Hebreos 1:11 - Kaqchiquel Bible

¹¹ Ri ruwach'ulew y ri kaj xkek'is. Jak'a rat kan man jun bey xkak'is. Ri ruwach'ulew y ri kaj xa kan xkerijix, achi'el yerijix ri tzieq.

နောက်ထပ်ဗားရှင်းများ

Kaqchikel Santo Domingo (Xenacoj)

¹¹ Ri rochꞌulew y ri kaj kin xtikꞌis kiqꞌij, Ngejaratej achel jun tzieq, Pero rat jumul ratkꞌo.

Kaqchikel Santa Maria de Jesus

¹¹ Ri roch-ulief y ri rocaj can xcaꞌqꞌuis, pero atreꞌ man xcaqꞌuis ta. Quinojiel can xtiquiꞌan vieja, incheꞌl nuꞌon ri tziak.

Kaqchikel Central Guatemala

¹¹ Ri ruvach'ulef y ri caj xqueq'uis. Jac'a rat man jun bey xcaq'uis ta. Ri ruvach'ulef y ri caj xa can xquerijix, achi'el yerijix ri tziek.

Re C'ac'a Testamento pa Kach'abal

¹¹ Re ruch'ulef y re rocaj xque'q'uis. Pero rat man jun bey xcaq'uis. Re ruch'ulef y re rocaj xa can xque'tziakor, ancha'l nitziakor jun tziak,

Kaqchikel Western Solola

¹¹ Ri ruwach'ulef y ri caj xqueq'uis, yac'a riyit majun bey xcaq'uis ta. Ri ruwach'ulef y ri caj xa can xquerijix wi, achi'el nirijix jun tziek.

Hebreos 1:11 ပူးပေါင်းရင်းမြစ်များ

Wuj Richin ri Isaías 51:6

Rix israelita, kan kixtzu'un-el chikaj, chuqa' kan kixtzu'un-qa chuwech re ruwach'ulew. Roma ri kaj xa kan xtik'is achi'el ri sib; y ri ruwach'ulew xa kan xtitziaqir, achi'el nitziaqir jun tzieq. Y ri winaqi' ri ek'o chuwech, xa kan xkeken achi'el ri taq us. Jak'a ri nukolotajik kan xtik'oje' richin q'asen, y ri ruchojmilal kan man xtik'is ta.

Marcos 13:31

Re ruwach'ulew y ri kaj kan richin wi yek'is. Jak'a ri nuch'abel man xtik'is ta choj keri'.

Wuj Richin ri Isaías 34:4

Ronojel k'a ri ek'o chuwech ri kaj xa xkechup-qa, y ri kaj kan xtubot-ri' achi'el nubot-ri' jun wuj. Keri' konojel ri ch'umila' man xkech'ich'an ta chik. Kan xketzaq k'a achi'el yetzaq-el ri ruxaq ri juwi-uva, ó ri ruxaq ri wíkix.

Apocalipsis 21:1

Chirij ri' chupan ri achi'el achik', xintz'et k'a ri k'ak'a' kaj y ri k'ak'a' ruwach'ulew, roma ri kaj y ri ruwach'ulew ri xek'oje' pa nabey, xa e maneq chik. Y ri palou xa kan maneq chik chuqa'.

San Lucas 21:33

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

San Mateo 24:35

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

Hebreos 12:27

Y toq nubij chi k'o chik jun q'ij, ri' kan niq'ax-wi k'a chi xkejalatej k'a el ronojel, roma xa e banon. Richin keri' xa kan xaxe xkeq'alajin kan ri man jun bey xkejalatej ta.

Wuj Richin ri Isaías 65:17

Titz'eta' k'a; yin kan xtinben jun chik k'ak'a' kaj, y jun chik k'ak'a' ruwach'ulew. Ronojel ri q'axo'n xa xkemestex, y kan man xtinatex ta chik.

Wuj Richin Bix Chire ri Dios 90:2

Kan ja toq k'a man jani kebek'ulun-pe ri nima'q taq juyu', toq k'a man jani taben ri ruwach'ulew y ronojel ri k'o chuwech, kan jampe' ri q'ij peteneq, tibe-q'ij tibe-seq, kan xaxe wi rat ri at Dios.

Wuj Richin Bix Chire ri Dios 10:16

¡Jehová, ja rat at qa-rey richin q'asen! ri man yatkitzeqelibej ta, xa xkek'is jumul.

Apocalipsis 20:11

Chirij ri' xintz'et k'a jun tz'uyubel richin q'atbel-tzij ri kan nirepelun, y xintz'et ri tz'uyul chupan, ri achoq chuwech xe'animej-wi ri kaj y ri ruwach'ulew y man jun bey chik xetz'etetej.

Apocalipsis 2:8

Y chuqa' xubij chuwe chi tintz'ibaj el chire ri ángel kichin ri molaj nimanela' ri chiri' pan Esmirna y tinbij-el; chi ri kan k'o pe pa rutikeribel y pa ruk'isibel, ri xkamisex y xk'oje' chik ruk'aslen kere' nubij:

Apocalipsis 1:11

Y xubij chuwe: Tatz'ibaj pa jun wuj ronojel ri natz'et y tataqa-el pan Asia chike ri wuqu' molaj nimanela' ri ek'o chiri'; chike ri aj pan Éfeso, ri aj pan Esmirna, ri aj pa Pérgamo, ri aj pa Tiatira, ri aj pa Sardes, ri aj pa Filadelfia y chike ri aj pa Laodicea, xcha' chuwe.

Wuj Richin ri Isaías 50:9

Yin kan ja ri Jehová k'iytisanel richin ronojel ri xtito'on wichin. Roma ri' kan man jun xtitikir chuwij. Roma konojel ri e etzelanel wichin xa kan xkek'is, achi'el nuben jun tzieq tzia'q, ri kan janila xkusex, ncha' ri samajel.

Wuj Richin ri Isaías 41:4

¿Achike ta k'a banayon ronojel re'? ¿Achike ta k'a ri kan pa rutikeribel xuben ronojel re? Ja yin Jehová, ri xik'oje-pe ojer, y ri xkik'oje' ri chiwech apo.

Wuj Richin Bix Chire ri Dios 29:10

Kan ja ri Jehová ri niq'aton-tzij pa ruwi' ri ya'. Kan nik'oje' k'a richin nuq'et-tzij jantape'.

Wuj Richin ri Isaías 51:8

Roma rije' xa kan xkek'is, achi'el toq niqupuqu-qa ri tzieq; chuqa' achi'el toq ri chikopi' nikijuk' ri lana. Jak'a ri ruchojmilal ri ninya' yin kan xtik'oje' richin q'asen. Y ri nukolotajik kan xtik'oje' pan iwi' rix, y pa kiwi' ri chi wiq chi sol, ncha' ri Dios.

Wuj Richin ri Isaías 44:6

Yin Jehová, ri in rey richin Israel, ri nikolon richin. Ja yin Jehová k'iytisanel richin ronojel. Ja yin ri xik'oje-pe nabey, y ja yin ri xkik'oje' pa ruk'isibel. Man jun chik Dios k'o achi'el yin, y xaxe yin ri in i-Dios.

Wuj Richin Bix Chire ri Dios 102:26

Ronojel re' xa xkek'is, jak'a rat kan beneq k'a ruwech atk'o. Ronojel xa xkerijix, achi'el nuben jun tzieq. Rat kan naben k'a chire ronojel chi achi'el jun tzieq ri xa nijal kan y kan yejalatej k'a el.

Hebreos 8:13

Y toq ri Dios xunataj ri k'ak'a' jikibel-tzij, rik'in ri' xq'alajin chi ri nabey jikibel-tzij xa man nik'atzin ta chik, roma xa napon yan ri q'ij chi nik'is.