Wuj Richin ri Rutikeribel 7:13 - Kaqchiquel Bible

¹³ Y ri q'ij toq k'o chi nipe ri ya' ri xtimuqun ri ruwach'ulew, jari' toq ri Noé y ri rixjayil, y ri Sem, ri Cam, ri Jafet, y ri kixjayilal rije' xe'ok chupan ri achi'el nima-barco.

Wuj Richin ri Rutikeribel 7:13 ပူးပေါင်းရင်းမြစ်များ

Wuj Richin ri Rutikeribel 7:1

K'ari' ri Jehová xubij chire ri Noé: Rat, ri awixjayil, ri e ak'ajol, ri e awali' kixok chupan ri nima-barco; roma xa kan xaxe rat ri choj ri abanobal chinuwech yin chikikojol re sol winaqi' re ek'o wakami.

Wuj Richin ri Rutikeribel 6:18

Y awik'in rat ninjikiba-wi ri nutzij, y xkixok k'a chupan ri nima-barco, rat y ri awixjayil; y chi e oxi' ak'ajol, y ri kixjayilal chuqa' rije' xke'ok chupan.

2 Pedro 2:5

Y chuqa' ri Dios man xerukoch' ta ri winaqi' ri xemakun ri ojer kan pa ruq'ijul ri Noé. Y roma ri' xuben chi xmuqutej ri ruwach'ulew chi ya', richin chi xek'is konojel. Jak'a xekolotej kan e wuqu' winaqi' y ri Noé; ja rija' ri xq'alajirisan chikiwech ri winaqi' ri ruk'uaxik jun k'aslen choj chuwech ri Dios.

1 Pedro 3:20

Ja winaqi' ri' ri ojer kan man xkinimaj ta rutzij ri Dios pa ruq'ijul ri Noé, toq xuben ri nima-barco. Ri Dios janila k'iy juna' ri xuya' chike richin xeroyobej. Jak'a man jun ri xtzolin ta pe ruk'u'x xa kan xaxe e waqxaqi' winaqi' ri xe'ok chupan ri nima-barco ri' y xekolotej rik'in ya'.

Hebreos 11:7

Chuqa' ri Noé xk'oje' kuqubabel-k'u'x rik'in. Roma ri' toq ri Dios xch'on rik'in pa ruwi' ri man jani nibebanatej, rik'in rukiy ri Dios xuben jun nimalej barco richin xerukol ri e aj pa rachoch. Y rik'in ri' xbeq'alajin-pe chi ri ch'aqa' chik winaqi' man utz ta xkiben, y xq'at-tzij pa kiwi'. Jak'a ri Noé roma kan xukuquba' ruk'u'x, ri Dios xuben chire chi man jun rumak xk'ulun chuwech.

Wuj Richin ri Rutikeribel 10:21

Ri Sem ja rija' ri nimalaxel chuwech ri Jafet, y chuqa' xek'oje' ralk'ual. Y qonojel roj, re ojk'o re q'ij re', ri oj rijatzul ri Heber, chuqa' oj eleneq-pe rik'in ri Sem.

Wuj Richin ri Rutikeribel 10:6

Ri e rijatzul ri Cam, ja ri Cus, ri Misraim, ri Fut y ri Canaán.

Wuj Richin ri Rutikeribel 6:10

Y rija' xeralk'ualaj k'a e oxi' ruk'ajol ri xkibini'aj: Sem, Cam y Jafet.

Wuj Richin ri Rutikeribel 5:32

Y toq ri Noé k'o chik 500 rujuna', jari' toq xuchop nalk'ualan. Y e oxi' k'a ruk'ajol xek'oje' ri xkibini'aj: Sem, Cam y Jafet.

Wuj Richin ri Rutikeribel 7:14

Chuqa' konojel ri jalajoj kiwech chikopi' ri e richin k'echelaj, ri e richin chuwa-jay, ri e jepejeq y konojel ri jalajoj kiwech aj-xik' taq chikopi'.

Wuj Richin ri Rutikeribel 8:14

Chupan ri q'ij juwineq wuqu' chire ri ruka'n ik', jari' toq jebel chaqi'j chik ri ruwach'ulew.

Wuj Kichin ri To'onela' 21:22

Y wi ri kitata' o ri kixibal ri xtani' yepe qik'in richin yech'ojin, roj kere' k'a xtiqabij chike: Tibana' utzil richin ye'iya' kan ri xtani' chike, roma roj chupan ri labal ri xqaben, man xeqil ta kan xtani' richin ye'ok kixjayilal konojel rije'; y chuqa' rix maneq imak chire ri jikibel-tzij roma man ja ta rix ri xixya'on-el chike, xa kan xe'eleq'ex k'a el, xqojcha' chike, xecha'.