Wuj Richin ri Rutikeribel 8:21 - Kaqchiquel Bible

²¹ Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

Wuj Richin ri Rutikeribel 8:21 ပူးပေါင်းရင်းမြစ်များ

2 Corintios 2:15

Y keri' roj, kan achi'el jubulej pom ri yojapon chuwech ri Dios, ri nusuj ri Cristo chire. Ri jubulej uxla' ri' kan napon-wi k'a kik'in konojel ri winaqi'; kik'in ri xkekolotej y kik'in chuqa' ri man xkekolotej ta.

Efesios 5:2

Kan qojajowan k'a achi'el chuqa' xojrajo' ri Cristo; rija' ruyon xusuj-ri' pa kamik qoma roj, achi'el xban toq xesuj ri sipanik y ri kamelabel. Y ri Dios yalan xqa' chuwech chi keri' xuben ri Cristo.

Wuj Richin ri Jeremías 17:9

Xa ruyon q'oloj k'o pa ránima ri wineq. Man nuben ta ronojel pa ruchojmilal. Y kan man jun nitikir niq'ax chuwech ri nuch'ob.

Wuj Richin ri Rutikeribel 6:5

Y ri Jehová xutz'et ronojel ketzelal ri winaqi' chi kan man utz ta ri kibanobal y ri kich'obonik, ri nalex-pe pa taq kánima, kan beneq ruwech janila itzel,

Filipenses 4:18

Yin kan nuk'ulun k'a ronojel ri xiteq-pe rix toq xpe ri qach'alal Epafrodito, y jare' ri retal chi yin xink'ul. Kan pa ruk'iyal chik k'a k'o wik'in, kan man jun chik k'a xtinwajo'. Re sipanik re' kan nijubulin k'a napon chuwech ri Dios, y kan jun sipanik ri kan xk'ul roma ri Dios roma kan xqa' chuwech.

Romanos 3:23

Roma xa kan qonojel xojmakun, y man niqaq'i' ta ri k'ojlen ri nrajo' nuya' ri Dios chiqe.

Ez 20:41

Toq yin xkixinmol chi'iwonojel ri ixk'o pa taq ruwach'ulew ri akuchi ix nutalun-wi, jari' toq rix kan xtik'ut k'a ri nuk'ojlen chikiwech konojel winaqi' richin ri ruwach'ulew. Y jari' toq yin xkixink'ul rix achi'el jun sipanik ri kan nijubulin ruxla'.

San Mateo 15:19

Roma xa pa kánima k'a ri winaqi' yepe-wi ri itzel taq ch'obonik. Chiri' nipe-wi ri ch'obonik toq yekamisan. Chiri' chuqa' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun; chuqa' chiri' nipe-wi toq ye'eleq', toq yetz'uku tzij, y chuqa' toq yeyoq'on.

Wuj Richin ri Chojmirisabelri'il 1:13

Y ri rajaw ri chikop xtuch'ej ri rixkolob y ri taq raqen ri ti chikop, y ri sacerdote xtusuj y xtuporoj ronojel pa ruwi' ri porobel, y re' jare' ri sipanik poron richin nijubulin chinuwech yin.

Wuj Richin ri Molojri'il 7:20

Kan keri', chuwech re ruwach'ulew man jun ri kan choj ruk'aslen, ri kan xaxe ta ri utz nuben y man ta nimakun.

Wuj Richin ri Chojmirisabelri'il 1:9

Y ri rajaw ri chikop xtuch'ej ri rixkolob y ri taq raqen ri ti chikop, y ja ri sacerdote xtiya'on-qa ronojel re' pa ruwi' ri porobel; y re' jun sipanik poron richin janila nijubulin chinuwech yin Jehová.

Wuj Richin ri Rutikeribel 3:17

Y ri Dios xubij chuqa' chire ri Adán: Roma kan xanimaj rutzij ri awixjayil y xatej ruwech ri che' ri xinbij chawe chi man tatej; awoma k'a rat xtiqaqa k'a itzel pa ruwi' re ruwach'ulew richin jantape'; y rik'in janila ruk'ayewal xtasamajij ri ulew richin xkawa' chijun ri ak'aslen.

San Juan 3:6

Ri wineq k'a ri ruk'uan xaxe ri alaxik richin re ruwach'ulew, kan aj-ruwach'ulew wi. Jak'a ri wineq ri ruk'uan chuqa' ri alaxik richin ri Loq'olej Espíritu, kan richin wi ri Loq'olej Espíritu.

Wuj Richin ri Isaías 53:6

Chiqajujunal k'a roj xqaben ri xqa' chiqawech, achi'el ri taq karne'l ri kitalun-ki', y chikijujunal nikikanoj kibey. Jak'a ri Jehová xuya' pa tijoj-poqonal ri rusamajel roma re mak re'.

Wuj Richin Bix Chire ri Dios 58:3

Rix ri ix banoy etzelal kan pan isanti'il k'a xich'er yan iwi'. Kan xaxe k'a toq xixalex, xich'er kan iwi' richin ri tz'ukuj-tzij.

Wuj Richin Bix Chire ri Dios 51:5

Yin kan in aj-mak-wi, kan ja toq xitz'ukutej-q'anej. Kan in aj-mak chik toq xiruya' chuwach'ulew ri nte'.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

Romanos 1:21

Roma kan chikiwech k'a ek'o-wi ri yeq'alajirisan chi k'o Dios, xa jak'a rije' man kiya'on ta ruq'ij-ruk'ojlen achi'el ruk'amon chi niban, ni man kimatioxin ta chire. Pa ruk'exel chi keri' xa ja ri man jun kejqalen ri yekich'ob; xa e nakaneq y q'equmatajineq ri kánima.

Wuj Richin ri Jeremías 18:12

Jak'a rije' xa xtikibij chawe chi man jun chik tabij chike, jak'a más utz yek'ase' achi'el ri nikajo' rije' y nikiben achi'el ri rurayibel ri itzel taq kánima.

Wuj Richin Etamabel-Tzij 20:9

¿Kan nitikir kami nubij ri wineq? Yin kan nuchajin-wi' y roma ri' ri wánima kan ch'ajch'oj. ¿Y kan nitikir ta kami chuqa' nubij? Yin kan in ch'ajch'oj y man jun mak k'o ri pa nuk'aslen.

Wuj Richin ri Achin Job 14:4

Roma kan man tikirel ta k'a chi k'o ta jun ri kan ch'ajch'oj, toq xa wineq y k'a k'o na chuwech re ruwach'ulew. Kan man jun.

Wuj Richin ri Chojmirisabelri'il 1:17

K'ari' nuchop pa taq ruxik' y nuper-qa juba'. Y ri sacerdote xtuporoj pa ruwi' ri si' ri k'o pa ruwi' ri q'aq', jun sipanik poron richin nijubulin chinuwech, xcha' ri Jehová.

Ex 29:25

Xeri' xtak'en chuwi-kiq'a' y xtaya' pa ruwi' ri porobel y xtaporoj k'a. Re' jun jubulej sipanik poron chuwe yin Jehová, jun sipanik ri jebel ruxla' ri nasuj chuwe yin pa ruwi' ri q'aq'.

Ex 29:18

Xtaporoj k'a chijun ri karne'l pa ruwi' ri porobel. Re' jun jubulej sipanik poron chuwe yin Jehová, jun sipanik ri jebel ruxla' ri nasuj chuwe yin pa ruwi' ri q'aq'.

Wuj Richin ri Rutikeribel 6:17

Yin kan xkenbenjaqa' k'a pe ya' pa ruwi' re ruwach'ulew, y ri ya' kan xkerumuq k'a konojel ri nikijiq'aj kaq'iq' ri ek'o chuxe' ri kaj. Konojel re' xkebek'is.

Wuj Richin ri Jeremías 8:6

Kan jebel nuya'on nuxikin y kan xinwak'axaj, chi chi'iwonojel man nitzolej ta pe ik'u'x chupan ri imak. Jak'a rix nik'utuj chi achike ri xiben. Xa chi'iwonojel k'a itzeqeliben junan ri ibey achi'el nikiben ri kiej junanin e beneq pan oyowal.

Wuj Richin ri Isaías 65:6

Y ronojel re' kan chinuwech yin xtz'ibatej-wi kan. Y yin kan man xtinq'etej ta ri nuq'a', jak'a kan xtinya' rajel ruk'exel chike,

Wuj Richin ri Isaías 48:8

Rix man jun bey iwajowan iwak'axan ta re', ni man jun bey iwajowan ta niwetamaj, roma ri' man xiwajo' ta xiwak'axaj. Yin kan wetaman chik chi rix kan ix q'olonel-wi, roma kan k'a ja toq man jani kixalex, rix kan ix yakatajineq chik chuwij.

Wuj Richin ri Isaías 47:15

Keri' k'a xtikiben iwik'in rix, ri janila ikuquban ik'u'x kik'in, stape' janila ikuquban ik'u'x kik'in k'a ja toq ix ak'uala' na. Xa kan xkebe ri akuchi nikajo-wi, y man jun chike rije' ri xkixkito' ta.

Wuj Richin ri Isaías 47:12

Kan chaq tikuquba' ik'u'x kik'in ri winaqi' ri nikiben meyel taq banobel, y kik'in ri janila chi aj-itza', roma kan jari' ix beneq kik'in toq k'a ix ak'uala' na. Q'alaj k'ari' wi k'o xtik'atzin-wi chiwe. Q'alaj k'ari' xke'ixibij ri e etzelanel iwichin.

Wuj Richin ri Chojmirisabelri'il 26:31

Kan xtitole' k'a kan ri itinamit, y kan man jun chik xke'apon ri akuchi niya-wi kiq'ij ri i-dios, y kan man utz ta chik xtinseq ri jubulej pom.

Wuj Richin ri Rutikeribel 5:29

y xubini'aj Noé y re bi'aj re' nel chi tzij uxlanen. Roma xubij ri Lámec: Ri Jehová xuya' ruk'ayewal pa ruwi' ri ruwach'ulew. Y xa roma ri' janila k'ayew richin niqasamajij ri ruwach'ulew. Y wakami k'a re ak'ual re' xtuya' uxlanen chiqe.

Wuj Richin ri Rutikeribel 4:12

Roma wi xtasamajij chik ri ulew, xa kan man xtik'ase' ta chik ri atiko'n y kan xaxe k'a xkabe-kela' xkabe-kela' xtaben pa ruwi' re ruwach'ulew y kan man jun k'a akuchi xkak'oje-wi-qa, xcha'.

Wuj Richin ri Rutikeribel 6:7

Y xubij k'a rija': Xkenmes k'a el chuwech re ruwach'ulew ri winaqi' ri xenben y chuqa' ronojel kiwech chikopi' ri ek'o chuwech re ruwach'ulew y ri aj-xik' taq chikopi'; roma kan janila niq'axon ri wánima achike roma xenben, xcha'.

Wuj Richin ri Rutikeribel 6:13

jari' toq rija' xubij chire ri Noé: Xinch'ob chi yenk'is konojel ri k'o kik'aslen chuwech ri ruwach'ulew, roma ri ruwach'ulew k'isineq pa ruk'ayewal, roma ri itzel taq kirayibel y roma ri' xkenmes k'a el konojel chuwech re ruwach'ulew.

Wuj Richin ri Chojmirisabelri'il 4:31

Chuqa' nrelesaj ronojel ri ruq'anal richin ri chikop achi'el niban chire ri chikop ri nisuj richin nijunamatej-ruwech wik'in, y xtuporoj pa ruwi' ri porobel ri kan nijubulin chinuwech yin. Keri' ri sacerdote xtusuj ri kamelabel richin nikuyutej rumak ri wineq ri', y k'ari' nink'en chik ruwech.

Wuj Richin ri Chojmirisabelri'il 8:28

Xeri' ri Moisés xuk'en chuwi-kiq'a' y xuya' pa ruwi' ri porobel y xuporoj. Re kamelabel re' jun sipanik richin k'amoj samaj y janila nijubulin chuwech ri Jehová.

Wuj Richin ri Q'axanri'il 15:3

Nik'en-pe jun chike ri nima'q o kokoj taq iwawej richin nijubulin chinuwech. Y re chikop re' xtik'atzin richin niporox chijun, richin jun kamelabel, chuqa' toq k'o jun ri nisuj chi niben chinuwech yin y toq nik'en-pe roma nalex-pe pan iwánima o toq niben jun nimaq'ij richin niya' nuq'ij.

1 Sam 26:19

Wakami k'a wajaw tabana' utzil tawak'axaj k'a ri nuch'abel yin, ri asamajel. Wi ja ri Jehová xbin chawe richin yayakatej chuwij, rik'in juba' rija' xtuk'ul ta jun sipanik chiqawech ri xtiqasuj chire. Jak'a wi ja ri achi'a' ri xetaqchi'in awichin, ri Jehová xtuben chi xtiqaqa itzel pa kiwi', roma kan xinkelesaj-pe richin chi yin man yinichinan ta kik'in chupan ri qaruwach'ulew. Rije' chuqa' xkibij chi yin xkensamajij ch'aqa' chik dios.

Wuj Richin Bix Chire ri Dios 58:4

Ri ich'abel rix achi'el ri kamisanel ya' ri nel pa ruchi' ri kumetz, kan achi'el ri kumetz ri nuben chi man nrak'axaj ta,