Hebreos 10:11 - Kaqchiquel Bible

¹¹ Ri sacerdote beneq-ruwech yesamej. Q'ij-q'ij yekisuj chikopi' roma kimak ri winaqi'. Jak'a xa man nitikir ta nrelesaj-el jumul ri mak.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Qꞌij-qꞌij ri sacerdotes israelitas epeꞌel ndikibꞌen rusamaj ri Dios y ndikisuj kikikꞌel awej teq chikap chuwech ri Dios, pero ri kikꞌ ri ngekisuj ma nditiker ta ndirelesaj chin jumul ri mak pa kikꞌaslen ri wineq.

Kaqchikel Santa Maria de Jesus

¹¹ Ri sacerdotes ri icꞌo vaveꞌ choch-ulief can kꞌij-kꞌij ncaꞌquiyaꞌ chicop choch ri Dios ruma qui-pecados ri vinak. Pero ri niquiꞌan ijejeꞌ man nitiquir ta nralasaj-el qui-pecados ri vinak.

Kaqchikel Central Guatemala

¹¹ Ri sacerdotes aj-ruvach'ulef, benek-ruvech yesamej. K'ij-k'ij yequisuj chicop chire ri Dios, roma quimac ri vinek. Pero ri niquiben man nitiquir ta nrelesaj-el ri quimac ri vinek.

Re C'ac'a Testamento pa Kach'abal

¹¹ Re sacerdotes k'ij-k'ij ye'quisuj chicop cha re Dios, roma re quimac re vinak. Pero re niquiban man nitiquir-ta nulisaj-a re quimac re vinak.

Kaqchikel Western Solola

¹¹ Ri sacerdotes quiche (quixin) ri israelitas, k'ij k'ij yequicamisaj chicop riche (rixin) chi yequitzuj (yequisuj) chuwech ri Dios ruma quimac ri winek. Pero ri niquiben ma nicowin ta nrelesaj el ri quimac ri winek.

Hebreos 10:11 ပူးပေါင်းရင်းမြစ်များ

Hebreos 10:4

Roma ri kikik'el ri achija' taq wákix y ri tzuntzun kan man yetikir ta nikelesaj ri kimak.

Hebreos 5:1

Y etaman-wi chi konojel ri e nimalej sacerdote e cha'on-pe chikikojol ri winaqi'. Ri kisamaj ja ri yekito' ri winaqi' richin nikisuj ri sipanik y ri kamelabel richin ri mak chuwech ri Dios.

Wuj Richin ri Q'axanri'il 28:3

Chuqa' xtabij chike chi ja sipanik re' ri xtikisuj chinuwech yin: Q'ij q'ij kan tikisuju' k'a ka'i' nima-alaj achij taq karne'l ri jun kijuna', ri kan e tz'aqet. Jari' k'a ri xtikiporoj chijun chinuwech.

Hebreos 7:27

Rija' man achi'el ta k'a ri nimalej taq sacerdote ri e riy-rumam kan ri Leví. Roma rije' ronojel q'ij k'o chi yekisuj chikopi' chire ri Dios roma ri kimak y roma chuqa' ri kimak ri kiwinaq. Jak'a ri Jesús man nik'atzin ta chi k'iy bey k'o ta ri nusuj chire ri Dios. Rija' xa jun bey ri k'o chi xken chuwech ri cruz.

Wuj Richin ri Isaías 1:11

¿Achike ta k'a nik'atzin chuwe ri janila chi kamelabel ri niben? Kan xik'o yan nuk'u'x rik'in ri poron taq karne'l, y ri kiq'anal ri e tiojirisan taq chikopi'. Man ninrayij ta chik ri kikik'el ri bóyix, ni kichin ri alaji' taq karne'l ni ri taq tzuntzun.

Hebreos 10:1

Ri pixa' ri xya'ox chire ri Moisés, xaxe ok rumujal ri utzil ri nuk'en-pe ri Cristo y man ja ta ri' ri qitzij. Roma ri' xa man jun bey xtikir xuben ch'ajch'oj chike ri ronojel juna' xekisuj chikopi' chire ri Dios.

Dn 12:11

Xtuben k'a 1,290 q'ij chi man xtisuj ta chik ri kamelabel ri yesuj q'ij-q'ij, xa xtisuj k'a ri kamelabel ri kan nrixowaj ri Dios.

Dn 11:31

Ri e aj-labal aj-Siria xkeyakatej k'a chirij ri rachoch ri Dios, y xtikiben chire chi man jun rejqalen. Xtikipaba' k'a rusujik ri kamelabel ri yesuj ronojel nimaq'a' y tiqaq'ij, y xtikisuj k'a jun tz'il laj kamelabel ri kan nrixowaj ri Dios.

Dn 9:27

Chirij re' ri aj-raqen kan xtujikiba' k'a rutzij kik'in ri ruwinaq ri Dios chupan ri rutikeribel ri wuqu' chik juna'. Jak'a toq xq'ax yan oxi' juna' rik'in nik'aj, kan xtupaba' k'a rusujik ri kamelabel y ri jalajoj ruwech sipanik. Chirij k'ari', rija' xtiberubana' jun banobel ri kan nrixowaj ri Dios, keri' k'a xtuben k'a toq xtitz'aqet ri wuqu' juna' ri', toq ri Dios xtuya' ri rutojbalil-mak pa ruwi'.

Dn 9:21

Rokik yinajin chire ri ch'owen ri', jari' toq ri Gabriel, ri nutz'eton chik chupan ri achi'el achik', peteneq k'a pa kaq'iq' y xoqaqa wik'in, chupan ri ramaj toq nisuj ri kamelabel richin tiqaq'ij pa Jerusalem.

Dn 8:11

Pa ruwi' ri', kan xunimirisaj-ri' chuwech ri aj-raqen ri k'o pa kiwi' rije'. Y man jun rejqalen xuben chire ri kamelabel ri yesuj q'ij-q'ij, y ri rachoch ri Dios kan xuqasaj ruq'ij.

Ez 45:4

Ri juba' chik chire re ulew re', jari' ri xtok kichin ri sacerdote ri yesamajin ri wachoch, roma rije' kan xkejel-apo wik'in richin yinkisamajij y kan chiri' chuqa' xtik'oje-wi ri kachoch rije'. Y re ulew re' kan xtik'oje' k'a janila rejqalen.

Wuj Richin ri Q'axanri'il 29:6

K'o chi nisuj ri sipanik ri' rachibilan ri sipanik ri nisuj ronojel ik' y ri sipanik ri nisuj q'ij-q'ij e rachibilan ri sipanik richin jalajoj ruwech ixin y ri vino. Ronojel re sipanik re' richin yeporox y kan nijubulin chinuwech.

Wuj Richin ri Q'axanri'il 28:24

Keri' niben chi wuqu' q'ij chire ri nimaq'ij, richin nijubulin chinuwech ri sipanik ri yeporox chijun. Y ronojel ri sipanik ri' kachibilan ri chikopi' ri ye'isuj q'ij-q'ij ronojel nimaq'a' kachibilan ri vino.

Ex 29:36

Y ronojel k'a q'ij chire ri wuqu' q'ij ri' xtasuj jun alaj achij wákix richin kuyubel-mak pa ruwi' ri porobel. Ronojel mul toq xtasuj ri kamelabel, k'o chi nach'ajch'ojirisaj na ri porobel. Y k'ari' xtaya' aceite pa ruwi' y keri' ri porobel kan xtajech k'a pa nusamaj.

Wuj Richin ri Miqueas 6:6

¿Achike ta k'a xtink'uaj richin xkinapon chuwech ri Jehová? ¿Achike xtinsipaj chire toq xtinya' ruq'ij ri nimalej Dios? ¿Kan ruk'amon kami chi xkinapon chuwech rik'in poron chikop? ¿Xkenk'uaj ta k'a el alaji' wákix ri k'o jujun kijuna'?

Hebreos 8:2

Chuqa' nisamej chila' chikaj chupan ri qitzij rachoch ri Dios akuchi xaxe rija' ruk'amon chi nik'oje'; jay ri banon roma rija' y man winaqi' ta e banayon.

Hebreos 8:4

Jak'a wi rija' k'o ta chuwech re ruwach'ulew, ni ta xa samaj richin jun choj sacerdote ri nitikir ta nuben, roma ri pixa' nubij chi yeruya' kan pa samaj ri sacerdote richin yekisuj sipanik y kamelabel chuwech ri Dios.