Wuj Richin ri Rutikeribel 8:22 - Kaqchiquel Bible

²² Rokik nik'oje' re ruwach'ulew xtik'oje' tiko'n y kan xtiwachin. Y man jun bey k'a xtik'is ri tew, ni ri k'aten, ri job y ri saq'ij, ni ta ri paq'ij y ni ta ri aq'a', xcha' ri Dios.

Wuj Richin ri Rutikeribel 8:22 ပူးပေါင်းရင်းမြစ်များ

Santiago 5:7

Wach'alal, ninbij k'a chiwe chi kixkoch'on, y man tiya' kan ri koch'onik ri', k'a toq xtapon ri q'ij toq xtipe chik jun bey ri qajaw. Achi'el nuben jun tikonel pa juyu', nikoch'on y nroyobej ri nabey y ruk'isibel taq job, k'a chirij ri' k'ari' nuk'ol ri ruwech ri rutiko'n.

Wuj Richin ri Jeremías 5:24

Kan man xibij ta qa: Tiqaya' ruq'ij ri Jehová ri qa-Dios, roma kan pa ruq'ijul nuya-pe ri nabey y ri ruk'isibel taq job y kan ruya'on k'a pe jun q'ij richin niqak'ol ruwech ri tiko'n, man yixcha' ta qa.

Wuj Richin ri Jeremías 31:35

Kan qitzij na wi chi ja yin xiya'on ri q'ij richin chi nisaqirisan ri paq'ij. Chuqa' ja yin ri xibanon ri ik' y ri ch'umil richin chi yesaqirisan chi'aq'a'. Ri nubi' ja ri Jehová ri k'o ronojel uchuq'a' pa ruq'a'. Y chuqa' ja yin ri xibanon chire ri palou richin nisilon ruwi' y nibolqo't.

Ex 34:21

Waqi' k'a q'ij xkixsamej y chupan ri ruwuq q'ij kan xkixuxlan k'a, roma ri' chupan ri ruq'ijul ri tikoj y ri ruq'ijul ri q'atoj kan k'o chuqa' chi yixuxlan chupan ri ruwuq q'ij.

Wuj Richin ri Rutikeribel 45:6

Ka'i' yan juna' k'o-pe re wayjal chuwech re ruwach'ulew y k'a k'o wo'o' ri nikanej kan chiqij y chupan ri wo'o' juna', stape' xtiban qa tiko'n xa man xtiwachin ta.