Wuj Richin ri Rutikeribel 8:9 - Kaqchiquel Bible

⁹ Y ri ti paloma ri' kan man xril ta akuchi xpa'e-wi y k'ari' xtzolin-pe chupan ri nima-barco ri', roma ri ya' k'a k'o na pa ruwi' ri ruwach'ulew. K'ari' ri Noé xukusaj chik apo ri ti paloma rik'in.

Wuj Richin ri Rutikeribel 8:9 ပူးပေါင်းရင်းမြစ်များ

San Mateo 11:28

Roma ri' kixanpe wik'in chi'iwonojel rix ri janila ralal ri ejqa'n qajineq chiwij, roma yin xtinya' uxlanen chiwe.

Wuj Richin Bix Chire ri Dios 116:7

Wakami yikikot roma ri Jehová kan utz xuben wik'in.

San Juan 16:33

Ronojel k'a re', kan ninq'alajirisaj yan kan chiwe, richin chi kan k'o ta k'a ri uxlanen pa taq iwánima roma rix itunun chik iwi' wik'in. Y ninbij k'a chuqa' kan chiwe, chi kan xtiwil-wi tijoj-poqonal. Jak'a yin xich'akon yan chirij ri Itzel-Wineq ri chapayon richin re ruwach'ulew. Roma ri' kan tikuquba' ik'u'x iwik'in, xcha'.

Deut 28:65

Rokik ixk'o chuwech ri ruwach'ulew ri' man xkixuxlan ta juba', ni man xtiwil ta ch'uch'ujil, roma ri Jehová xtuben chiwe richin xkixk'ase' rik'in xibinri'il. Xtibison iwech y xtik'oje' q'axo'n pa taq iwánima.

Wuj Richin ri Isaías 60:8

¿Achike re' ri yexik'an achi'el sutz', y achi'el paloma richin yebe pa taq kisok?

Ez 7:16

Y ri winaqi' ri ek'o kan chupan ri tinamit, xa xke'animej-el pa taq juyu'. Y toq ye'oq' roma ri kimak, xa xkeq'ajan achi'el nikiben ri taq paloma.

Wuj Richin ri Rutikeribel 8:8

K'ari' xuteq-el jun paloma, richin niberutz'eta' kan wi xk'is yan qa ri ya' chuwech ri ruwach'ulew.

Wuj Richin ri Rutikeribel 8:10

Y toq xapon k'a ri ruwuq q'ij, ri Noé xuteq chik jun bey ri ti paloma.