Hebreos 10:22 - Kaqchiquel Bible

²² Roma ri' qojjel k'a apo rik'in ri Dios, rik'in ch'ajch'oj qánima y kan kuqul-qak'u'x. Ch'ajch'ojirisan ta ri qánima chire ri etzelal, y ri qak'aslen ch'ajon ta chik rik'in ch'ajch'ojilej ya'.

နောက်ထပ်ဗားရှင်းများ

Kaqchikel Santo Domingo (Xenacoj)

²² Romariꞌ qojjel apu chuwech ri Dios rikꞌin nojel qánima y ma kaꞌiꞌ qakꞌuꞌx tiqabꞌen, y kin ta chꞌajchꞌojrisan ri qánima chuwech ri itzel ndiqanaꞌ chare roma ri ma utz ta eqabꞌanaloꞌon pe, y kin ta chꞌajon ri qa-cuerpo rikꞌin loꞌx yaꞌ.

Kaqchikel Santa Maria de Jesus

²² rumareꞌ ojreꞌ ri kacukubꞌan kacꞌuꞌx riqꞌuin ri Jesucristo, man takaxiꞌij-kiꞌ nkujiel-apa riqꞌuin ri Dios; xa riqꞌuin nojiel kánima nkujiel-apa riqꞌuin, y can ta sak chic ri kánima chi quireꞌ man jun itziel kiqꞌuin y can ta chꞌajuon chic otz ri ka-cuerpo riqꞌuin ri sak yaꞌ.

Kaqchikel Central Guatemala

²² Y roma c'a ri' roj ri kaniman chic man ta ca'i' kac'u'x yojjel-apo c'a riq'uin ri Dios, man ta queri', roj xa can ta riq'uin ronojel kac'u'x yojjel-apo riq'uin. Yojjel ta c'a apo riq'uin ri Dios riq'uin jun kánima ch'ajch'ojirisan chic chire ri etzelal, y ch'ajch'ojirisan chic ri kac'aslen riq'uin ch'ajch'ojilej ya'.

Re C'ac'a Testamento pa Kach'abal

²² Mare' yoj re kaniman chic man-ta riq'uin ca'e' kánma yojelon-apo riq'uin re Dios, yoj can-ta riq'uin ronojel kánma yojelon-apo riq'uin. Yojelon-ta-apo riq'uin re Dios, riq'uin jun kánma ch'ajch'oj re manak chic etzelal ruc'uan, y can-ta ch'ajon chic re kac'aslen riq'uin re ch'ajch'oj ya'.

Kaqchikel Western Solola

²² Y rumac'ari' riyoj ri kaniman chic, ma tuben ta ca'i' kac'u'x chi yojjel apo c'a riq'ui ri Dios, riyoj xa can ta riq'ui ronojel kac'u'x yojjel apo riq'ui. Y can ta yojjel apo riq'ui jun kánima ch'ajch'ojsan chic chare ri etzelal, y can ch'ajch'ojsan ta chuka' ri kach'acul riq'ui jun ch'ajch'ojlaj ya'.

Hebreos 10:22 ပူးပေါင်းရင်းမြစ်များ

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

San Juan 3:5

Ri Jesús xubij: Yin kan qitzij wi k'a re ninbij chawe: Ri k'ak'a' alaxik ri xinnataj, jari' ri niban roma ri Loq'olej Espíritu y ri ya', y ri man k'a xtikik'uaj ta ri jun k'ak'a' alaxik ri', man xke'ok ta pa rajawaren ri Dios.

1 Pedro 3:21

Y ri ya' ri' jun retal richin ri qasan-ya' ri niqak'ul wakami, ri nikolon. Jak'a man richin ta nuch'ajch'ojirisaj ri qach'akul xa kan richin nuk'ut chi roj niqajo' niqaben ri utz chuwech ri Dios roma ri ruk'astajibal ri Jesucristo.

Efesios 5:26

Keri' xuben ri Cristo richin chi ri tzobaj ri' xe'ok loq'olej. Y re' xuben rik'in ri ruch'abel y ri qasan ya'.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Hebreos 7:19

Roma ri pixa' xa kan man xtikir ta xuben chike ri winaqi' chi tz'aqet ta ri kik'aslen. Jak'a re wakami k'o chik ri jun ri achoq ik'in niqoyobej-wi ri utzil y nuben chiqe chi yojtikir yojjel-apo rik'in ri Dios.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Hebreos 4:16

Roma ri' kan kuqul k'a qak'u'x qojjel-apo rik'in ri Dios ri niya'on ronojel utzil. Richin chi xtujoyowaj qawech y xtuya-pe ri rutzil pa qawi'. Y toq k'o jun xtiqak'uluwachij, kan jari' k'o-pe qik'in richin yojruto'.

Hebreos 12:24

Ojk'o apo rik'in ri Jesús ri nisamajin ri k'ak'a' jikibel-tzij y rik'in ri rukik'el ri xbiyin ri xuch'ajch'ojirisaj ri qánima, roma ri rukik'el rija' más rejqalen chuwech ri rukik'el ri Abel.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

Wuj Richin Bix Chire ri Dios 73:28

Jak'a yin kan más k'a utz nuben chuwe chi yijel-apo awik'in rat nu-Dios. Kan awik'in rat Jehová nukuquban nuk'u'x. Y xtintzijoj ronojel ri abanon.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

Efesios 3:12

Y roj roma junan qawech rik'in ri Cristo roma ri kuqubabel-k'u'x ri k'o qik'in, man niqaxibij ta qi' yojjel-apo rik'in ri Dios. Xa kan kuqul qak'u'x yojjel-apo rik'in.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

Hebreos 9:19

Roma toq ri Moisés rubin chik chike ri winaqi' ronojel ri nubij chupan ri pixa' chi k'o chi nikiben, xberuk'ama-pe kikik'el alaji' taq wákix y tzuntzun, xolon rik'in ya'. Y rik'in rusumal karne'l ri kaqarisan rik'in aq'om y juboraj q'ayis hisopo, xuchikaj pa ruwi' ri wuj ri ruk'uan ri pixa' y pa kiwi' konojel ri winaqi'.

San Mateo 3:11

Yin, xaxe k'a ya' ninqasaj pa kiwi' ri winaqi' toq nitzolej-pe kik'u'x rik'in ri Dios. Jak'a re chiqawech-apo xtipe jun ri xtuqasaj ri Loq'olej Espíritu rachibilan q'aq' pa kiwi' ri winaqi'. Ri' kan man achi'el ta ok yin. Roma yin kan man ruk'amon ta ni richin nink'uaj ri ruxajab. Ri jun ri' nim ruq'ij y nim ruchuq'a'.

Ez 16:9

K'ari' xatinwatinsaj y xatinch'ajch'ojirisaj chire ri kik' ri k'o chawij. Chuqa' xinya' jubulej aq'om chawij,

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Wuj Richin ri Chojmirisabelri'il 8:6

Xeri' ri Moisés xeroyoj-apo ri Aarón y ri e ruk'ajol y k'ari' xuben chike chi xe'atin, achi'el nikiben toq ye'ok kan chupan ri samaj.

Santiago 1:6

Jak'a toq rix nik'utuj ina'oj, k'o chi nikuquba' ik'u'x rik'in ri Dios, y man rik'in ta k'a ka'i' ik'u'x tik'utuj chire. Roma wi xa keri' niben, rix xa niben achi'el nuben ri ya' ri nibolqo't roma ri kaq'iq' pa ruwi' ri palou, ri nibe-kela' nibe-kela' nuben.

Wuj Richin Etamabel-Tzij 23:26

Rat, nuk'ajol yin, kan tajacha' k'a chuwe ri nojibel ri k'o pan awánima, richin nataqej ri nuch'abel; richin kan jebel k'a xtatzu' y jebel chuqa' xtana' chupan ri nubey yin.

Wuj Richin Bix Chire ri Dios 119:7

Rokik xtiq'ax chinuwech jebel ri jalajoj ruwech apixa', kan xtinnimirisaj k'a aq'ij, roma kan man jun mak wejqalen.

Wuj Richin Bix Chire ri Dios 51:10

Nu-Dios yin, tabana' chi ri wánima kan ta ch'ajch'oj. Taya' ri rayibel wik'in, richin man yatinmalij ta kan.

Wuj Richin ri Q'axanri'il 8:7

Nachikaj ri ya' richin kuyubel-mak pa kiwi' rije' y tabij chike chi nikisokaj ri rusumal chijun ri kich'akul y chuqa' tikich'aja' ri kitziaq.

Wuj Richin ri Chojmirisabelri'il 14:7

K'ari' ri sacerdote xtuchikaj wuqu' mul ri kik' ri xolon rik'in ya' chirij ri wineq ri xk'oje' ri itzel yabil chirij, richin nich'ajch'ojir. Xeri' xtibix chi ri wineq ch'ajch'oj chik, y xtisq'opex-el ri jun chik aj-xik' chikop richin xtibe pa juyu'.

Hebreos 11:28

Ri Moisés roma kan kuqul ruk'u'x, xuben ri nimaq'ij richin ri solbelri'il y xubij chike ri ruwinaq chi tikichikaj ri kikik'el ri taq ka'rnel chirij ri ruchi' taq kachoch, richin chi man yekamisex ri nimalaxela' taq alaboni' roma ri kamisanel.

Hebreos 10:19

Qach'alal, ri Jesús kan xken y xbiyin rukik'el qoma roj, y roma ri' toq kuqul qak'u'x yojjel-apo ri akuchi janila loq'olej rik'in ri Dios.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

Wuj Richin ri Isaías 29:13

Rix xaxe rik'in ri ich'abel niya' nuq'ij; jak'a ri iwánima xa kan k'o janila nej chuwe yin. Y toq niya' nuq'ij, xaxe nikamuluj pixa' ri e banon koma winaqi'.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

Ex 29:4

Y xke'ak'uaj-apo ri Aarón y ri e ruk'ajol, ri chiri' pa okibel chire ri wachoch richin ri molojri'il y chiri' chuqa' tabana' chike richin tikich'ajch'ojirisaj-ki'.

Hebreos 9:10

Ri nabey jikibel-tzij, xaxe k'a xch'on chirij ri achike nikitej y nikiqum y ri jalajoj rubanikil ch'ajch'ojirisanik ri k'o chi nikiben. Ronojel ri xchilabex chike chi tikibana', xaxe numej ri ch'akulaj; y jari' ri ukusan-pe kan k'a toq xoqaqa ri q'ij toq k'o chi xjalatej ronojel ri'.

1 Timoteo 4:2

Xtikak'axaj k'a kitijonik ri winaqi' ri xa ka'i' kipalej, ri xa man qitzij ta ri nikibij y man jun q'axo'n nikina' pa kánima toq nikiben ri etzelal ri'.

Wuj Richin ri Jeremías 30:21

Y chi'ikojol k'a rix xtel-pe jun tata'al y jari' ri xtiq'aton-tzij pan iwi'. Y toq xkijel-apo rik'in, jari' toq rija' xtijel-pe wik'in yin, roma k'a man jun nitikir nijel-pe wik'in choj keri'. Yin Jehová ri yibin.

Wuj Richin ri Jeremías 3:10

Man rik'in ri' ri aj-Judá xa xkiben achi'el xkiben ri kach'alal. Xa man xtzolin ta pe kik'u'x wik'in rik'in ronojel kánima. Ja yin Jehová ri yibin.

Wuj Richin ri Isaías 52:15

Y keri' k'a chuqa' kan e k'iy k'a tzobaj winaqi' richin ri ruwach'ulew ri xtikuyutej kimak. Ri e rey toq xtikitz'et, kan man jun xtikibij, roma xtikitz'et ri man jun bey bin chike, y xtiq'ax chikiwech ri man jun bey e kak'axan.

Wuj Richin Bix Chire ri Dios 119:145

Jehová, yin kan yich'on awik'in rik'in ronojel wánima. Tak'uluba' k'a pe ri nuch'abel richin kan xkitikir xtintaqej ri apixa'.

Apocalipsis 1:5

Y kan tik'ulu' chuqa' ri utzil y ri uxlanen ri nuya' ri Jesucristo, ri nuq'alajirisaj ri qitzij, ri xk'astej-pe nabey chikikojol ri kaminaqi' y k'o pa kiwi' konojel q'atoy taq tzij ri ek'o chuwech re ruwach'ulew. Rija' yojrajo' y roma ri' xken y xbiyin rukik'el richin xojrukol chuwech ri qamak.

Efesios 6:5

Y rix samajela', tinimaj kitzij ri iwajaw. Rik'in ronojel iwánima tibana' ri nikajo' chi niben, achi'el xa ta kan ja ri rutzij ri Cristo ri ninimaj.

Hechos 8:21

Chuqa' rat man jun aq'a' chire re qasamaj, roma ri awánima xa man choj ta chuwech ri Dios.

San Juan 8:9

Toq ri sujunela' chirij ri ixoq xkak'axaj ri xubij ri Jesús, ri kánima xubij chike chi rije' chuqa' e aj-maki', y xe'eleyaj el ri chiri'. Xenabeyej-el ri rijita'q, y k'ari' xebe ri más k'a e ak'uala'. Xa kan xaxe chik k'a ri Jesús y ri ixoq ri xk'oje' kan.

Wuj Richin Bix Chire ri Dios 119:80

Yin kan in tz'aqet ta k'a chupan ri apixa' ri aya'on rat, richin keri' kan man jun bey ta k'a xkik'ixbitej.

Wuj Richin Bix Chire ri Dios 119:69

Ri e nima'q nikina-ki' kan janila tz'ukun-tzij kibanon chuwij, jak'a yin kan rik'in ronojel wánima nubanon ri nubij ri pixa'.

Wuj Richin Bix Chire ri Dios 119:58

Yin jantape' at nutzeqeliben rik'in ronojel wánima. Roma ri' tabana' utzil tajoyowaj nuwech achi'el nubij ri ach'abel.

Wuj Richin Bix Chire ri Dios 119:34

Taya' nuna'oj richin kan xtinben ri nubij chupan ri apixa'. Rik'in k'a ronojel wánima xtinben ri nubij.

Wuj Richin Bix Chire ri Dios 119:10

Yin kan rik'in k'a ronojel wánima atinkanon-pe. Man taya' q'ij chi ninch'er kan wi' chire ri apixa'.

Wuj Richin Bix Chire ri Dios 119:2

Jebel ruwa-kiq'ij ri kan nikitaqej ri ruk'utun kan ri Dios, ri kan rik'in ronojel kánima nikikanoj.

Wuj Richin Bix Chire ri Dios 111:1

Tinimirisex ruq'ij ri Jehová. Yin xtinya' ruq'ij ri Jehová rik'in ronojel wánima. Beneq ruwech keri' xtinben chupan ri molojri'il kichin ri choj kik'aslen.

Wuj Richin Bix Chire ri Dios 94:15

Rat kan xtaben k'a chi ri ruchojmilal xtapon chik chupan ri q'atbel-tzij. Kan jari' ri xtikikanoj ri winaqi' choj kik'aslen.

Wuj Richin Bix Chire ri Dios 84:11

Roma rat Jehová Dios, kan ja rat yasaqirisan ri qabey, y yojachajij; kan naya' ri utzil y ruwaq'ijaj chike ri yebiyin choj chawech rat, y kan man nawelesaj ta k'a ri awutzil pa kiwi'.

Wuj Richin Bix Chire ri Dios 32:11

Kan kenimaq'ijun y kekikot rik'in ri Jehová, ri kikuquban kik'u'x rik'in. Kebixan rik'in kikoten konojel ri choj kibanobal chuwech ri Dios.

Wuj Richin Bix Chire ri Dios 9:1

Jehová, kan ninya' aq'ij rik'in ronojel wánima. Kan xtintzijoj k'a ronojel ri meyel taq abanobal.

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

1 Crón 12:33

Chupan ri tzobaj richin kan ri Zabulón xe'apon e 50,000 aj-labal; kik'uan-el jalajoj ruwech kamisabel, y kan e beneq rik'in ronojel kánima richin nibekito' ri David.

1 Rey 15:3

Y ri Abiam xa xuben ri mak achi'el xuben ri rutata', xa man xucha' ta ruk'u'x chubanik ri niqa' chuwech ri Jehová ri ru-Dios, man xuben ta achi'el xuben ri David ri rumama'.

Wuj Richin ri Chojmirisabelri'il 16:4

Ri nabey, ri k'o k'a chi nuben ri Aarón, ja ri natin, y k'ari' nukusaj ri rutziaq ri kan ch'aron richin pa nusamaj, ri e banon rik'in lino: Ri rupan rutziaq, ri nim raqen rutziaq, ri ximibel-rupan y ri kuchubel-rujolon retal ri rusamaj.

San Lucas 1:1

Nimalej Teófilo: E k'iy yan k'a kitijon chik kiq'ij richin nikitz'ibaj pa rucholajen ri xa k'a ja re q'ij re' xebanatej,

Hechos 22:16

¿Utz kami abanon chi kela' atk'o-qa y ri q'ij junanin beneq? Kabiyin k'a richin niqasex ya' pan awi', y tanimaj rubi' ri ajaw Jesús, richin nikuyutej ri amak, xcha' chuwe.

Hebreos 6:11

Y niqarayij chi kan ta achi'el ri ajowabel ri k'o iwik'in wakami, keri' ta xtuben apo, richin chi ri iwoyoben kan qitzij ta xtibanatej.

Hebreos 10:1

Ri pixa' ri xya'ox chire ri Moisés, xaxe ok rumujal ri utzil ri nuk'en-pe ri Cristo y man ja ta ri' ri qitzij. Roma ri' xa man jun bey xtikir xuben ch'ajch'oj chike ri ronojel juna' xekisuj chikopi' chire ri Dios.