Wuj Richin ri Rutikeribel 9:3 - Kaqchiquel Bible

³ Chuqa' utz ye'itej ri kitijul ri chikopi'; chuqa' ninya' q'ij chiwe richin nitej ronojel ruwech ichaj.

Wuj Richin ri Rutikeribel 9:3 ပူးပေါင်းရင်းမြစ်များ

Romanos 14:14

Yin wetaman y kuqul nuk'u'x rik'in ri ajaw Jesús chi kan man jun ri nitij xajan ta chuwech ri Dios. Jak'a wi chuwech jun qach'alal k'o ri xajan yetij, kan ke k'ari' chuwech rija' ri'.

Deut 12:15

Jak'a man rik'in ri', kan utz k'a nikamisaj ri iwawej y nitej ri ti'ij chupan ri itinamit ri q'ij toq nirayij. Utz nitej ri xa janipe' nusipaj ri Jehová ri qa-Dios chiwe. Titija' k'a chi'iwonojel; ch'ajch'oj o man ch'ajch'oj ta, utz nitej achi'el ri kich'akul ri jalajoj kiwech masat.

1 Corintios 10:31

Roma ri' yin ninbij chiwe chi toq yixwa-yixuk'ya' o xabachike chik ri niben, kan tibana' k'a richin niya' ruq'ij-ruk'ojlen ri Dios.

Colosenses 2:16

Roma xik'ul ri kolotajik rik'in ri Cristo, man jun k'a tich'on itzel chiwij rix, roma ri nitej, ri niqum, ri man nichajij ta ri q'ij toq nalex ri ik', ri q'ij richin uxlanen y ri ch'aqa' chik nimaq'ij.

1 Corintios 10:23

Ek'o chiwe rix ri nikibij chi e totajineq chik, y roma ri' yetikir nikiben xabachike ri nikajo'. Kan qitzij wi. Jak'a man ronojel ta utz nuben chike ri qach'alal.

Romanos 14:3

Roj ri niqatej ronojel, man keqetzelaj ri qach'alal ri man nikitej ta ronojel. Y ri qach'alal ri' man tikibij chi man utz ta ri niqaben roj roma niqatej ronojel. Ri Dios oj ruk'ulun qonojel, wi niqatej o man niqatej ta ronojel.

Wuj Richin ri Chojmirisabelri'il 22:8

Man nitej ri ti'ij richin jun chikop ri xken ruyon o ri xkamisex roma jun k'uxunel chikop, roma rik'in re' xa kan niben chi kan man ix ch'ajch'oj ta. Yin Jehová ri yibin.

Romanos 14:20

Man tiqawulaj ri rusamaj ri Dios rik'in ronojel ri yeqatijla'. Kan qitzij wi chi ronojel utz yetij, jak'a man utz ta wi k'o jun qach'alal ri nitzaq roma nutz'et chi niqatej ronojel.

Romanos 14:17

Roma, ri rajawaren ri Dios man wa'in y qumuj ta. Ri nik'atzin ja ri niqak'uaj jun k'aslen choj y k'o uxlanen y kikoten pa taq qánima roma k'o ri Loq'olej Espíritu qik'in.

Wuj Richin ri Rutikeribel 9:2

Ronojel kiwech chikopi' richin ri ruwach'ulew xkebaybot k'a roma xibinri'il y kan xtik'oje' k'a ikiy chikiwech: Konojel ri aj-xik' taq chikopi', ri chikopi' ri ek'o pa ya' y konojel ri k'o kik'aslen kek'oje' pan iq'a'.