Hebreos 10:5 - Kaqchiquel Bible

⁵ Roma ri', ri Cristo toq k'o chi nipe yan wawe' chuwech re ruwach'ulew, xubij chire ri Dios:*f23* Rat man nawajo' ta ri jalajoj kiwech sipanik. Jak'a rat xaya' nuch'akul achi'el richin ri wineq.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Romariꞌ, atoq ri Cristo ja nduꞌalex chochꞌulew, kereꞌ xubꞌij chare ri Dios: Rat ma ndarayij ta chi ngesuj kikikꞌel awej teq chikap y jalajaj teq sipanik chawech, Romariꞌ, xanabꞌaꞌ jun aj rochꞌulew cuerpo chuwa chin nisuj chawech.

Kaqchikel Santa Maria de Jesus

⁵ Rumareꞌ, antok ri Cristo xpa vaveꞌ choch-ulief, xuꞌej cha ri Dios: Atreꞌ man navajoꞌ ta chic chi ncaꞌyoꞌx chicop y nicꞌaj chic kax chavach, rumareꞌ xayaꞌ nu-cuerpo chi xinuoc jun vinak.

Kaqchikel Central Guatemala

⁵ Romari', tok ri Cristo xpe vave' chuvech re ruvach'ulef, xubij chire ri Dios: Rat man chic c'a navajo' ta chi yesuj chicop y ch'aka' chic cosas chave, romari' tok xinatek-pe yin, richin chi ja yin ri ninsuj-vi'. Y rat xaya' nuch'acul achi'el richin ri vinek.

Re C'ac'a Testamento pa Kach'abal

⁵ Mare' tak re Cristo xpa vova' chach re ruch'ulef, xubij cha re Dios: Rat man chic najo-ta che ye'suj re chicop y re ofrendas chavach, mare' tak xinatak-pa yen, chin che ja yen re ninsuj-vi'. Y rat xaya' nu-cuerpo ancha'l chin re vinak.

Kaqchikel Western Solola

⁵ Rumari', tek ri Cristo xpe wawe' chuwech re ruwach'ulef, xubij chare ri Dios: Riyit man chic c'a nawajo' ta chi yetzuj (yesuj) chicop y nic'aj chic cosas chawe, rumari' tek xaya' jun nuch'acul achi'el ruch'acul ri winek.

Hebreos 10:5 ပူးပေါင်းရင်းမြစ်များ

Wuj Richin ri Isaías 1:11

¿Achike ta k'a nik'atzin chuwe ri janila chi kamelabel ri niben? Kan xik'o yan nuk'u'x rik'in ri poron taq karne'l, y ri kiq'anal ri e tiojirisan taq chikopi'. Man ninrayij ta chik ri kikik'el ri bóyix, ni kichin ri alaji' taq karne'l ni ri taq tzuntzun.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

1 Pedro 2:24

Ja rija' ri xuk'uan ri qamak chuwech ri cruz richin xojrukol pa ruq'a' ri mak richin niqachop ta el jun k'aslen choj. Ja rija' ri xsokotej y xken richin nichojmir ri qak'aslen.

Hebreos 1:6

Y toq ri Dios xuteq-pe ri Ruk'ajol chuwech re ruwach'ulew, xubij chike konojel ri ru-ángel chi tikiya' ruq'ij.

Hebreos 10:7

Roma ri' xinbij: Jare' ink'o nu-Dios richin yatinsamajij, kan achi'el ri tz'ibatel chuwij chupan ri wuj. Keri' xubij ri Cristo.

Hebreos 2:14

Roj ri oj ralk'ual chik ri Dios xa oj winaqi', xa qak'uan ri kik' y ri ti'ij. Y roma ri' ri Jesús xok chuqa' achi'el roj winaqi'. Rija' xken richin xch'akon chirij ri k'o kamik pa ruq'a'. Y ri k'o ri kamik pa ruq'a', ja ri Itzel-Wineq.

Hebreos 10:10

Ri Dios xuben loq'olej chiqe roma ri Jesucristo xuben ri rurayibel rija' toq xusuj-ri' richin jun kamelabel. Re' xuben xaxe jun bey y richin jantape'.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.

2 Juan 1:7

E k'iy k'a q'olonela' yebiyaj chuwech re ruwach'ulew ri yebin chi ri Jesucristo toq xpe wawe' chuwech re ruwach'ulew, man xok ta wineq achi'el roj. Ri nibin keri' chirij ri Jesucristo, jari' k'a ri q'olonel ri netzelan richin ri Cristo.

Hebreos 8:3

Wawe' chuwech re ruwach'ulew ri nimalej taq sacerdote yekisuj sipanik y kamelabel chuwech ri Dios. Y ri Jesús chuqa' xk'atzin chi k'o xusuj chire ri Dios, roma rija' jun nimalej sacerdote.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

San Juan 1:14

Ri ch'abel ri' xoqaqa k'a chuwech re ruwach'ulew y kan xok k'a chuqa' jun wineq. Y kan xqatz'et k'a chi ja rija' ri juney ruk'ajol ri Dios, y kan k'o ruq'ij-ruk'ojlen ri Dios rik'in. Chuqa' kan nojineq k'a rik'in ri qitzij y ri utzil.

San Lucas 1:35

Ri ángel xubij chire: Ja ri Loq'olej Espíritu y ri ruchuq'a' ri nimalej Dios ri xtiqaqa pan awi'. Roma ri', ri loq'olej ak'ual ri xtalex awik'in, kan xtubini'aj Ruk'ajol ri Dios.

Wuj Richin ri Jeremías 6:20

Kan man jun nuq'ajuj chuwe richin nik'en-pe pom ri k'o chiri' pa tinamit Sabá. Chuqa' man ninwajo' ta jubulej taq aji'j richin nej taq ruwach'ulew. Chuqa' man niqa' ta chinuwech ri poron taq chikopi' y kan man niqa' ta chinuwech ri ikamelabal.

San Mateo 11:3

richin nikik'utuj chire wi kan qitzij chi ja rija' ri k'o chi nipe o k'a nikoyobej chik na jun.

Wuj Richin ri Jeremías 31:22

¿K'a janipe' k'a niya' kan ri yixbe-kela' yixbe-kela' niben? Rix ix achi'el jun alk'ualaxel ri man nunimaj ta tzij. Jak'a yin Jehová k'o jun k'ak'a' ri xintz'uk chupan re ruwach'ulew re'; ja ri man jun bey k'uluwachitajineq.

Wuj Richin ri Rutikeribel 3:15

Xtinben chiwe chi ri ixoq y rat xtik'oje' k'ululanik chi'ikojol, y keri' kik'in ri awijatzul rat; y jun chike ri ral-riy rija' xtupach'ij ri ajolon rat, y rat xtajich'aj ri ruxtuxil rija', xcha'.

San Lucas 7:19

y xeruteq-el rik'in ri Jesús richin xbekibij chire: ¿Kan ja rat ri Cristo ri qoyoben? ¿O xa niqoyobej chik na jun?

Wuj Richin ri Isaías 40:16

Stape' xketorix ronojel che' ri ek'o pa juyu' Líbano richin niban si' chike, richin nik'atzin chire jun porobel, rija' kan man xtikuqer ta ruk'u'x rik'in ri'. Stape' xkekamisex konojel chikopi' richin jun kamelabel, rija' man xtik'atzin ta chire ri' richin nik'o-qa ri royowal.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Hebreos 10:8

Ri Cristo xubij chuqa' chire ri Dios: Rat kan man chik k'a nawajo' ta chi yesuj poron chikopi' y ch'aqa' chik sipanik chawe richin nikuyutej mak. Ri chikopi' ri yeporox chawech, man jun kikoten nikiya' chawe, xcha'. Keri' xubij stape' yesuj achi'el nubij ri pixa' ri aya'on chire ri Moisés.