Wuj Richin ri Rutikeribel 9:25 - Kaqchiquel Bible

²⁵ Y ri Noé xubij k'a: Kan tiqaqa k'a ri itzel pa ruwi' ri Canaán, rija' xtok jun wineq ri xtiyuqe' pa samaj, kan xtok k'a jun chaq relik samajel kichin ri rach'alal.

Wuj Richin ri Rutikeribel 9:25 ပူးပေါင်းရင်းမြစ်များ

Wuj Richin ri Josúe 9:23

Roma ri', wakami itzel k'a ruwa-iq'ij y kan beneq k'a ruwech xkixok samajel chiqakojol roj. Jantape' k'a xkixok banoy si' y erey taq ya' richin ri rachoch ri qa-Dios, xcha' ri Josué.

San Juan 8:34

Jak'a ri Jesús xubij chike: Kan qitzij k'a ninbij chiwe chi konojel winaqi' ri xa k'a yemakun na, kan niq'alajin chi chuxe' rutzij ri mak ek'o-wi y jari' ri uk'uayon kichin achi'el jun loq'on samajel.

Wuj Richin ri Josúe 9:27

Chupan ri q'ij ri' xuben chike chi ri kisamaj rije' ja ri banoj si' y eran-ya' kichin ri winaqi' israelita y chuqa' xtikiben ri xtik'atzin chupan ri rachoch ri Jehová, xabakuchi ta k'a xtubij ri Jehová ri akuchi xtik'oje-wi ri rachoch. Y ri winaqi' ri' kan ja kisamaj ri' k'a re wakami.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

Deut 28:18

Ri Jehová xtuben chi juba' ok iwalk'ual xkek'oje', y xa juba' ok xtiwachin ri itiko'n, y ri kal ri iwawej kan e juba' ok.

Wuj Richin ri Rutikeribel 49:7

Kan tiqaqa-wi k'a itzel pa kiwi' roma ri koyowal, roma ri koyowal kan nik'uxun, ri etzelal ri k'o pa kánima, kan maneq juba' joyowanik chupan; roma ri' kan xkenwelesaj k'a el chikikojol ri walk'ual yin, Jacob, kan xkentaluj k'a el chikiwech ri walk'ual yin, Israel, xcha'.

Wuj Richin ri Rutikeribel 9:22

Y ri Cam, ri rutata' ri Canaán, xa xutz'et k'a kan chi ri rutata' maneq rutziaq; jak'a rija' xa xuchop rutzijoxik chike ri e ka'i' runimal ri ek'o kan chuwa-jay.

Wuj Richin ri Rutikeribel 4:11

Wakami k'a xtinben chawe chi kan xtiqaqa ri itzel pan awi', roma xaben chire ri ruwach'ulew chi xuk'ul ri rukik'el ri achaq' ri xakamisaj. Y man jun bey chik xtasamajij ri ulew.

Wuj Richin ri Rutikeribel 3:14

Y ri Dios xubij chire ri kumetz ri': Roma kere' xaben, rat y konojel ri awijatzul ri xke'alex, kan xtiqaqa k'a itzel pan iwi' y re' kan xaxe k'a rix chikikojol konojel ri chikopi'; chikikojol ri aj-chuwa-jay y ri ek'o pa k'echelaj. Xtiqirirej k'a iwi' pan ulew y xtibeq' k'a poqolaj chijun ik'aslen.

Wuj Richin ri Rutikeribel 9:18

Ri ralk'ual ri Noé ri xe'el-pe chupan ri nima-barco, ja ri Sem, ri Cam y ri Jafet. Ri Cam jari' ri rutata' ri Canaán.

Wuj Richin ri Rutikeribel 9:24

Y toq xq'ax yan el ri q'abarik chuwech ri Noé, jari' toq xretamaj chi ri Cam, ri ruch'i'p, xutzijoj ri xuben rija'.