Wuj Richin ri Rutikeribel 9:2 - Kaqchiquel Bible

² Ronojel kiwech chikopi' richin ri ruwach'ulew xkebaybot k'a roma xibinri'il y kan xtik'oje' k'a ikiy chikiwech: Konojel ri aj-xik' taq chikopi', ri chikopi' ri ek'o pa ya' y konojel ri k'o kik'aslen kek'oje' pan iq'a'.

Wuj Richin ri Rutikeribel 9:2 ပူးပေါင်းရင်းမြစ်များ

Wuj Richin ri Rutikeribel 1:21

Ri Dios kan xeruben-wi k'a ri nimalej taq chikopi' ri ek'o pa ya' y ri jalajoj kiwech chikopi' ri k'o kaqen y e richin chuqa' ya' y ronojel kiwech aj-xik' taq chikopi'. Y ri Dios kan utz xutz'et.

Wuj Richin ri Rutikeribel 1:26

K'ari' xubij ri Dios: Wakami k'a tiqabana' ri wineq kan achi'el ri qabanik roj y ja rija' ri xtik'oje' pa kiwi' ronojel kiwech chikopi', ri ek'o pa ya', ri aj-xik' taq chikopi', ri chikopi' ri ye'awajix, ri chikopi' ri ek'o pa k'echelaj y ri chikopi' ri e jepejeq, xcha'.

Wuj Richin ri Rutikeribel 1:28

Y ri Dios kan xerurtisaj y xubij chike: Kixalk'ualan y kixk'iyer y kan tinojisaj k'a ruwech chijun ruwach'ulew y ja rix xkixk'oje' pa kiwi' ri chikopi' ri ek'o pa ya', chikopi' ri yebe pa kaq'iq' y ri chikopi' ri ek'o chuwech re ruwach'ulew, xcha'.

Wuj Richin ri Rutikeribel 2:19

Keri' k'a xuben ri Dios toq xerutz'uk-pe chuwech re ruwach'ulew ronojel kiwech chikopi' richin pa k'echelaj y ronojel kiwech aj-xik' taq chikopi'. Y xeruk'en k'a pe chuwech ri achin richin tuya' kibi'; y ri kibi' ri xtuya' rija' jari' ri kibi' ri xtik'oje' kan.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

Wuj Richin ri Rutikeribel 9:1

Ri Dios xerurtisaj ri Noé y ri e oxi' ruk'ajol y xubij chike: Kixalk'ualan y kixk'iyer y kan tinojisaj k'a ruwech chijun ruwach'ulew.

Wuj Richin ri Rutikeribel 9:3

Chuqa' utz ye'itej ri kitijul ri chikopi'; chuqa' ninya' q'ij chiwe richin nitej ronojel ruwech ichaj.

Wuj Richin ri Achin Job 39:11

¿Kan nakuquba' kami ak'u'x rik'in ri chikop ri', roma janila ruchuq'a'? ¿Kan nakuquba' kami ak'u'x rik'in richin nuben ri asamaj más k'ayew?

Ez 34:25

Chupan ri q'ij ri' xtinben k'a jun tununri'il kik'in ri iwinaq richin chi xtinjikiba' chike jun k'aslen richin uxlanenri'il, achi'el jun yuq'unel yeruk'is ri k'uxunela' taq chikopi' richin chi rije' yek'ase' rik'in ch'uch'ujil y xkewer k'a pa taq juyu' y pa taq k'echelaj.

Os 2:18

Roma ri nutinamit Israel, toq xtapon k'a ri q'ij ri', xtinben jun jikibel-tzij kik'in ri chikopi'; kik'in ri k'uxunela' taq chikopi', kik'in ri aj-xik' taq chikopi' y kik'in ri kumatzi'. Xtinpaba' k'a ronojel oyowalen chirij, xtinben k'a chi kan kuqul kik'u'x xkek'ase'.

Wuj Richin ri Chojmirisabelri'il 26:22

Kan xtinben chi xkepe k'uxunela' taq chikopi', kan xkekitej ri iwalk'ual, chuqa' xkekitej ri iwawej y kan xkixk'is, y kan xtitole' kan ri bey.

Wuj Richin ri Chojmirisabelri'il 26:6

Kan xtik'oje' uxlanibel-k'u'x iwik'in chupan ri ruwach'ulew ri' y toq yixwer kan man jun k'a xkixbin. Xtinben k'a chi xkek'is ri k'uxunela' taq chikopi' y kan man jun k'a labal xtibanatej chi'ikojol.

Santiago 3:7

Roj k'o quchuq'a' pa kiwi' ri aj-xik' chikopi', ri kumatzi', ri jalajoj kiwech ker y ri ch'aqa' chik chikopi'.