Hebreos 10:20 - Kaqchiquel Bible

²⁰ Kan xujeq-wi k'a jun k'ak'a' bey chiqawech ri richin k'aslen, chirij apo ri tasbel rupan ri rachoch ri Dios, ri oj ruch'aron rik'in rija' ri ojer kan. Re' xuben rik'in ri ruch'akul ri xutej poqon chuwech ri cruz.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Porque rikꞌin ri rukamik ri Jesús, xujeq jun kꞌakꞌakꞌ y kꞌaslik bꞌey chiqawech. Atoq xken rijaꞌ, ri pimilej kꞌul jachayon rupan rachoch ri Dios xretzetej, y xel pa kaꞌiꞌ, y wokami maneq ndiqꞌato qabꞌey chin ngojbꞌeqaqa chuwech ri Dios.

Kaqchikel Santa Maria de Jesus

²⁰ Can xujak ri jun cꞌacꞌacꞌ y cꞌaslic bꞌay chakavach, antok jajaꞌ xcon choch ri cruz. Xkꞌachꞌitaj pa nicꞌaj y caꞌyeꞌ xiel ri tziak ri choj cha jachuon-ve rupan ri templo. Mareꞌ vacame man jun chic nikꞌato kabꞌiey chi nkubꞌaka cꞌa riqꞌuin ri Dios.

Kaqchikel Central Guatemala

²⁰ Can xujek-vi c'a jun c'ac'a' bey chikavech, bey ri richin c'aslen; tok rija' xquen (xcom) chuvech ri cruz. Y tok xquen (xcom), ri tziek ri tz'apeyon richin ri parte richin ri rachoch ri Dios ri Más Santo'ilej, xel pa ca'i'. Y ri' nuk'alajirisaj chikavech chi vacami man jun nik'aton kichin richin yojjel-apo c'a riq'uin ri Dios.

Re C'ac'a Testamento pa Kach'abal

²⁰ Tak re Jesús xcom cho cruz, xujak jun c'ac'a bey chakavach, y re bey re' ja re bey chin c'aslen. Y tak reja' xcom, re utzulaj tziak re anchok cha tason-va rupan re rachoch re Dios xel ca'e' y riq'uin re' xjakataj ruchi' re lugar nibex Santísimo cha. Y re' xusekresaj chakavach che vocame c'o modo yojoc-apo riq'uin re Dios y man jun nik'ato kachin.

Kaqchikel Western Solola

²⁰ Can xujek wi c'a jun c'ac'ac' bey chkawech, bey ri riche (rixin) c'aslen; tek Riya' xcom chuwech ri cruz. Xretzetej (xtzeretej) c'a pa ca'i' ri tziek ri achoj riq'ui jachon wi ri nimalaj Lok'olaj lugar chiri' pa rachoch ri Dios. Y ri' nuk'alajsaj chkawech chi wacami majun nik'ato kiche (kixin) riche (rixin) chi yojjel apo c'a riq'ui ri Dios.

Hebreos 10:20 ပူးပေါင်းရင်းမြစ်များ

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

San Juan 10:9

Ja yin k'a ri achi'el ruchi' ri qejoj. Ri xtok k'a wik'in yin, kan xtikolotej. Ri wineq ri' achi'el jun karne'l nok y nel-pe chupan ri qejoj y nril ronojel ri nik'atzin chire.

Hebreos 9:3

Chirij ri tasbel rupan ri jay k'o ri akuchi kan janila loq'olej y man jun wineq nitikir nok-apo.

Hebreos 9:8

Rik'in ri' ri Loq'olej Espíritu nuq'alajirisaj chiqawech chi chupan ri q'ij ri' man jani ye'apon ri winaqi' ri akuchi kan janila loq'olej rokik ri nabey jay k'a k'o na.

Hebreos 6:19

Ri kuqubabel-k'u'x ri' rubanon chiqe chi achi'el xa ta oj yuqul rik'in ri Dios rik'in jun kolo' ri janila ruchuq'a'. Ri qoyoben-apo ja ri Jesús ri xuq'axaj yan ri tasbel rupan ri rachoch ri Dios ri k'o chila' chikaj.

San Juan 10:7

K'ari' ri Jesús xch'on chik jun bey y xubij chike ri fariseo: Kan qitzij k'a ninbij chiwe chi ja yin ri achi'el ruchi' ri qejoj ri akuchi ye'ok-apo ri taq karne'l.

1 Juan 4:2

Y yixtikir k'a niwetamaj wi kan rik'in ri Loq'olej Espíritu richin ri Dios e peteneq-wi, o xa man keri' ta. Wi nikibij chi ri Jesucristo xpe wawe' chuwach'ulew y xok wineq achi'el roj, nuq'alajirisaj chi ja ri Loq'olej Espíritu richin ri Dios yoyon ri kich'abel.

1 Pedro 3:18

Roma ri Cristo xutej chuqa' poqon xaxe jun bey roma ri mak.stape' ri ruk'aslen rija' kan choj wi, jak'a kan xken pa ruk'exel ri itzel ruk'aslen. Y rik'in ri' yojruk'uaj chuwech ri Dios. Stape' rija' xken rik'in ri ruch'akul richin wineq, jak'a kan xk'astej rik'in ri espíritu.

1 Timoteo 3:16

Y qitzij na wi chi kan janila nim rejqalen ri ruq'alajirisan chik ri Dios chiqawech re wakami: Ri Jesucristo xpe wawe' chuwech re ruwach'ulew, y xok wineq achi'el roj. Xk'ut chiqawech roma ri Loq'olej Espíritu chi kan choj wi ruk'aslen. chuqa' xtz'etetej koma ri ángel. Xtzijox chuwech ronojel re ruwach'ulew, y e k'iy xkikuquba' kik'u'x rik'in. Y toq xel-el chuwech re ruwach'ulew, xk'ul chila' chikaj roma ri Dios.

San Lucas 23:45

Ri q'ij kan man xsaqirisan ta chik, y jari' xel k'a pa ka'i' ri tzieq ri achoq ik'in ch'aron-wi rupan ri rachoch ri Dios.

Marcos 15:38

Y ri tzieq ri achoq ik'in ch'aron-wi ri rupan ri rachoch ri Dios xel pa ka'i'. Xuchop-pe pa jotol k'a pa xulan-qa.

San Mateo 27:51

Jari' k'a toq ri tzieq ri achoq ik'in ch'aron-wi ri rupan ri rachoch ri Dios xel pa ka'i'. Xuchop-pe pa jotol k'a pa xulan-qa. Chuqa' ri ruwach'ulew kan xsilon-wi y ri abej xerajro'.

Wuj Richin ri Chojmirisabelri'il 16:2

Y ri Jehová kere' k'a ri xubij chire: Tabij chire ri Aarón, ri animal, chi man xabachike ta ramaj nok-apo chirij ri tzieq ri tasbel rupan ri wachoch, ni chuwech-apo ri tz'apebel ruwi' ri káxa, richin chi man niken ta, roma yin kan chiri' chupan jun mokol sutz' ninbenk'utu-wi'.

2 Juan 1:7

E k'iy k'a q'olonela' yebiyaj chuwech re ruwach'ulew ri yebin chi ri Jesucristo toq xpe wawe' chuwech re ruwach'ulew, man xok ta wineq achi'el roj. Ri nibin keri' chirij ri Jesucristo, jari' k'a ri q'olonel ri netzelan richin ri Cristo.

Efesios 2:15

Rik'in ri rukamik xuyoj ri qapixa', richin chi stape' ka'i' tinamit xa jun xuben chiqe. Y re wakami junan chik qawech y xa jun chik qabanon rik'in ri Cristo.

Wuj Richin ri Chojmirisabelri'il 21:23

Jak'a chirij-apo ri tzieq ri nich'aron rupan ri jay kan man ke'ok-apo, ni man kejel-apo rik'in ri porobel, richin keri' man nikiben ta chire ri wachoch chi maneq rejqalen, roma ja yin Jehová ri in ch'arayon richin ri sacerdote, xcha' ri Dios chire ri Moisés.

Wuj Richin ri Chojmirisabelri'il 16:15

Y chirij re' ri Aarón xtukamisaj ri achij tzuntzun ri xkik'en-pe ri winaqi', richin nikuyutej kimak. Y xtuk'uaj-apo ri kik' chirij ri tzieq ri tasbel rupan ri wachoch. Y k'ari' xtuben achi'el xuben rik'in ri rukik'el ri wákix; xtuchikaj k'a chuwech-pe ri káxa y pa ruwi' ri tz'apebel.