re'. Chuqa' konojel ri tzobaj winaqi' richin ri ruwach'ulew xtinbenya' urtisanik pa kiwi' koma ri awijatzul rat.

Apocalipsis 20:8

Y xtel chik jun bey chikiq'olik ri winaqi' ri ek'o pa ronojel ruwach'ulew, ri aj-Gog y aj-Magog, kan xkeruq'ol y yerumol-el richin ri oyowal. Y kan yebuchu k'a, kan e achi'el ri sanayi' ri ek'o chuchi' ri palou.

Wuj Richin ri Isaías 10:22

Stape' ri qawinaq israelita janila e k'iy, achi'el ri rajlabal ri sanayi' ri k'o chuchi' ri palou, xa kan xaxe chik juba' chike rije' ri xketzolin. Roma ri Dios kan rubin chi rije' kan xkek'is, richin kan xtiq'alajin ri ruchojmilal ri nuben rija'.

Ex 32:13

Toqaqa chi'ak'u'x ri xabij kan chike ri asamajela' ri Abraham, ri Isaac y ri Israel ri xajikiba' kan chike pan abi' rat chi kan xkewinaqir k'a ri kijatzul y kan achi'el k'a kajlabal ri ch'umila' ri ek'o chikaj xtaben chike, kan chike k'a ri kijatzul xtaya-wi kan ri ruwach'ulew ri asujun chike, kan xke'ok k'a chupan y kan xtikichinaj k'a richin q'asen, keri' xabij chike, xcha' ri Moisés.

Wuj Richin ri Isaías 48:19

Chuqa' ri iwijatzul xewinaqir ta pa ruk'iyal, achi'el rajlabal ri sanayi' ri ek'o chuchi' ri palou. Y yin kan man ta xixink'is.

Wuj Richin ri Nehemías 9:23

Rat xaben k'a chi xewinaqir ri kalk'ual achi'el ri ch'umila' ri ek'o chikaj. Xe'ak'uaj k'a pa ruwach'ulew ri xasuj chike ri qati't-qamama', richin chi xkichinaj kan.

1 Crón 27:23

Toq ri David xerajlaj ri winaqi' israelita, man xerajlaj ta ri man jani k'o juwineq kijuna', roma ri Jehová rusujun chike ri kite-kitata' chi kan yeruwinaqirisaj ri israelita achi'el ri kajlabal ri ch'umila' ri ek'o chikaj.

1 Rey 4:20

Ri aj-Judá y ri aj-Israel kan e janila k'a chi winaqi', ri kajlabal kan achi'el chik k'a ri sanayi' ri k'o chuchi' ri palou. Rije' kan jebel k'a ri k'aslen kik'uan roma jebel yewa' y ye'uk'ya', y kan janila k'a kikoten k'o kik'in.

2 Sam 17:11

Ninbij k'a, chi konojel ri achi'a' aj-Israel tikimolo-pe-ki' awik'in, ri nitiker-pe pa Dan, ri k'o pa xaman, k'a pa Beerseba ri k'o pa xokon. Kan janila k'a chi achi'a' ri xtikimol-pe-ki' awik'in, ri kajlabal kan achi'el k'a ri sanayi' ri k'o chuchi' ri palou. Y kan ja rat ri xkatik'o-el chiqawech richin yojbe pan oyowal.

1 Sam 12:5

K'ari' ri Samuel xubij: Ri Jehová jari' ri xtz'eton ronojel ri xibij rix. Wakami k'a chuqa' ri rey xutz'et ronojel chuwij yin chi rix man jun itzel xiwil ta chuwij chupan re q'ij re', xcha'. Y konojel ri winaqi' xkibij chi kan keri' wi.

Wuj Kichin ri To'onela' 7:12

Ri aj-Madián, y ri winaqi' amalecita y ri winaqi' ri yepe pa relebel-q'ij kinojisan k'a chijun ri li'on ulew ri' y kan janila e k'iy, kan achi'el toq ye'ok'ulun ri sak' ri xa man e ajlatel ta; y ri ki-camello kan janila chuqa' e k'iy achi'el ri sanayi' ri k'o chuchi' ri palou.

Wuj Richin ri Josúe 11:4

Rije' y konojel aj-labal kan janila k'a e k'iy, ri kan man e ajlatel ta achi'el ri sanayi' ri k'o chuchi' ri palou. Ri e rey y ri achi'a' ri' xebe richin xbekibana' oyowal e kachibilan-el janila e k'iy kiej y carruaje richin oyowal.

Deut 28:62

Re wakami janila ix k'iy kan achi'el ri kajlabal ri ch'umila' ri ek'o chikaj. Jak'a wi man xtinimaj ta rutzij ri Jehová ri qa-Dios, xa kan ix juba' chik ok xkixk'oje' kan.

Deut 1:10

Roma ri Jehová ri qa-Dios xuben chiqe chi janila xojk'iyer yan y kan oj achi'el chik ri kajlabal ri ch'umila' ri ek'o chila' chikaj.

Romanos 9:27

Y chiqij roj judío, xch'on-wi ri Isaías ojer kan toq xubij:*f26* Stape' ri qawinaq judío janila e k'iy, achi'el ri rajlabal ri sanayi' ri k'o chuchi' ri palou, xa kan xaxe chik juba' chike rije' ri xkekolotej.

Wuj Richin ri Habacuc 1:9

Konojel k'a re' xkepe richin xkekich'ek rik'in kamik. Chikiwech rije' ninabeyej k'a ri nimalej xibinri'il. Y ri awinaq ri xkekik'uaj-el pa ximonri'il, kan achi'el k'a ri sanayi' ri k'o chuchi' ri palou.