Hebreos 1:7 - Kaqchiquel Bible

⁷ Chikij ri ángel xaxe nubij:*f2* Ri nu-ángel ninben chike chi e achi'el ri kaq'iq', chi e achi'el ri ruxaq-q'aq', nicha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁷ Jakꞌa pa kiwiꞌ ri ángeles, ri rutzij ri Dios kereꞌ ndubꞌij: Ri Dios ndubꞌen chake ri ru-ángeles chi ngeꞌok achel kaqiqꞌ Y ndubꞌen chake ri rusamajelaꞌ chi ngeꞌok achel ruxaq teq qꞌaqꞌ.

Kaqchikel Santa Maria de Jesus

⁷ Y chiquij ri ángeles joꞌc nuꞌej: Ri nu-ángeles chaꞌnin niquiꞌan ri nusamaj, ruma niꞌan chica chi incheꞌl cakꞌiekꞌ y incheꞌl ruxak-kꞌakꞌ.

Kaqchikel Central Guatemala

⁷ Chiquij c'a ri ángeles xaxe nubij: Ri nu-ángeles janíla yebiyin chubanic ri nusamaj, roma ninben chique chi e achi'el ri cak'ik' y e achi'el ri ruxak-k'ak'.

Re C'ac'a Testamento pa Kach'abal

⁷ Y chiquij re ángeles xaxe nubij: Re nu-ángeles camas ye'biyin chubanic re nusamaj, roma nimban chique che je ancha'l cak'ik' y je ancha'l relámpago.

Kaqchikel Western Solola

⁷ Chiquij c'a ri ángeles, ri tz'ibatal ca xaxu (xaxe) wi nubij: Ri ru'ángeles ri Dios sibilaj yebiyin chubanic ri rusamaj, ruma nuben chique chi ye achi'el ri cak'ik' y nuben chique ri rusamajela' chi ye achi'el ri ruxak k'ak'.

Hebreos 1:7 ပူးပေါင်းရင်းမြစ်များ

Wuj Richin Bix Chire ri Dios 104:4

Ri kaq'iq' kan jari' ri e ataqon. Ri koyopa' jari' k'a ri banoy asamaj.

Hebreos 1:14

Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

2 Rey 6:17

K'ari' ri Eliseo xch'on rik'in ri Dios y xubij: Tabana' utzil Jehová, tajaqa' ri runaq'-ruwech ri nusamajel richin yerutz'et ri aj-labal ri ataqon-pe rat, xcha'. K'ari' ri Jehová xuben chire ri samajel richin xjaqatej ri runaq'-ruwech. Y xutz'et k'a chi ri juyu' e nojineq chi aj-labal ri yech'oke' chirij kiej y ri e beneq pa carruaje rik'in q'aq', ri kisutin-rij ri tinamit.

2 Rey 2:11

Y toq rije' yetzijon e beneq pa bey, chaq k'ate' xok'ulun jun carruaje qiriren-pe koma kiej, y ri kiej y ri carruaje kan pa ruxaq q'aq' k'a e peteneq-wi. Y re' kan xeruch'er k'a ri Elías y ri Eliseo, y ri Elías xuk'uex k'a el chikaj pa jun surkum.

Wuj Richin ri Zacarías 6:5

Y rija' xubij chuwe chi jare' ri kaji' espíritu ri ye'el-pe rik'in ri Jehová richin yepe chuwech chijun ri ruwach'ulew.

Dn 7:10

Y chiri' kan nel-pe q'aq', kan achi'el k'a jun raqen-ya' ri nibusku'l. Kan pa taq 1,000 k'a ri yesamajin richin; kan man e ajlatel ta k'a ri ek'o-apo chunaqaj. Ri Dios ri tz'uyul chupan ri tz'uyubel xuchop k'a nuq'et-tzij, y xejaq k'a ri wuj ri ek'o chuwech.

Wuj Richin ri Isaías 6:2

Y pa ruwi-el rija' ek'o k'a serafín,*f1* y chikijujunal rije' k'o k'a waqi' kixik'. Rik'in ri ka'i' kixik' kitz'apen ri kipalej; rik'in ri ka'i' kitz'apen ri kaqen, y rik'in ri ka'i' chik kixik' yexik'an.

Wuj Richin ri Rutikeribel 3:24

Y toq xerelesaj-pe chupan ri qejoj ri', ri pa relebel-q'ij chire ri qejoj xeruya' querubín*f4* y jun espada rik'in q'aq' nisutin chuchi' ri qejoj, richin nuchajij ri bey, akuchi k'o-wi ri che' ri nuya' k'aslen.

1 Rey 22:19

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.