Wuj Richin ri Rutikeribel 8:8 - Kaqchiquel Bible

⁸ K'ari' xuteq-el jun paloma, richin niberutz'eta' kan wi xk'is yan qa ri ya' chuwech ri ruwach'ulew.

Wuj Richin ri Rutikeribel 8:8 ပူးပေါင်းရင်းမြစ်များ

Wuj Richin ri Nimalej Bix 2:14

Wajowanel yin, ri awewan-awi', rat kan at achi'el jun ti paloma ri rewan-ri' chupan jun jul chuwech nimalej taq abej, o chupan jun ti sokaj pa juyu'. Tak'utu' k'a awi' chinuwech, Taya' q'ij chuwe richin ninwak'axaj ri ach'abel, roma ri ach'abel kan janila jebel ok, y chuqa' janila jebel ok ri yatzu'un.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Wuj Richin ri Nimalej Bix 1:15

Kan at jebejoj ok rat, wajowanel yin, kan janila wi at jebejoj ok. Ri runaq' taq awech kan janila e jebel ok. Kan e achi'el k'a runaq' taq kiwech ri paloma.

Wuj Richin ri Rutikeribel 8:7

Xrisq'opej k'a el jun qo'ch y re qo'ch re' nibe-nipe nibe-nipe rokik royoben chi nichaqer ri ruwach'ulew.

Wuj Richin ri Rutikeribel 8:9

Y ri ti paloma ri' kan man xril ta akuchi xpa'e-wi y k'ari' xtzolin-pe chupan ri nima-barco ri', roma ri ya' k'a k'o na pa ruwi' ri ruwach'ulew. K'ari' ri Noé xukusaj chik apo ri ti paloma rik'in.