Wuj Richin ri Rutikeribel 7:21 - Kaqchiquel Bible

²¹ Y xeken k'a konojel ri k'o kik'aslen chuwech ri ruwach'ulew; ri aj-xik' taq chikopi', ri ye'awajix, ri chikopi' richin pa k'echelaj, y konojel ri chikopi' ri e jepejeq, y konojel ri winaqi'.

Wuj Richin ri Rutikeribel 7:21 ပူးပေါင်းရင်းမြစ်များ

Wuj Richin ri Rutikeribel 6:13

jari' toq rija' xubij chire ri Noé: Xinch'ob chi yenk'is konojel ri k'o kik'aslen chuwech ri ruwach'ulew, roma ri ruwach'ulew k'isineq pa ruk'ayewal, roma ri itzel taq kirayibel y roma ri' xkenmes k'a el konojel chuwech re ruwach'ulew.

Wuj Richin ri Rutikeribel 7:4

Roma ri wuqubix-apo, yin xtinbenya-pe ya' kawineq q'ij y kawineq aq'a' y re' kan xtumuq ri ruwach'ulew, y xkenk'is k'a konojel ri k'o kik'aslen y xkenmes k'a el konojel ri e nubanon, ri ek'o chuwech re ruwach'ulew, xcha'.

Wuj Richin ri Rutikeribel 6:17

Yin kan xkenbenjaqa' k'a pe ya' pa ruwi' re ruwach'ulew, y ri ya' kan xkerumuq k'a konojel ri nikijiq'aj kaq'iq' ri ek'o chuxe' ri kaj. Konojel re' xkebek'is.

Romanos 8:20

Roma re ruwach'ulew y ri ch'aqa' chik ri xeruben ri Dios xeyojtej; y kere' xkik'uluwachij pa ruq'a' ri Dios, jak'a man roma ta k'a kimak rije'. Xa kan koyoben

2 Pedro 2:5

Y chuqa' ri Dios man xerukoch' ta ri winaqi' ri xemakun ri ojer kan pa ruq'ijul ri Noé. Y roma ri' xuben chi xmuqutej ri ruwach'ulew chi ya', richin chi xek'is konojel. Jak'a xekolotej kan e wuqu' winaqi' y ri Noé; ja rija' ri xq'alajirisan chikiwech ri winaqi' ri ruk'uaxik jun k'aslen choj chuwech ri Dios.

Romanos 8:22

Jak'a re wakami ronojel ri e rubanon ri Dios yeq'axo y yejilo achi'el nijilo jun ixoq ri pa ruq'ijul chik ri alanen k'o-wi.

San Lucas 17:27

Rije' xa jak'a ri kiway-kuk'ya' ri nikich'ob; chuqa' ri k'ulubik, ri yeyatej chuqa' kimi'al-kik'ajol richin yek'ule'. Jari' ri yekich'obola' rije', toq xapon k'a ri q'ij richin chi ri Noé y ri e aj pa rachoch xe'ok chupan ri jun nimalej barco y xuchop ri kamik job, ri xeruk'is konojel ri winaqi';

San Mateo 24:39

Y man jun bey k'a xq'ax ta chikiwech ri xq'alajirisex chike, xa kan k'a ja toq xoqaqa na ri ya' ri xmuqu richin ri ruwach'ulew ri xuk'uan kichin konojel. Y kan keri' chuqa' xtibanatej toq xtapon ri nupetebal yin ri xiqaqa-pe achi'el wineq chi'ikojol.

Wuj Richin ri Sofonías 1:3

Xkenk'is k'a el konojel winaqi' y ri jalajoj kiwech chikopi' ri e richin pa k'echelaj; xkenmes-el ri aj-xik' taq chikopi' y konojel ri ek'o chupan ri palou. Kan xkenmes k'a el chuwech ri ruwach'ulew konojel winaqi' ri e banoy etzelal. Yin Jehová ri yibin.

Joel 2:3

Rije' nikik'is ronojel ri k'o chikiwech, achi'el nuben ri q'aq' nuk'is ronojel ri q'ayis. Pa nabey, ri tiko'n kan achi'el ri qejoj ri kan nik'ases, jak'a chirij re' xa xok kan jun tz'iran ruwach'ulew, y kan man jun xtikolotej kan.

Os 4:3

Roma ri' kan xtibek'oje' k'a bis chupan ri ruwach'ulew. Konojel ri k'o kik'aslen kan xtik'is k'a kuchuq'a'. Ri chikopi' ri e aj pa q'ayis y ri aj-xik' taq chikopi', kan xkeken chuqa'. Jajun ri ker ri ek'o pa ya' kan xkeken chuqa'.

Wuj Richin ri Isaías 24:19

Ri ruwach'ulew kan xtiwuluwu'. Kan xtich'aratej, y ronojel xtisilon.

Wuj Richin ri Isaías 24:6

Kan xqaqa itzel pa ruwi' chijun ruwach'ulew, roma re mak re' ri xkiben ri winaqi'. Roma ri' konojel ri winaqi' kan xkeken, y xa kan e juba' ok ri xkek'oje' kan.

Wuj Richin ri Rutikeribel 1:25

Ri Dios kan xeruben-wi k'a jalajoj kiwech chikopi', richin k'echelaj y ri jalajoj kiwech chikopi' ri ye'awajix y ri jalajoj kiwech chikopi' ri e jepejeq. Y ri Dios xutz'et chi kan utz wi.

Wuj Richin ri Achin Job 34:15

xa kan konojel k'a pa jun bey yeken-el, y konojel ri winaqi' ri', xa kan xke'ok chik ulew jun bey.