Wuj Richin ri Rutikeribel 6:7 - Kaqchiquel Bible

⁷ Y xubij k'a rija': Xkenmes k'a el chuwech re ruwach'ulew ri winaqi' ri xenben y chuqa' ronojel kiwech chikopi' ri ek'o chuwech re ruwach'ulew y ri aj-xik' taq chikopi'; roma kan janila niq'axon ri wánima achike roma xenben, xcha'.

Wuj Richin ri Rutikeribel 6:7 ပူးပေါင်းရင်းမြစ်များ

Wuj Richin ri Rutikeribel 6:6

y ri Jehová janila xbison y xq'axon ránima chi xeruk'iytisaj ri winaqi' chuwech re ruwach'ulew.

Wuj Richin ri Rutikeribel 7:21

Y xeken k'a konojel ri k'o kik'aslen chuwech ri ruwach'ulew; ri aj-xik' taq chikopi', ri ye'awajix, ri chikopi' richin pa k'echelaj, y konojel ri chikopi' ri e jepejeq, y konojel ri winaqi'.

Wuj Richin ri Rutikeribel 7:4

Roma ri wuqubix-apo, yin xtinbenya-pe ya' kawineq q'ij y kawineq aq'a' y re' kan xtumuq ri ruwach'ulew, y xkenk'is k'a konojel ri k'o kik'aslen y xkenmes k'a el konojel ri e nubanon, ri ek'o chuwech re ruwach'ulew, xcha'.

Wuj Richin ri Rutikeribel 8:21

Y ri Jehová kan xqa' chuwech y kan nijubulin ri ruxla' ri kamelabel, y xubij pa ránima: Man jun bey chik xtinya' ruk'ayewal pa ruwi' re ruwach'ulew roma ri rumak ri wineq; stape' ri wineq xaxe nuch'ob nimakun ri k'a pa ralaxik-pe; kan man k'a xkenkamisaj ta chik konojel ri k'o kik'aslen, achi'el re xinben wakami.

Wuj Richin Bix Chire ri Dios 37:20

Jak'a ri e banoy etzelal kan xkek'is k'a. Ri e etzelanel richin ri Jehová, kan xkek'is k'a, kan xkek'is achi'el toq nik'is ri sib.

Wuj Richin Etamabel-Tzij 10:27

Ri wineq ri k'o rukiy ri Dios chuwech, nukochij más q'ij ruk'aslen, jak'a ri e banoy richin ri etzelal, ri Dios xa nuqupij chi'anin ri kijuna' chuwech re ruwach'ulew.

Wuj Richin Etamabel-Tzij 16:4

Ronojel k'a ri e ruk'iytisan ri Jehová, kan k'o k'a achike roma e rubanon kan; kan jajun ri wineq itzel, ruya'on q'ij chi k'o, richin ri q'ij ri richin ri ruk'ayewal.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Os 4:3

Roma ri' kan xtibek'oje' k'a bis chupan ri ruwach'ulew. Konojel ri k'o kik'aslen kan xtik'is k'a kuchuq'a'. Ri chikopi' ri e aj pa q'ayis y ri aj-xik' taq chikopi', kan xkeken chuqa'. Jajun ri ker ri ek'o pa ya' kan xkeken chuqa'.

Am 7:3

K'ari' ri Jehová xujoyowaj qawech y xubij chi man xtik'uluwachitej ta.

Am 7:6

K'ari' ri Jehová xujoyowaj qawech y xubij chi man xtik'uluwachitej ta.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

Wuj Richin ri Sofonías 1:2

Jare' k'a ri rutzijol ri xuya' ri Jehová chuwe: Xkenk'is-el konojel ri ek'o chuwech re ruwach'ulew. Yin Jehová ri yibin.

Wuj Richin ri Sofonías 1:3

Xkenk'is k'a el konojel winaqi' y ri jalajoj kiwech chikopi' ri e richin pa k'echelaj; xkenmes-el ri aj-xik' taq chikopi' y konojel ri ek'o chupan ri palou. Kan xkenmes k'a el chuwech ri ruwach'ulew konojel winaqi' ri e banoy etzelal. Yin Jehová ri yibin.

Deut 28:63

Achi'el toq ri Jehová kan rik'in janila kikoten utz xuben iwik'in y xixruwinaqirisaj, kan keri' chuqa' xtuben toq xkixruk'is-el jumul, kan xkixrelesaj k'a el chuwech re ruwach'ulew ri akuchi xkixok-wi richin xtiwichinaj kan.

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

1 Sam 15:11

Kan niq'axon ri wánima roma xinya' kan rey ri Saúl, y wakami xa xiruya' kan, y man xuben ta ri xinbij chire, xcha'. Y ri Samuel kan janila itzel xuna' toq xrak'axaj keri' y chijun ri aq'a' ri' xoq' chuwech ri Jehová.