Hebreos 10:34 - Kaqchiquel Bible

³⁴ Xijoyowala' kiwech ri ek'o pa cárcel. Y toq xelesex kan ronojel ri ek'o iwik'in man xipoqonaj ta xiya-el. Xa kan rik'in kikoten xiya-el roma iwetaman chi chila' chikaj k'o ri kan iwichin rix, y ri' más utz chuwech ri beyomel richin re ruwach'ulew, roma re' kan richin jantape'.

နောက်ထပ်ဗားရှင်းများ

Kaqchikel Santo Domingo (Xenacoj)

³⁴ Porque xipoqonaj kiwech ri xetzꞌapix pa cheꞌ, y hasta xixkikot atoq xmaj chiwech ri ichajin, porque iwetaman chi chikaj ichajin más yalan teq achike ri ma ngekꞌis ta.

Kaqchikel Santa Maria de Jesus

³⁴ Xijoyovaj quivach ri xaꞌyoꞌx pa cárcel ruma rubꞌeꞌ ri Dios. Y antok xmaj ri kax ivichin, man xibꞌisuoj ta xiya-el, ruma xixquicuot xiya-el. Ruma ivataꞌn chi xtiyoꞌx jun herencia chiva chicaj ri richin nojiel tiempo y reꞌ más otz choch ri bꞌayomal ri richin ri roch-ulief.

Kaqchikel Central Guatemala

³⁴ Xijoyovala' quivech ri ec'o pa cárcel roma ri rubi' ri Dios. Y tok ri i-cosas xe'elesex can chive, man xipokonaj ta xiya-el. Xa can riq'uin quicoten xiya-el. Roma ivetaman chi chila' chicaj c'o ri can ivichin rix, y ri' más utz que chuvech ri beyomel richin re ruvach'ulef, y chuka' man jun xtelesan chive.

Re C'ac'a Testamento pa Kach'abal

³⁴ Xijoyovaj quivach re vinak re jec'o pa cárcel, reje' jec'o pa cárcel rutzij rube' re Dios. Y tak xmoj ronojel cosas re c'o iviq'uin, xa xixqui'cot. Roma itaman che chila' chicaj c'o-va re ibiyomal, y re biyomal re' más otz que chach re biyomal c'o vova' chach re ruch'ulef y chuka' man jun xtilisan chivach.

Kaqchikel Western Solola

³⁴ Queri' nbij chiwe ruma xijoyowaj quiwech ri ye tz'apel pa cárcel ruma rubi' ri Dios. Y tek ri icosas xe'elesex chiwe, ma xipokonaj ta xiya' el. Xa can riq'ui quicoten xiya' el. Ruma iwetaman chi xtiya'ox (xtya') jun iwerencia chila' chicaj, y ri' más utz que chuwech ri beyomel riche (rixin) re ruwach'ulef, y chuka' majun xtelesan ta chiwe.

Hebreos 10:34 ပူးပေါင်းရင်းမြစ်များ

1 Pedro 1:4

Ri Dios kan rubanon k'a chiqe chi ri chila' chikaj kan xtiqichinaj ri man xtiq'ey ta, man xtitz'ilub ta y man xtimayamo' ta qa.

2 Timoteo 1:16

Ri ajaw xtujoyowaj ta kiwech ri e aj pa rachoch ri Onesíforo, roma rija' man xk'ix ta xiberutz'eta' pa cárcel. Xa k'iy bey xberuya' kan kikoten pa wánima.

Santiago 1:2

Wach'alal, kan tikikot janila ri iwánima toq yixtejtobex.

Hebreos 13:3

Y man ke'imestaj ri ek'o pa taq cárcel. Tina' k'a ri q'axo'n pan iwánima, achi'el ta kan ja rix ri ix tz'apen. Y chuqa' man ke'imestaj ri ek'o pa tijoj-poqonal. Xa kan tina' chi achi'el kan ja rix ri ixk'o chupan ri q'axo'n ri'.

Efesios 6:20

Ri Dios xirucha' richin nintzijoj ri utzilej ruch'abel pa rubi' rija', roma ri' wakami in kiximon rik'in cadena. Tik'utuj pa nuwi' chi man ta ninxibij-wi' toq nintzijoj ri ch'abel ri' achi'el ruk'amon.

San Lucas 12:33

Tik'ayila' k'a ri k'o iwik'in y tiyala' chike ri winaqi' ri man jun k'o kik'in. Wi keri' niben, xtik'oje' jun iyakonabal chila' chikaj ri man jun bey xtiq'ey, y xtik'oje' chuqa' ibeyomel ri man jun bey xtik'is. Chila' chikaj man jun eleq'om, ni man jun chuqa' jut ri nichikopirisan.

1 Juan 3:2

Wach'alal ri yalan yixinwajo', wakami oj ralk'ual chik ri Dios. Jak'a man jani tiq'alajin ri achike xqojbeok. Xaxe qetaman chi toq xtipe chik jun bey ri Jesucristo, xqojok achi'el rija' roma xtiqatz'et achike rubanik rija'.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

1 Timoteo 6:19

Richin keri' nikimol yan ta apo ri beyomel ri xtik'atzin chike ri chikiwech-apo, richin keri' y nikil ta ri k'aslen ri man k'isel ta.

Colosenses 1:5

Keri' niben, roma ri oyobenri'il ri yakon chiwe chila' chikaj. Ri' xiwetamaj toq xiwak'axaj ri qitzij ch'abel ri nich'on chirij ri utzilej ch'abel richin kolotajik.

Filipenses 1:7

Kan pa ruchojmilal ninben chi kan janila yixinwajo', stape' ink'o pa cárcel o nintzijoj ri utzilej ch'abel richin kolotajik roma kan ibanon-wi utzil chuwe richin in ito'on chupan ri nusamaj.

Efesios 4:1

Y roma ri' yin, ri xinok pa cárcel roma ninsamajij ri Dios, ninbij chiwe chi nik'atzin nik'uaj jun k'aslen ri ruk'amon, roma ja ri Dios ri xoyon qichin richin xojok ralk'ual.

Efesios 3:1

Roma ronojel re', yin, Pablo, xinok pa cárcel roma ninsamajij ri Cristo Jesús roma ri wajowabal pan iwi' rix ri man ix judío ta.

Hechos 21:33

Ri uk'uey kichin ri aj-labal xjel-apo k'a rik'in ri Pablo, xberuchapa-pe, y xuteq k'a ruximik rik'in ka'i' cadena. K'ari' k'a xuk'utuj chi achike achin ri', y achike ri xumakuj.

Hechos 5:41

Toq ri e taqon roma ri Cristo xe'el-el ri chiri', nikikot k'a ri kánima xebe, roma ri Dios ruya'on q'ij chike richin chi nikik'owisaj tijoj-poqonal roma ri rubi' ri Jesús.

San Lucas 10:42

Jak'a xaxe jun ri más nik'atzin y más utz, y jari' ri xucha' ri María. Y ri xucha' rija', man jun xtelesan chire, xcha'.

San Mateo 19:21

Y ri Jesús xubij k'a chire chi wi rija' nrajo' ruk'aslen tz'aqet, tiberuk'ayij kan ronojel ri k'o rik'in, y ri rajel tutaluj chikiwech ri winaqi' ri man jun k'o kik'in, richin keri' nik'oje' rubeyomel chila' chikaj. Y k'ari' tutzeqelibej ri Jesús.

2 Timoteo 2:9

Y roma nintzijoj ri ch'abel ri', nintej poqon, inximon re pa cárcel, achi'el jun kamisanel. Jak'a ri ruch'abel ri Dios man ximil ta.

2 Corintios 5:1

Qetaman k'a chi ri qach'akul xa achi'el ok jun jay banon rik'in tzieq, re chuwech re ruwach'ulew, ja k'a toq xtiken re ch'akulaj re' kan xtiqak'ul chik jun qachoch rik'in ri Dios, ri kan ja rija' ri banayon, kan richin jantape' y ja ri chila' chikaj k'o-wi.

Hechos 28:20

Xa roma ri' xinteq iwoyoxik richin chi kan yixintz'et y richin chuqa' chi rix kan wik'in yin niwetamaj-el achike k'a roma kere' nuk'uluwachin. Roma qonojel roj judío kuqul qak'u'x chi ri Cristo nipe yan. Y roma ri' toq in ximil rik'in cadena wakami, xcha' ri Pablo.

2 Timoteo 4:8

Wakami xaxe chik k'a woyoben jun sipanik ri xtink'ul roma nuk'uan jun utzilej k'aslen. Y ri' kan ja ri Dios ri utzilej q'atoy-tzij ri xtiya'on chuwe chupan ri q'ij toq xtipe chik jun bey. Y man xaxe ta chuwe yin xtuya-wi ri sipanik ri', xa kan xtuya' chuqa' chike konojel ri kan rik'in ronojel kánima koyoben ri q'ij toq xtipe chik jun bey rija'.

San Lucas 9:25

¿Roma achike ta k'a nuk'en-pe chire ri wineq, wi nik'oje' ta ri beyomel richin ronojel re ruwach'ulew rik'in y xa man kolotajineq ta? Roma ri wineq ri' man xtitikir ta xtuloq' chik ri ruk'aslen.

Hebreos 9:15

Roma ri' ja ri Cristo ri xk'amon-pe ri k'ak'a' jikibel-tzij ri xuben ri Dios qik'in roj, ri oj oyon richin yojok rik'in rija' richin xtiqichinaj chila' chikaj, ri rubin chi xtuya' chiqe ri man k'isel ta. Ronojel re' nibanatej roma ri Cristo xken richin chi xojkolotej chupan ri mak ri nunataj ri ojer jikibel-tzij.

Hebreos 13:14

Chuwech re ruwach'ulew xa man richin ta jantape' qilon-qa jun qatinamit. Jak'a kan qachapon bey richin nibeqila' ri qatinamit ri peteneq chiqawech.

Wuj Richin ri Molojri'il 3:6

Napon k'a ruq'ijul richin nakanoj y nawil, y chuqa' napon k'a ruq'ijul richin nakanoj y man nawil ta. Napon k'a ruq'ijul richin nayek, y chuqa' napon ruq'ijul richin nawelesaj-el.